ربنا معاكي يا إشتقت يارب والله يابنتي أهم حاجه في العلاج الراحه النفسيه ... عايزاكي دايما تحاولي تهدي أعصابك ومتفكريش في أي حاجه وسيبيها لربنا الأطفال دول رزق ربنا بيدهوملنا في الوقت المناسب لينا
وكويس جدا ماشاء الله إنك بتعملي اللي عليكي وهو ده الصح لكن عايزاكي كمان متنسيش الصبر والرضا بكل شيء يعملهولنا ربنا لأن ده أكيد الخير لينا
وربنا يا حبيبتي يكرمك يارب ويطمنك ويرزقك بكل ما تحبي يارب
أما من ناحيتي أنا مش خايفه من الولاده نفسها ربنا إن شاء الله هيسهلها
أنا خايفه علي منوصه بسبب الجنين المتوفي هو الدكتور قالي إنه إنكمش الحمد لله بس هو موجود تحت عند عنق الرحم أنا كل اللي مخوفني إنه لاقدر الله يتسبب في أي ضرر لمنوصه لو حصل ولاده طبيعيه فجأه وبالذات كمان مع وجود الربط
المهم سيبك مني إن شاء الله ربنا هيعمل الخير
خلي بالك إنت بس من نفسك وإستمري على العلاج وطمنيني عليك أول بأول
وبوسيلي روقان بيه
طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 286