طريق الامل ( خبرات متبادلة حول مراكز العقم فى مصر ) الجزء السادس

ريمو

انا هستمر علي التنشيط لغاية يوم الخميس وبعدين في متابعة تبويض يوم الخميس وربنا يسهل
انا اسفة اني قلقتكو بس انا كمان غصب عني قلقت والله

وبعدين قررت اني ان شاء الله عايزة ابقي اقابل د حسام لأني بصراحة بيتعامل احسن وبيخلي الجو لطيف ويعد يهزر ويرد عليكي ويشرح لدرجة يخليكي خارجة متفائلة جدا جدا

وانا حاسة اني زي ما قلتي اللي جاي مش قد اللي راح ربنا يكمل علي خير يا رب

اشتقت اليك شكرا على كلامك الجميل واكيد انتو فاهميننى صح انا بجد بحبكم كلكم ومرينا مع بعض بظروف ومواقف كفاية اننا كنا بنحكى لبعض اللى مش بنقوله لاى حد حتى اقرب الناس لينا علشان كده بتأثر اما حد بيبعد وبتنقطع اخباره
أم اياد ان شاء الله تكونى بخير وهقولك بردو دايما منورة
اوشى انا متأكدة انك مازعلتيش من كلامى وانا فعلا فرحانه ليكى كفاية انك كنتى سبب توترى الفظيع فى رمضان بسبب موضوع الحقن بتاعك ده وكل يوم اشوف النتيجة وانهارده كام ولا بقى الكام يوم بتوع انتظار التحليل فعلا كنت قاعده على نار مستنية النتيجة واما قلت مشاركاتك قلقت لكن الحمد لله دايما ان شاء الله نسمع عنك اخبار حلوة
رمال طبعا انا مكنتش اقصدك انتى وكوكر من اول صفحة لدلوقت ماسيبتوناش وربنا ماينقص حد مننا

والله نفسى نكمل التجمع لحد مانفتح ملحق صغير كده للعيال ولادنا يكلمو بعض فيه ويشتكو من امهاتهم
يا جماعه نيفو لسه ماظهرتش وبوبا من كام يوم مستخبية
توتا ان شاء الله ربنا يكرمك قريب انتى واوكسى

توتا حبيبتى هدى نفسك ... بصراحة دكتورك غلطان انه يقولك كده ويخضك ... ثم انى مستغربة ازاى حكم على المبايض بعد طول سكون بسبب الحبوب بتاعة منع الحمل ... انا حبحث فى الموضوع ده ولو لقيت حاجة حقولك ... انا دكتورى طلب منى E2 بس واذا كان نتيجته تحت ال 45 بيبقى كويس ويبتدى تنشيط ... بعدين سن ايه يا ماما ... اعتقد انا اكبر واحدة فيكم ...وكمان كان فى اندرو شوكولاته مش مكتشفة غير يوم السحب . ومن ناحية التنشيط الكثير انا كنت باخد 6 بودرة فى اليوم لمدة 6 ايام وبعد كده 8 بودرة فى اليوم لمده 5 تانيين والحمد لله النتيجة كانت مقبولة ...
هدى اعصابك ان شاء الله خير ربنا يفرحنى ويفرحك بالذرية الصالحة يارب.

[QUOTE=oshy2005;35655357
ربنا يسمع منك يا اوشى ويجعل حملك يسير لحد ماتاخدى ولادك فى حضنك بإذن الله...

والف مليون مبرووووك لطمطم .... والله فرحتلها قوى وعقبالى انا وتوتا يارب

وياريت يا اوشى انتى وطمطم تقوليلنا فترة الانتظار كنتم بتحسو بإيه ... انا سألت سارة وهى قالتلى بس محتاجة اعرف من ناس تانية ... خليكم جنب خواتكم وبلاش تسيبونا