اللي فاضية وطفشانه تدخل!!!!!!!!

16 مايو 2005

والله من يوم قريت الردود وضاق صدري اكتب ولااحد معبرني وانا وين رحت يوم تشكرون بنوته وتخلوني بس يالله ماعليه المسامح كريم وبعدين من الصدمه والمصيبه اللي صارت فينا البارح اقول الحمدلله والشكر وانا لله وانا اليه راجعون والحديد بداله حديد

تعالوا اسمعو وش صار فينا البارح
انا عارفه بتقولون وش هالخبر وهذا مو مكانه
بس علشان تحمدونن السلامه وتنتبهون لانفسكم وتاخذون حذركم وانتم بالسياره

( الاحــــــــــــــــــــــداث)

البارح الساعه 10 بالليل وديت اعيالي عند اختي ورحت انا وزوجي للمستشفى عندي مراجعه المهم يوم وصلنا وقف زوجي سيارته الBMW --بجانب الرصيف قلت لزوجي ليش موقف سيارتك كذا وقفها عدل علشان ماحد يجي ويخبط فيها قال لا ابدخلك المستشفى واعدلها بالشارع الثاني نزلنا ودخلت على الدكتوره وطلع زوجي يعدل السياره وهو رايح يبي يدخل المستشفى هو مادخل يعني رايح وهو يمشي يسمع تفحيط ويلتفت زوجي خاف على سيارته الا وذيك الكامري اللي فيها اثنين يفحطون ويسوون خمسات وتجي سيارتهم بسيارتنا وتدور السياره وتضرب بالجدار ونزل واحد من السياره وهج والثاني اغمى عليه وطلعو اللي بالمستشفى انهبلوا قالو هذي اكيد فيه شي المهم زوجي انهبل علشان سيارته يقول ياليتني ماغيرت مكانها ويركضون يحسبون اللي بالسياره مات وقالهم زوجي من القهر لاتشيلونه علشان يموت اتركوه المهم جا حق خدمات الموظفين اللي بالمستشفى وقال لزوجي انا اتكفل فيه قال زوجي انتبهله لايهج امسكوه ودق زوجي على الشرطه وجو الشرطه وهالعالم منهبلين وكل هذا وانا داخل اكشف ماادري وين ربي حاطني
المهم هج الثاني اللي يبون يكشفون عليه ضرب الدكتور وضرب اللي ماسكينه وهج وطلعو الثنين سكرانيين استغفرالله والله يهديهم ويشفيهم
المهم هج الثاني اللي كانو يبون يكشفون عليه وهج من المستشفى وراح لعائله وهم بالسياره ضرب ابوهم وقال لامهم انزلي اناارهابي وخذ ولدهم الصغير عمره 3 سنوات تقريبا وهج فيه وقف عن الجسر اللي بطريق خريص وقال للدوريه للشرطه اذا قربتوا مني تراني ابطيح الطفل من فوق الجسر قالوله انت وش اللي تبيه بالضبط قال لهم ابي السياره قالولوه الشرطه خلاص عطنا الطفل وخذالسياره وركب السياره ومعه الطفل وهج وبعدين ترك الطفل بوسط حاره وهج وصدم بالسياره وهج منها وراح لسياره ثانيه وضرب صاحب السياره وهج بعد المهم جلسو الشرطه طول البارح مطاردات الله لايبلانا وراح زوجي للقسم ومعه حق خدمات الموظفين وتحقيقات يدرون ان الحق مع زوجي لان سيارته خلاص بي باي يعني راحت بالتشليح الله يعوضنا خيرا منها
ولا جا زوجي الا الساعه اربع ونص الفجر ويوم جت الساعه خمس الفجر بعد نص ساعه ويدقون علينا الشرطه وقالو لزوجي تعال ماسكين 3 تعرف عليهم هم هذولا ولا لا المهم ويروح زوجي ويحلف ويقسم يقولي والله لوتشوفينهم تقعدين تبكين من حالتهم يقول قلت هذا السمين اللي صدم سيارتي والثنين اصدقائه وطلعو الثلاثه سكرانيين وشغلتهم يضربون صاحب السياره ويسرقون السياره واللي فيها ويفحطون به ويهجون ومستاجرين لهم شقه استغفرالله اعمارهم على 21 و22 بعز شبابهم الله لايبلانا ولايبلاكم وعساكم ماتشوفون اللي شفناه اللهم امين
يقول الشرطي لزوجي من يوم مسكناهم وحنا نضرب فيهم علشان يصحون وعيو لايصحون يقول زوجي لو تشوفين حالتهم يخرعون وشعورهم طايرهم ووجيههم تخرع من الضرب والشرب قالو لزوجي رح ثمن سيارتك كم تكلف علشان يدفع قيمتها قال زوجي وين يدفع قيمتها وهذي حالته وشكله ضعيف ويقولي ابي اسامحه رحمت حاله
قلت والله ماتسامحه وش ذنب الطفل اللي انخطف وبغى يموت من سببهم والناس اللي اتصدمت سياراتهم وحنا من ضمنهم لو على كذا اجل كلن صار يسكر وادمروا هالعالم خل يجي ابوه واخوانه وعمامه ويشفون مصير ولدهم ولا عمره ماطلع من السجن

على العموم مااطول عليكم وسامحوني---

التعليقات

اللي فاهم أفهمني🤭

اللي تنام وفمها مفتوح؟😭😅😅😅

اهدي اللي تحتك اي شي على ذوقك

☆اعطي اللي بعدك شي من الاشياء اللي حولك ☆

اللي ماتعرف نطبخ تدخل ..لك مفاجأة حلوة