طريق الامل ( خبرات متبادلة حول مراكز العقم فى مصر ) الجزء السادس

ميكو حبيبتى ... اللى تشيله همه مايجيش اسهل منه ... العبد فى التفكير والرب فى التدبير ... لما يجى التلات حتلاقيها اتيسرت لوحديها بلاش شيل الهم بقى ..

ام انس حبيبتى ... اخيرا جيتى ... مش عاوزينك تغيبى تانى عن الملف ... اخبار خطة العلاج بتاعتك ايه طمنينا ... عقبالك انتى كمان يارب لما تجبيلنا ولد صغنن مش مهم يكون انس طالما زعلانه منه ... طيب فكرتى تسميه ايه !!

الله يجعلك ساعة سهله يا مسلمة وتيجى منوصة بالسلامة ... انتى ناويه ان شاء الله تسميها ايه !!

انا بالنسبة لى جوزى بيودينى ويجبنى من الشغل بالعربية ... المشوار حوالى ساعة رايح وزيها جاى .... وفى البيت هو اللى بيعمل كل حاجة .... ربنا يكرمه يارب ويفرحه بخلفتنا ... آمين

ونطمن عليكى كمان يا ام اياد ونفرح بحملك ... انت عامله ايه ... الدورة جت ولا لسة علشان التحاليل ... يارب ماتشوفيها ويكون حملك مفاجأة زى مميزات صاحبة الملف الاول ... ياترى هى سابتنا ليه ؟؟

الله يخليك يا ام اياد وتفرحى بحملك قريب ... والله غصب عنى نزول الشغل ... على اى حال انا بروح وآجى بعربية جوزى لحد الاسبوع مايخلص ... والمدبرة صممت آجى السبت علشان شغل مهم ماينفعش من غيرى وطبعا مكنتش اقدر اتكلم ... ربنا يارب يكملى على خير ... ونفرح كمان بكل البنات فى الملف