طريق الامل ( خبرات متبادلة حول مراكز العقم فى مصر ) الجزء السادس

مساء الخير يا بنات

يا رب تكونو كلاكم بخير


شوشو حبيبتى ممكن يكون الشهر دا مكانش فيه تبويض و دا عادى جدا جدا
فمتقلقيش خالص
بس بلاش تدخلى على تجربة تنشيط و انتى فى حاجة تعبة اعصابك عشان متجهديش المبايض على الفاضى

سارة حبيبتى ربنا يطمنا عليكى و ان شاء الله خير
انا حاسة بيكى قلبا و قالبا
و ربنا يكون فى عونك و ان شاء الله ربنا يفرح قلبك و يفرح قلبنا بيكى و بكل البنات بأذن الله


مسلمة مش قادرة اصدق خلاص كدة؟
اسبوعين؟
ربنا يتمهملك على خير
بس متقلقيش خالص اذا حصلت اعراض ولادة طبيعية و الدكتور عاوز يولدك قيصرى ولا يهمك خالص
حتقعدى شوية مش اول ما تقولى يا طلق منوصة حتنزل
يعنى ان شاء الله

بس اكدى عليه اكدى اكدى اكدى انه اذا شايف فى الولادة الطبيعية اى تنتوفة خطر على البيبى خليها قيصرى و متخافيش
بصى انا العملية تعبتنى اول 3 او 4 ايام بس
و مش تعب ميستحملش لا كان ماشى حالى بس هو مكنتش قادرة على خدمة كريم مع الجرح

هو انتى حتولدى فى الكويت؟
مينفعش تستنى لحد اخر الشهر حكون رجعت الكويت بأذن الله
عشان اكون معاكى اذا احتاجتى حاجة؟


يا بنات اخبار بطوطة ايه؟
انا اخر حاجة كانت يوم سبت حتسحب البويضات

طمنونى عليها


ربنا يطمنى عليكم جميعا بأذن الله


بحبكم فى الله

ايه يا حبايبى مالكم .. مش عارفه اقول هدى اعصابك لمين ولا لمين .. لما كلكم متاشاء الله دفعه واحده متوترين بالشكل ده .. مش ناقص غير بطاطم تدخل وتقول مش قادرة هة كمان علشان تبقى كملت

هبدأ بشوشو .. ايه يا قمر .. بصى يا حبيبة قلبى .. لو الزعل والضيق والنكد هيجيب عيال كان زمان الناس كلها حوامل يا روحى .. وما تفهميش من كلامى انى بقول لك ما تدايقيش نفسك والكلام ده لانى مقتنعه انه مش هينفع ..
وانا لاول مرة هقول لك ادايقى وشعرى بالحزن والضيق لان الانسان عباره عن خليط من المشاعر مش كلها على طول ايجابيه ومش كلها على طول سلبيه .. الانسان بين ده وده ولازم يشعر بالحزن فترات علشان يتذوق طعم السعادة .. ولو مكناش هنحس بالاسى او الحزن وعلى طول بنحس بالفرح يبقى ساعتها هيكون فى شئ غلط فى تركيبتنا اكيد .. او اننا نبقى مش بنعقل امتى نزعل وامتى نفرح ..
بس عارفه يا شوشو .. فى وقت زى ده انتى محتاجه تعملى حاجه بتحبيها ... اى نشاط كنتى بتحبيه زى البورصه انتى اهملتيها الفتره اللى فاتت او حتى ياريت لو تسافرى اى مكان هادى فى الويك اند الجاى وتغيرى جو .. علشان تخففى من حدة الزعل اللى انتى حاسه بيه وانا واثقه انها فتره وهتعدى .. علشان وزى ما قلت لك فوق .. الانسان بين الحزن والفرح .. وربنا ييسر امورك كلها يا شوشو ويفرج عن قلبك الضيق ويسعد قلبك وايامك .. ويحفظلك زوجك وابنك