رمال...
لقد أصبتى كبد الحقيقة.....
بصى ..أنا أساسا باحب الكلام معاكى ...لأنى باحس إنك بتفهمينى على طول....و مش باحتاج أتكلم كتير....
كلامك صح الصح....كل اللى اتكلمت عنه و سببلى الضيق عدي و فات....لكن كل اللى فاضل هو التوابع....هو الكآبة اللى لسه فى القلب....و ديه لو كان فيه زرار بيمحيها....كنا دسنا عليه من زمان....لكن ديه حاجة لازم تاخد وقتها و تعدي....طبعا دورنا إننا منستسلمش ليها و منحاولش نطول فيها....
و زي ما كلكم عرفتونى طول الفترة الماضية....كنت طول الوقت سعيدة و مفيش حاجة بتاثر فيا....حتى مع مرور بعض الأحداث القوية فى حياتى...أنا شخصيا كنت باتعجب من وقوفى أمامها بهدا الهدوء و بدون ان تسبب لى أي حزن يدكر.....لكن دوام الحال من المحال....و الدنيا فعلا عمرها ما بتمشى على وتيرة واحدة....و حتى قلبنا....لم يسمى قلبا إلا لسرعة تغيره و تقلبه من حال لحال.....و حتى شغل البورصة علمنى إن مفيش منحنى بيفضل طالع على طول و لا نازل على طول...و لولا لحظات الحزن لما عرفنا معنى السعادة.....
كل اللى عندي دلوقتى إنى فعلا حاسة إن قلبى لا يزال به بعض الحزن....بدون اسباب ة لا غيره....هم شوية زعل...محبتش اخبيهم....محبتش اضحك فى وش حد و انا فعلا مش قادرة...محبتش اقول لا أنا زي الفل....أنا حبيت أعترف بالمشاعر ديه....علشان زي ما قلت لتوتا اكون واضحة مع الناس اللى باحبهم...وعلشان ديه مشاعر طبيعيه ممكن تعدي عليا كل فترة....بتبقى صعبة..لكنها لما بتعدي بتسيبنى اقوي و احسن ....و حتى لو تكررت تانى مسببات الزعل ديه فمش بيكون ليها عليا نفس التاثير لأنى بابقى أديت نفسى مناعة منها....
عارفة الموقف ده زي إيه.... بس متضحكوش لانها حاجة بنمر بيها كلنا.....زي لما اي واحدة فينا بتتخانق مع جوزها....ساعتها ممكن احس إنى مش طايقاه ...و إن قلبى زعلان منه جدا....و إنى مش ممكن مشاعري هترجع تجاهه زي الأول تانى.....لكن بمجرد ما نتصالح.....طبعا انتو عارفين.....باحس إننا بنرجع أحسن من الأول....و بتبقى اللحظات اللى بتيجى بعد الخلاف ما ينتهى من اجمل اللحظات...و بتجدد كل المشاعر الجميلة....يا تري أنتو كمان بتحسوا بكده.....ولا أنا لوحدي اللى مجنونة....
يبقى الخلاصة...وبلغة البورصة يا رورو....زي ما قلتى اللى انا مريت و بامر بيه ما هو إلا هبوط للتصحيح....علشان لما نعاود طريقنا للمنحنى الصاعد نكون عملنا دعم كويس جدا....و نكمل الصعود بكل قوة......
متقلقيش....مش ناسية وعدي ليكى و هابعتلك الملفات اللى بدات بيها فى اسرع وقت...
طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 290
