الجد او الجده هم البركه

السلام عليكم
حبيت انزل موضوع يمكن انه مو جديد بس اذا كان قد طرح نرجع نزيد عليه او نذكر بعض
الجد او الجده اذا كلنوا عندكم بالبيت سواء من اهل ابوك او امك الله يطول باعمارهم ويزيدهم صحه
والله يرحم اللي توفى منهم
اذا كانوا موجودين عندكم في البيت
كيف حياتهم ؟
وشلون نفسيتهم ؟
وهل هم غايشين معكم بكل شيء ؟ يعني نفس الحياة يعني متاقلمين مع هالعصر ولا لهم حياتهم واكلهم و صحوتهم ونومتهم؟



بابدى بنفسي احنا عندنا في البيت ام امي الله يخليها ويطول بعمرها ويشفيها هي كبيره في السن بس طيوبه وحبوبه وماكنها جدتنا
اما اهل ابوي وابو امي متوفين الله يرحمهم
اذا كنا مجتمعين تسهر معنا:42::42:
وتفلها وتنبسط مره وتاكل من اكلنا يعني ماشيه مع العصر ماتشرط لها اكل حتى لو يكون اكلنا من الوجبات السريعه
تعودنا عليها مره حتى ريحتها في كل البيت من ادخل غرفتها وريحة دهن العود والمقلط ريحتها والسجاده لدرجه اذا راحت تزور احد من خالاتي الثانيات ولو يوم واحد نفقدها على طول حتى بنتي الصغيره ام ثلاث سنوات تجلس تصيح عشانها راحت وتضيق صدورنا اللين ترجع هي دايم تجلس عندنا بحكم ان ابوي متوفي يعني ماتستحي منع النيسب من انها دايم تقول ماقد حسيته الا واحد من عيالي ماكنه زوج بنتي الله يرحمه
انا هثرت عليكم واجد واوجعت روسكم في شيء يمكن البعض يحس انه ماله داعي بس من جد احس هي بركه البيت الله يطول في عمرها وااقدر اتخيل البيت من دونها ابد

عاد انتم عطونا اللي عندكم:22::22:
سلامتكم

6 تعليق 1,459 مشاهدة

شاركي في النقاش

سجلي الدخول لإضافة تعليق.

التعليقات

6
  1. والله صادقه الجد والجده بركة البيت
    بس انا اجدادي كلهم متوفين الله يرحمهم وموتى المسلمين
  2. الله يخليها لك
    اتوقع لو انها ام ابوك راح تفرق وتحسونها ثقيلة عليكم
    ودايم اهل الام خفيفين علي الام وعيالها اما اهل الاب تثيقل الام من خدمتهم وتأفف وهذا ينعكس على الابناء هذا شفته بها الزمن للاسف!!
    انا بصراحه ماعشت مع جداتي لانهم ماتو وانا صغيرة واتمنى اني شفتهم
  3. @nor_alkmr_45

    يعطيك العافيه على موضوعك الحلو
    فعلا الجد والجده بركه في البيت حتى انا جدتي ام امي تقريبا اكثر ايامها عندنا والله انا نستانس اذا جت عندنا ونفقدها اذا راحت
    مع انها ذا الايام بدت تضيع والله انها تحزن اذا شفت حالتها
    الله يطول في عمرها على طاعته
  4. صاحبة الموضوع
    اشكر كل من قراء موضوعي ورد عليه
    بس حبيت اعلق على الاخت hnoooبالنسبه لقولك لو انها ام ابوي كان ثقلت على امي وعلينا احب اقولك لا اختي غلطانه ام ابوي قبل ملتتوفى كانت عندنا وامي اللي تخدمها وهي مبسوطه لانها ام الغالي وهذا اقل خدمه وتدخلت جدتي للمستشفى لمده شهرين وهي في غيبوبه وماكان عندها الا امي ووزوجات عماني بالتناوب هذا لتوضيح بس الدنيا الى الان فيها اللي يحبون الخير والزمن ماغيرهم لانهم يدورون الاجر قبل كل شيء

تابعي تجارب أخرى من هذا القسم.