طريق الامل ( خبرات متبادلة حول مراكز العقم فى مصر ) الجزء السادس

شيمو: انا لما اتأخر الحمل , اخدت زوجي ورحنا للدكتور وماقولناش لحد اننا راحين لدكتور لان لو حد فينا طلع عنده مشكلة ممكن اهل الطرف التاني يتضايق ويتكلم مع ده وده ونبقي حديث المدينة. والحمد لله طلع عندي مشكلة بسيطة و ربنا اكرمني بالحمل و اول ما عرفت اني حامل قولتلهم بس علي موضوع الحمل, ماجبتش سيرة علي اني رحت للدكتور قبل الحمل.

ازيكو يا حبايبي
انا رحت عملت التحليل
وقلت اطمن عليكو واسلم عشان متزعلوش مني
وبكرة ان شاء الله لما اجيب النتيجة هطمنكو
سلااااااااااااااااااااااااااااام

مها ان شاء الله تحاليليك تبقي كويسة

أهلا رمال واضح ان ما شاء الله عليكى دمك زى العسل:26:بصى حبيبتى أنا من المنصورة رحت للدكتور عبدالجواد متولى ورحت للدكتورة ماجدة البيلى وكلهم دكاترة ممتازين ورحت مركز أبو الغار للدكتورة رجاء منصور وقالتلى انتى وجوزك كويسين وكتبتلى سيدوفاج وغسول للألتهابات اسمه بيدالكين بس يا ستى .أما التحاليل يعنى البرولاكتين والال اتش واف اس اتش وتى3 وتى4والبروجسترون وكلهم كويسين وطبعا عملت أشعة الصبغة والحمد لله كويسة.سورى رمال أنا مش متابعة الملف من الأول ياربت تحكيلى عن نفسك لوتحبى طبعا.ربنا يرزقك الزرية الصالحة

بوبا حبيبتى .. ليه بس الاحراج اللى انتى حاسه بيه ده كله ... المسأله ابسط من كل الكلام اللى قلتيه يا حبيبتى .. احسبيها صح .. مصلحتك ولا احراجك من شئ مفيهوش اى احراج من اساسه ؟؟؟
ايه المشكله فى ان ظروفك ما سمحتش انك تنفذى خطتك مع دكتور عادل مفيهاش حاجه ابعتى له ميل اشرحى فيه ظروفك بإختصار و هو مش هيلتفت للظروف هو كل الى هيهمه انه يعرف مشكلتك علشان يرد عليها صدقينى يا بوبا ..
نصيحتى ليكى ما تتردديش انك تبعتى له وترجعى تتابعى معاه .. ومفيش داعى للاحراج مش بقول لك كلميه فى التليفون انا بقول لك راسلية مش هتخسرى حاجه .. هستنى ردك يا بوبا

زينب .. زوزة حبيبتى ..
الف مليون سلامه على زوجك يا قلبى ربنا ما يجيبش اى حاجه وحشه ابدا ودايما تكونوا بصحه وعافيه يارب .. بالنسبه للقرارات اللى بتتاخد دى من غير استشارة الدكتورة متنفعش يا عمرى .. قبل ما تعملى اى حاجه كلميها قولى لها هعمل كذا .. فاهمانى .. حتى فى ابسط الاشياء معلش خليكى حريصه شويه الحرص واجب ومفيش منه ضرر .. صدقينى يا زينب .. ربنا يطمننا عليكى يا قلبى يارب ويبارك فيكى وفى زوجك
وبالنسبه لابن جارتك .. والله حاجه جميله خالص بس كلها اسبوع واشوف كلامك هيتغير ولا لا ..

ام اياد .. حبيبتى انتى زعلتى منى ؟؟؟ سامحينى مقصدش اى حاجه وحشه بجد .. كل قصدى انى مكنتش بشوفك بتضحكى كتير ولا بتهزرى زى باقى البنات .. برغم انهم برده عندهم نفس المشكله .. وسامحينى تانى مرة لو كلامى دايقك
وانا وانوسه العسوله يا حبيبتى بنبوسك من هناهو ومن هناهو

:26: