طريق الامل ( خبرات متبادلة حول مراكز العقم فى مصر ) الجزء السادس

سارة: انا في التالت دلوقتي و حخلصه يوم 20 ان شاء الله. انا بكره راحة للدكتور و حساله علي موضوع الاسبرين.
اشتقت: سلميلي علي نيفو جامد.
اوشي: انا كنت قريت ان السفر ممكن للحامل بس مش عارة في وضعك ايه لانك حامل في توام. انا كانت ليا واحدة صحبتي حامل في توام و 3\4 حملها كانت واخدة اجازة من الشغل و حتي الخروج كان نادر بس بصراحة هيا كانت مزوداها شوية في الدلع حتي انا لما حملت قعدت تقولي طبيخ اي و كده, يا بنتي دول يومينك تدلعي وماتعمليش حاجة. هيا الحمد لله خلفت الاسبوع اللي فات و جابت ولدين زي القمر, عقبالك.

الهدى والنور اولا صدقينى مش هيريحك غير الاستخارة والدكتور اسماعيل بيعملها ببنج
والعدد بيختلف من حد لحد
وبالنسبة للاعراض الجانبية الدكتور بياخد باله كويس من الجرعات وان شاء الله ما يحصلش مضاعفات وسيبى الامور على الله انا عارفة ان الموقف صعب انا كنت اكتر منك فى القلق ربنا معاكى

وبالنسبة لحالتك تقولى للدكتور وهو بيعمل حسابه وما تقلقيش ان شاء الله خير

السلام عليكم ورحمه الله وبركاته بسم الله ماشاء الله ولاحول ولاقوة الابالله االف الفف مبروك لساره ربنا يكرمك ويكمل حملك علي خير وويرزقكي ذريه صالحه ومن حفظة كتاب الله