شاركي في النقاش

سجلي الدخول لإضافة تعليق.

التعليقات

40

  1. عضوة جديدة

    #35430294
    وحنا بعد مستفدنا شي ارسلوا معلمه وحده بس وماستفادت شي طبعا مدرستنا مبنى حكومي فيه اكثر من 800 طالبه وابشركم امس جابوا لنا مقياس حراره واحد لـ800 طالبه فيهم خير يوم ارسلوه

  2. @asyr_alklob2 محررة فضية

    #35430636
    فرح قلبي
    لا وازيد على كلامك اللي حاصل برضو في مدرستنا انه الموية منقطة عندنا من فترة طويلة ونادرا ما تتوفر فيها والوم كل مسؤول حتى لو تنقل له صورة غير حقيقية لازم ياخذ الكلام من المعلمات والمعلمين لانهم راح يدكروا الواقع والحاصل
    نفس الحاله عندنا وعندكم خير

  3. @nana_27 محررة فضية

    #35430752
    لا تتوقعي ولا تنتظري منهم شيء

    أحنا فالحين بالكلام وشاطرين فيه

    بس خالي إداري في مدرسة ويقول جابوا لنا منظفات ومطهرات ، وقالوا لنا لازم يكون بين كل طالب وآخر متر ؟

    وعلى قولته الفصل صغير ولا يستوعب هذي الطريقة

    ما عندك إلا إهمـــال وعدم مبالاة

  4. @brk_alhya_1 محررة

    #35432925
    والله كلامكم حق انا رحت لمستشفى اليمامه لبنتي في الطوارىء قالي الممرض جيبي تحليل لبنتك اعزكم الله بول ولما رحت الى الحمام في حاله يرثى لها قسم بالله حسيت انه كله اوبئه الحمامات متكسره خرطيش المويه متقطعه والزبايل في كل مكان في الحمام فخرجت وقلت للممرض والله اني لافضحكم هاذا حمام كيف اخذ لبنتي عينه في هاذا المكان اسفه وخرجت على قولتهم الطاسه ضايعه كيف يستقبل المرضى مستشفى اليمامه وعند الباب يقول انتبهو ترى فيه حالات انفلونزا طيب وزعو كمامات يقول والله مافيه صراحه يبغالنا تاسيس صح او على الاقل منشورات توزع في الاماكن العامه وعند الاشارات وكل مكان وانتشر لان توعيه مافيه وان وجدت محدوده

  5. @ahb_alsfr_bs_mtfr عضوة نشيطة

    #35433736
    طيب الحين راصينكم اسبوعين بالمدارس على ساعتين تدريب للمديرة..؟؟
    ليش ماسووا حملة تنظيف وتطهير للمدارس
    ليش ماوزعوا ادوات تنظيف معقمات ونظفوا المدارس قبل لايجون الطلاب والطالبات
    البلد مليان شركات نظافة مابتكلفهم شي اذا نظفوا المدارس على الاقل بس هالسنة
    كل سنة الموية متعطلة والمكيفات خربانة والفصول مغبرة والحمامات بؤرة تلوث
    والمصيبة والاطم لما يجيب طالب معه علبة موية رفضوا يدخلونه الفصل
    لو يجيب سجادة قالو ماله داعي صل على السجاد اللي متحلل وكله غبار من سنين
    المكيف ترم كامل متعطل ومافكروا يصلحونه..واذا اوشكوا الطلاب على الهلاك نقلوهم بالصالة لان المدرسة عبارة عن فيلا..وكل هذا صابرين ومتحملين
    والحين مع ههالوباء العالمي وزارتنا الكريمة لازالت نايمة بالعسل
    جالسين ينتظرون جرعات الادوية كأنها هي اللي بتنقذنا من المشكلة
    اتخذوا خطوة ايجابية لو مرة وحدة ياوزارة..!!
    كرهتونا بشي اسمه تعليم

تابعي تجارب أخرى من هذا القسم.