السلام عليكم ورحمة الله وبركاته
وحشتوني اوي اوي موووووت
انا متشكرة اوي علي الدعوات الحلوة بس عندي توضيح صغير انا لسة مش العملية يوم الأحد انا ميعادي يوم الأحد في المركز علشان ابدأ التنشيط بإذن الله
انا كنت عايزة اخد رأيكو في حاجة انا حاليا كنت بعمل دايت وبصراحة كدة انا مش ماشية علي دايت مخصوص انافي قسم الرجيم اللي في المنتدي كل ما الاقي نظام كويس بالنسبة لي والبنات بتقول انو بيخسس بروح عملاه وانا الحمد لله خسيت كتييير والناس كلها بتقولي كدة بس كان نفسي اخس اكتر علشان اكون في السيف سايد يعني انا حاليا 71 ك وطولي 170 سم بس كنت عايزة اوصل ل 67 مثلا
المهم انا المرة اللي فاتت في المركز لما قالولي اني ابدأ فيالحقن اللي تحت الجلد ادوني ورقة فيها شوية تعليمات كدة منها اني اركز علي البروتينات ( اللحوم الحمراء والبيض والألبان ) وأبتعد عن الانشون والبرجر والسوسيس والحاجات دي
فأنا طبعا من شطارتي دورت علي نظام دايت اخس بيها وفي نفس الوقت اكون باكل الحاجات المهمة دي فلقيت نظام دايت اسمة رجيم البروتينات ( أتكنز أو الدشتي ) هوا اسمة كدة
ده بيعتمد علي اكل البروتين والدهون فقط ويمنع اكل اي نشويات منعا باتا علشان بيخلي الجسم ينتج الطاقة عن طريق حرق الدهون اللي في الجسم
يعني نظام زي الفل وانا اساسا بحب البروتينات بس السؤال بقة انا خايفة يكون ليه اثار سلبية وخصوصا في اني داخلة علي عملية الحقن وهما كانو بيحذرو الحوامل والمرضعات منه بس انا قلت اني لسة مش حامل لما احمل ان شاء الله ابقة ابطلة
اانا رغيت اوي بس عايزةحد يطمني اني ماشية كويس علشان خايفة اجي في الأخر واعوكها
هل استمر عليها لمدة اسبوع كدة وبعدين ابقي اعمل نظام في كل العناصر الغذائية ولا ابطله من دلوقتي ( انا ماشية عليه بقالي 4 ايام )
طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 270