السلام عليكم والرحمه
أعتقد أنها اول مره اقول الحقيقه عن الزواج واعترف فيها واقول اني كنت متزوج ..
والله يرحم زوجتي حبيتها ولكن رحلت
واليوم هو يوم رحيلها عن الدنيا ... مرت سنتين من وفاتها
ارجو انكم تدعون لها بالمغفره
واتمنى تقرون القصه وتعرفون سبب وفاتها ..
اصر الاهل اني اتزوج .. بحجه انهم يبون يفرحون فيني
وكان زواجي زواج تقليدي >> اللي دام شهر كامل
حبيتها من البدايه وكنت اموت فيها ...
بس المشكله ما قد قالت احبك
مادري ليش وشو الاسباب ... يمكن اتقولون انها تحبني ...
تصدقون اني لما كنت أطلع من البيت وارد .. احصلها لابسه أحلى ما عندها عشان تستقبلني
وكانت تحترمني وخلوقه جدا
كنت أنتظر منها كلمه احبك .. صدق كنت احس بحبها لي من طريقه معاملتها ...
كانت حنونه وتستحي مني لدرجه انها تخاف احيانا >> مع اني ماعرف الاسباب .. يمكن من تربيه اهلها ؟
حياتنا كانت حلوه بس ينقصها كلمه احبك
واذا استوى بينا مشاكل طول الوقت اتم تبكي وتترجاني اسامحها
حتى لو انا الغلطان >> كان قلبي يتقطع واشفق عليها
و اعتذر لها .. واذا اعتذرت من الفرحه كانت تستانس وتتغير ملامح وجهها ..تذهب تغير ملابسها وترد لي
وكأنها عرووسه وتقول وتقول : انته زعلان مني ؟
اقول لها ... لا وليش ازعل اصلن .. اتصخ اشوي وترد تسالني مره ثانيه : لا اكيد زعلان مني ؟
اقولها : لا حبيبتي مب زعلان منج .. وانا ما اروم ازعل منج لاني احبج
ويوم تسمع كلمه احبك اطير من الوناسه
كنت احيانا احس انها ما تحبني >> مب عشان شي >> بس لاني ما سمعت منها كلمه احبك
ع العموم بقولكم كيف ماتت .. وبسبتي انا
بعد اربعه اسابيع من الزواج .. استوت امبينا مشكله بسيطه وما تستاهل ازعل عشانها
لكني استغليت الموقف وقلت هالمره ما اخليها الا وتقولي احبك
وكان هاذي بدايه وفاتها >> يمكن لاني صغير في السن وماعرف اتصرف
كالعاده يت عندي وقالت انته زعلان ... ما رديت عليها وطلعت من الغرفه وسرت الصاله .. لحقتني وقالت :
ارجوك رد علي .. انا غلطت في حقك ؟؟ انا قصرت وياك ؟؟
واذا اخطيت في حقك انا اسفه .. طنشتها وخليتها تتكلم لحالها .. سرت الغرفه ولبست الكندوره وطلعت من البيت
رديت البيت الساعه 3 الفجر .. دخلت غرفتي .. الا واسمع صوتها اتصيح >> الصراحه رحمتها
يوم شافتني قامت وسارت غسلت ويهها .. ردت وسلمت علي .. وقالت : اييب لك عشاء .. اكيد ما تعشيت
طنشتها وجابلت لابتوبي ... يت عندي ..مسكت يديني .. وقالت : ارجوك رد علي .. انا اسفه .. تكفى لا تطنشني
الصراحه كرهت عمري فهاللحظه ورحمتها >> لكن الشيطان مسيطر علي
سحبت يديني وصرخت عليها وقلتلها : الواحد ياي البيت يريح مب عسب يتنكد
طلعت من الغرفه وسرت الميلس ورقدت هناك
يوم صحيت من الرقاد حصلتها يالسه جنبي تنتظرني اصحى من النوم .. وباين التعب في ويهها
قالت لي : صباح الخير .. اكيد شبعت رقاد
فكرت بيني وبين نفسي وقلت : من امس وهي تلاحقني تبا تراضيني .. اكيد وميه بالمليون انها تحبني
وانا ع الفاضي اعذبها ... بغيت اراضيها واعتذر لها
لكن مدري شو اللي خلاني اكمل المسرحيه البايخه
قلت لها : شي مايمهك
قمت وصليت الظهر وسرت بيت خالي وتغديت عنده >> وانا ما قلت لها وين ساير
رديت البيت الساعه 4 العصر وحصلتها حاطه الغداء .. ولابسه احلى ما عندها
دخلت عليها .. حتى ما سلمت عليها .. يت عندي وهي مبتسمه وقالت لي : وينك والله كنت قلقه تاخرت كثير
أذهب عشان احر الاكل ويكون جاهز في دقايق يا حياتي
من سمعت كلمه حاتي .. فرحت اشوي >> قلت اكيد كلمه احبك يايه في الدرب
قلت لها : تكفين تراني مب فاضي لكِ انتي وشكلج
رحت عنها وانا شفقان عليها لاني احبها .. وما ابا اتعبها اكثر ... صارلها يوم كامل ما رقدت بسبتي
دخلت الغرفه وغيرت ملابسي .. لحقتني الله يرحمها وقالت : انته زعلان
قلت : لا ..... قالت : عيل ليش ما تكلمني .. وليش ما ترد علي ؟
اذكر صوتها كان مبحوح ومبين الارهاق عليها
طاحت من التعب .... تلخبط مادري شسوي .. يلست احرك يدينها ويبت لها ماي وشربتها وقامت
قالت :انا اسفه يا حياتي .. تعبتك وياي
رجعت للعناد ... ويا ليتني ما رجعت
قلت لها : هاللعب ما يمشي علي ومره ثانيه لا اطيحين عمرج مفهووم ؟
طلعت من البيت وانا منقهر من اللي قلت لها ..
رديت البيت الساعه 11 في الليل .. وانا نااوي ابوسها واعتذر لها
دخلت عليها وحصلتها تصلي وتدمع
قلبي عورني عليها
غيرت ملابسي وطلعت من الغرفه قلت يوم اتخلص من الصلاه اكلمها
وانا ندمان ع اللي سويته
انتظرت خمس دقايق ودخلت عليها مره ثانيه وحصلتها تصلي وهي تشهق وتصيح
ظهرت مره ثانيه وانا اسمع صوتها ...
عقب خمس دقايق دخلت عليها .. وحصلتها ساجده
قلت اتريا لين تخلص واراضيها .. لكنها طولت .. قلت يمكن خاشعه في صلاتها
لكن مع مرور الثواني .. ارتبكت رحت لها وانا خايف وقلبي قام يرجف ..
ناديتها باسمها .. ما ردت علي .. حركتها بيديني وطاحت
والمفاجاه وصدمه العمر بالنسبه لي ..... ماتت الله يرحمها
ماتت بسبتي
بسبب تافه عباره عن اربعه حروف لا تزيد ولا تنقص شي
ومن الصدمه ما قدرت اتحمل طحت وفقدت الوعي
وما قمت الا الصباح الساعه سته
على صوت الوالده : حمد حمد قووم .. قووم .. حمد قوم وراك مدرسه ..
قال النبي صلى الله عليه وسلم: "ياأنجشة ، رفقاً بالقوارير"
اتمنى الفكره وصلت للجميع
سؤال..
تتوقعون شخصيه البنت اللي ذكرتها في الموضوع موجوده في واقعنا ؟؟؟
شاركي في النقاش
سجلي الدخول لإضافة تعليق.
التعليقات
12- اكيد فيه كذااا اخوي والله في حريم فيهن خير تمنيااااتي لك بتوفيق
- استغفر الله انا انغثيت شلون زوجها
قصة خيالية ماتصير في الواقع لان لو فيه وحدة كذا نشبة اكيد زوجها ماراح يتعلق فيها
مشكورة اختي على القصة - قصة خياااليه مدري حلم مثل ماقلت اخووي
- قصة مؤلمة ولكن للأسف بعض تفاصليها الحزينة موجودة في واقعنا
وخاصة عندما الزوج يطنشها لأتفة الأسباب وهي لم تقم بفعل شنيع تسحق منة هذة المعاملة
لذا فالزوجة ستصل لمرحلة لا تستطيع فيها الأحتمال لأنها بشر
لذا رفقا بالقوارير - واللي طبعها كذا؟؟؟<<:)
خلاص مابي اتزوج:)
مواضيع مشابهة
تابعي تجارب أخرى من هذا القسم.