3 توام بنتين وولد بس الله يخليكم ادعوا لعيالها
ما اعرف كيف وضعها خاصتا انها ولدت وهي في اول الثامن انا برسل لها رساله بطمن عليها لانه من شهرين وشي ربت ولا درينا عنها خاطري اطمن على عيالها الله يحفظهم
الحين برسل لها رساله
وهاذي قصة ولادتها
أم غدغودة
31-07-2009, 18:16 السلام عليكم ...
حابه اشكر كل من بارك لي وتحمدلي بالسلامة وعقبال البقية يارب تولدون بالسلامة وفي التاسع .
أول شي أنا ولدت أول يوم في الثامن ،، والسبب في الولادة وجود طلق مع وجود ضغط رهيب على الربط كان ممكن يؤدي الى انفجار الرحم اوتمزقه لولا لطف الله .
طبعاً من الليل كان الدكتور متوقع قرب الولادة من خلال فحصه للربط وطلب تنويمي وانا رفضت وماجاءت الساعة واحدة إلا واحس بالآم الطلق بس ماكنت متوقعة طلق لإني كنت احس بضغط رهيب وشديد على المثانة والم في الربط كأنه بينقطع ،، سبحان الله بعدين كل شي صار في لمح البصر رحت للمستشفى الساعة 6 وعلى طول على جهاز الطلق إلا وطلق منتظم وقال الدكتور على طول على العمليات لان اي تأخير ممكن يؤدي لإنفجار الرحم .
وحابه انبهكم على عدة نقاط :
* الاخوات اللي عاملين ربط اذا حسيتوا بأي ألم في الربط لاتتهاونون فيه وعلى المستشفى على طول ،، أنا كنت احس بضغط على الربط وكأنه بينقطع من اسبوع تقريباً .
* لاتعتمدون على نتائج الالتراساوند 100 % ،، كانوا قايلين ولدين وبنت ،، وطلعوا بنتين وولد ،، وكانوا قايلين قبل الولادة ب6 أيام ان اوزانهم في حدود 1.850 جرام والدكتور ليلة الولادة قال اتوقع خلال 6 ايام وصلوا لكيلوين ،، وصاروا في حدود 1.400 جرام .
المهم انا طلعت من المستشفى من يومين واطفالي في الحضانة تحت رحمة الله وياشين النفاس من دونهم ،،
وعلى اجهزة التنفس والمغذيات والله ان شوفتهم تقطع القلب ،، ليات وانابيب مع خشومهم وفمهم ومغذيات بيدينهم واجهزة على القلب وفي رجولهم ،، واللي مزعلني ان اوزانهم بدأت تنزل عن يوم ولادتهم ..
بالله عليكم اخواتي اطلبكم الدعاء لأطفالي بأن الله يتمم شفاءهم ويعافيهم ويرفع عنهم ويردهم لحضني بأسرع وقت وهم طيبين ولايحرمني منهم ولايضيع لي تعب تعبته فيهم ويفرحني بهم وهم سليمين ومعافين .
والله يفرحكم اجمعين بشوفة عيالكم وهم سليمين ومعافين بين احضانكم .