طريق الامل ( خبرات متبادلة حول مراكز العقم فى مصر ) الجزء السادس

يارب يا اشتقت فعلا الاسبوعين دول طوال قوى ربنا يهونهم ويختمهم بخير

يسمع منك ربنا يا توتا وانت من بعدى يارب

ماشاء الله ولا حول ولا قوة الا بالله والله عينى دمعت من الفرحة مبروووووووووك ياسارة مبرووك عقبال طمطم يارب واوكسى بعدها وكل البنات
الف مبروك الف مبروك يارب كمل فرحتنا يارب
يابنات ادعوا لطماطم كمان ربنا معاها يارب
تحليلها النهاردة بس بيبان بالليل
يارب تكرمكم كلكم يارب

توتا حبيبتى....
أنا حاسة بيكى أوي....
الكلام ده فى أوله محبط جدا.....وسخيف جدا خصوصا بعد خطة علاج مرهقة....
و عايزة أقولك إن أي حد فينا لو سمع الكلام ده بعد مجهود أقل كتير جدا جدا من اللى أنتى عملتيه أكيد هيتضايق....
علشان كده مش هنقدر نتجاهل المشاعر ديه....
لكن هأقولك اللى قلته لنفسى و اللى قلتيهولى أنتى نفسك من كام يوم....
و هو إن استجابتنا و أجهزة جسمنا كلها بيختلف آدائها من يوم ليوم و من شهر لشهر....
و لو فكرنا بعمق هنلاقي إنه مقفلهاش فى وشنا. ...هو كل اللى قاله إننا بس هنحتاج جرعة تنشيط أكبر...
و ماله....مفيش مشكلة....و ياما سمعنا عن حالات استجابتها للتنشيط كانت سيئة و ربنا كرم...و على العكس ناس بيبقى الوضع زي الفل و ربنا مبيكونش لسه إدي الإذن....
يبقى إحنا معانا الأهم....يقينا بربنا و برحمته....و كمان طبعا هنكمل سعى و نعمل كل اللى علينا يا قمر....
و أخيرا...الحمد لله يا توتا ان فعلا فات الكتير....و عالجنا المرحلة المهمة....وهى الإندو...
و أي مشكلة متعلقة بالتحاليل ديه هيبقى أمرها هين بأمر و حلها سهل....
شدي حيلك...و توكلى على الله...و اجمدي....و كونى كلك ثقة إن ربنا مش هيضيع تعبك أبدا....

يا رب يا رب يصلح أمورك و يفرحنا بيكى و تطلع نتايج تحاليل زي الفل...أنتى بجد تستاهلى كل خير و ربنا إن شاء الله هيرزقك من وسع....

و ابقى طمنينا على النتائج يا حبيبتى