طريق الامل ( خبرات متبادلة حول مراكز العقم فى مصر ) الجزء السادس

توتا حبيبة قلبي اشكرك جدا على سؤالك الدائم عليا انت وكل البنات رمال ام اياد شوشو وبوبا اوكسيجين وشيمولاتا وسارة ومسلمة وزينب وام انس ومها
سامحوني قلقتكم عليا
انا متاكده انكم عايزين تعرفو اخر اخباري انا مكنتش عايزة اقولكم على حاجة لاني مش متاكده من اللي رايحة اعملو
بس الحمد لله رسيت على قرار وربنا يسهل بعدما استخرت ربنا وان شاء الله حيقدم اللي فيه الخير
طبعا انا عملت منظار وشلت لحميتين وعدى على خير واتمنى اني ماخدعتش زي كل مرة
وانا اعدت التحاليل في اليوم الخامس من الدورة
وطلعت كويسة جدا وقبلها الدكتور عادل وقالي انها جيدة ووافق اننا نبدا في برتوكول الحقن المجهري
وانا نازله مصر قريب جدا وحعمل العمليه باذن الله في مركز ادم
بس في مشكله صغيرة
انتو عارفين انو يوم 14نوفمبر حتقام مباراة الجزائر ومصر والصحف الجزائرية اليوم اصدرت خبر انو السفارة المصرية حتدي تاشيرات محدودة للجزائرين وكمان شغل جوزي اكدولو انو لازم ياخذ الاجازة قبل شهر ديسمبر2009
المهم اليوم المسا مسافرة العاصمة رايحة اعمل كنترول للجراحة وممكن اروح للسفارة المصرية واشوف رايهم ايه
عايزاكم تدعولي معاكم كتير جدا والله انا محتاجة لدعاءكم
بحبكم في الله

نيفوووووووووووووو
شفاك الله وعافاك
ارجوووك يا شوشو طمنينا عليها

والله يا اشتقت انا برده كنت قلقانة على نفين خالص ... طيب هو مفيش علاج نهائى لحالتها دى ولا حيفضل التعب يروح ويجى ... شفاها الله وعافاها ... ربنا يرجعهلنا بالسلامة يارب وياريت تبقى تسلميلى عليها

هدى ... اسألى يا حبيبتى زى مانت عاوزة ... بالنسبة للأثار الجانبية للتنشيط ... انا عن نفسى مكانش فى حاجة غير طبيعية ... اما الامساك فده أساسى معايا طول عمرى عشان كده محستش بفرق

سحب البويضات بيكون بمخدر عام ... وبعد السحب بتحسى بدوار من المخدر وألم فى الحلق من تيوب التنفس
التنشيط مالوش دعوة بسن انقطاع الطمث .... علشان تبقى عارفة معلومة ليكى ولكل اصحابى فى الملف كل دورة شهرية الواحد بيفقد 20 حويصلة تبويض مش واحدة زى ماانتم فاهمين ... المعلومة دى انا عارفاها من دراستى ... وافضل حويصله فيهم هى اللى نموها بيكتمل وتخرج منها البويضة الشهرية ... اما فى حالة التنشيط .. فكل واحدة على حسب استعدادها لقبول التنشيط بس متوسط العدد حوالى ستة او سبعة وطبعا مش كلهم بيتلقحوا ... اللى بينفع حوالى 3 - 5 .... فى بعض الناس اللى صغيرين فى السن واللى المشكلة مش عندهم المبيض ينتج حوالى 15 بويضة ناضجة بعد التنشيط وده قريته فى منتديات تانية ..

بس واى سؤال يا هدى انا تحت امرك

مشمشة
ربنا معاكي ان شاء الله وتعرفي تنزلي مصر في الوقت المناسب يا رب

اوكسي
صباح الخير يا قمراية
عاملة ايه النهاردة يا رب تكون كل امورك تمام التمام
ويالا شدي حيلك الدور ان شاء الله جاي علكي وبنجاح ان شاء الله وتفوق كمان

نيفووووووو
الف سلامة عليكي وربنا يفرج كربك ويشفيكي شفاءا لا يغادر سقما ولا الما انه الشافي المعافي يا رب

أم انس
انتي فين ليه مختفية كدة تعالي طمنينا عليكي بتعملي ايه ؟؟