طريق الامل ( خبرات متبادلة حول مراكز العقم فى مصر ) الجزء السادس

الله يكرمك يا ام مريم .... والله انا متوكلة على الله واللى فى علمه يتمه ... بس الواحد طمعان فى كرم ربنا ونفسى تعدى الفترة دى على خير يارب

رمال ربنا يارب يجازيكى خير على وقفتك جنبى وجنب كل البنات فى الملف

ربنا يكرمك يا قمر و يكمل لك على خير و يرزقك الذرية الصالحة
انت عملتى الحقن فى مستشفى ايه؟

توتا ... حقن التنشيط مهما اختلف اسمها هى فى الواقع نفس الهرمون FSH والجرعة بتختلف من واحدة للتانية

انا عن نفسى علشان سنى كبير ... اول 6 ايام الدكتور كان بيدينى الصبح 3 بودرة + ا مل ماء تحت الجلد مع 20 وحدة من سوبر فاكت
وبالليل برده 3 بودرة مريونال + 1 ماء تحت الجلد ..

فى اليوم السادس من التنشيط رحتله ... فذودلى جرعة المنشط خلاهم 4 بودرة الصبح وذيهم بالليل وبعد 5 ايام تانيين اخدت ابرة التفجير وحدد معاد السحب ...

انا اعتقد انى كنت باخد الحد الاقصى من الجرعة المنشطة وده طبعا علشان كل الواحدة ماكبرت استعدادها للمنشط بيقل ... والحمد لله العدد اللى سحبة كان معقول واللى رجعه برده.. ... والباقى بقى على ربنا هو اللى يكملنا على خير ونفرح بحملنا قريب يارب

المشتاقة لمكة
والله ماتقلقيش على حاجة فى علم ربنا .... تفائلى بالخير تجديه ... ان شاء الله الامور تمر معاكى المرة دى بيسر وسهولة ومشكلتك مع السفارة المصرية تنحل بإذن الله وترجعى مصر وتبدئى فى اجراءات الحقن المجهرى بإذن الله ... والمرة دى ربنا حيكرمك ... انا حاسة بكده .... علشان خلاص السبب اللى كان بيخلى العملية ماتنفعش راح خلاص ..

وتحصلى كل اخواتنا اللى نجحت عملياتهم يارب