حبييبة قلب قلبي من جوة
قبل اي حاجة خليني اسأل على نسنوستي 000و اطمن عليه و على صحته
و اعتذر عن تقصيري في السؤال عنه 000 بس كان غصب عني و الله
انت عارفة انا ميأخرنيش عنه غير العذاب القوي
تاني حاجة
احساسك المرة دي طلع اوت و انا عارفة انكحكمك دة من واقع صداقتك لي و عارفة ان اخر حاجة بفكر فيها هي نفسي
بس المرة دي العذاب و الالم اللي مريت بيه خلاني من اول يوم تعبت فيه تابعت مع الدكتور و موقفتش عند كدة
اما جاني البيت و قال التهاب شديد في القولون بدأت اعمل سيرش عن الموضوع دة عشان افهم انا فين و رايحة فين ( اعرف راسي من رجلي زي ما بيقولوا )
بس كانت المشكلة في اللي جد بعد كدة
انا بعد ما اتحسنت و كلمتكوا اخر مرة كان المفروض اعمل تحاليل طلبها مني بس كنت مستنية استعيد قوتي مرة تانية
لكن و لله الحمد
رجعت تعبت اكتر من الاول و المرة دي كان معاها حالة رعب من المرور بنفس التجربة مرة تانية
المهم اني عملت التحليل و روحتله و اقسم بالله ان رد فعله اول ما قرا التحليل كان هيسببلي ازمة قلبية و انا قاعدة
لان التحليل اظهر وجود صديد في المعدة و ارتفاع قوي جدا في نسبة الاميبا ( و هي كانت سبب الاسهال المزمن اللي عندي من 4 شهور و اللي اتعالجت منه غلط للاسف )
طبعا كنت مذهولة و مش فاهمة حاجة 000دة من ايه و ازاي و ليه ؟
حاجات كتير جدا و اسئلة ملهاش عدد بتتنطط في راسي
بس هو طلع من الخضروات الورقية اللي باكلها كتير جدا عشان بحبها و كمان الدايت 000 و اللي كمان مش باكلها الا بعد نقعها في المية و الخل و ارشها بالليمون قبل اكلها
لكن لللاسف دة بيكون في نسيج الورقة
يعني مفيش مفر
المهم انه كتبلي كم محترم من الادوية ما بين محسنات هضم و مضاد حيوي و مطهرات معوية
المشكلة اني مع تعب التهاب القولون و المعدة كنت بعاني الامرين
مرة ببكي عشان ادخل التواليت ( اعزك الله ) و مرة بجري زي الطفلة من شدة الاسهال
و الاتنين معاهم مغص و ألم يا رب ما يمر بيه اي حد في الدنيا ياااااااااااارب
الحمد لله رب العالمين انا دلوقتي احسن بس طبعا مرعوبة من اي حاجة اكلها و بحسبها الف مرة قبل ما آكل اي شيء حتى لو بقسماطة
بالاضافة ان بطني منتفخة جدا ( و الله العظيم كأني حامل في الشهور الاخيرة ) و متحجرة جدا
ربنا يستر و الدنيا تتظبط مع العلاج
بس يا ستي دي كل الحكاية
نسيت اقولك حاجة كمان انا هرجعله تاني ان شاء الله بعد 10 ايام عشان يطمن و كمان اكون عملت السونار يشوفه
و هو قالي اني المفروض اعمل دايت مخصوص لمرضى التهايب القولون لان مش كل اكل الدايت بيناسبهم
يعني على سبيل المثال السلطة الخضراء اللي بعشقها بتموتني اما باكلها و مش كنت عارفة ايه السبب و طلع القولون لاني المفروض اكل خضروات مطهية جدا ( مهرهرة ) كمان اللحوم الحمرا و مع اني مش غاوياها و بفضل الفراخ اكتر طلعت هي كمان بتتعب القولون
المهم اني ان ربنا اراد و كتبلي عمر هتابع معاه الدايت دة عشان يبقى كل اللينكات ماشية في اتجاه واحد مع بعضها
بس خلاص
طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 333