الحاير الطرفية ذهبان اهالي الاسرى من جديد/يفتح جديد

السلام عليكم

اخباركم؟؟

مساكم فرح وتفاؤل وبشارات

ابشركم الحمد لله تيسرت الزياره الله يقطع الحاير وأايامه حسيت بالفرررررق مررررره الله يفرج للجميع يارب

والله إني مرررررررره دايخه وحالتي حاله بس مع كذا قاومت التعب ودخلت الملف علشان أقول لكم المستجدات

بالنسبه للزياره طبعا ندخل من دون تفتيش فقط ياخذون الإثبات

مسموح لنا ندخل كل شي سواء أكل او ملابس او عطورات وكل اللي نبيه ماعدا الجوالات والأجهزه الكهربائيه

الزياره تبدأ من 7 الصبح وتنتهي 5 العصر وعلى لذة هالللحظات لكنها بكل صراحه صعبه صعبه صعبه اصعب من ال 3 ساعات حقت الزياره الخاصه لأنك تطولين عند زوجك وتحسين انك خلاص ماراح تفارقينه بعدين تنصدمين بالواقع المرييييير لكن تظل هذه نعمه عظيمه اشكر ربي عليها قايمه وقاعده ونايمه

طبعا المقر هذا اهم شي لأنه يحسسك بنشوة الفرح لأن فيه نوع من الحريه بالنسبه لزوجك يعني بدال ماكان مكبوت في غرفه صغيره بين اربع جدران صار يتحرك بكل حريه في استراحه كبيره من دون قيود ماعدا الأبواب الرئيسيه اللي تكون مقفله

الإستراحه(استراحة الإستقبال)عباره عن شاليهات أو استراحات مثل اللي نستأجرها بالضبط تتكون من صاله ومطبخ وغرفة جلوس وغرفة نوم ومسطحات خضراء ومسبح(فاضي خخخخخخخخ) وبيت شعر ومواقف سياره يعني كأنك طالعه بكشته مع اهلك تصميم حلو ومرتب وجدران معتقه وأثاث كامل والمباني جديده لكن ينقصها بصراحه النظااااااااااافه

امممممم طبعا يقدمون لنا ضيافه كامله من فطور وقهوه وشاي وتمر وغداء ومويه ومشروبات غازيه ويكون على حسب عدد الأشخاص

وبالنسبة للإستراحه اللي يبيتون فيها الموقوفين نفس السابقه لكن تزيد عليها بتوفر صالة رياضيه مصغره فيها 3 اجهزه او 4 ويتوفر فيها تنس وبلياردو وكرة قدم وسله ومسبح ومسموح لهم بدخول الكتب يعني تقدرون تقولون ماخذين راحتهم حتى في شراء الأغراض

الضباط هناك تعاملهم راقي وأتعب وأنا اقول محترمين وحنونين وحتى تعاملهم مع الموقوفين حلوووو مرررره بعكس اللي كانوا فغي الحاير طبعا مافيه مطفشات وحوسه يعني تدخلين كأنك تدخلين شاليهات مافيه اي اجراءات ابدااااااااا لاانتظار ولا تفتيش ولا خربطه ولا ثقالة دم

الله يفرح قلوبكم مثل مافرحني ويجعل هالأيام هي آخر الأحزان واذكركم بتكثيف الإستغفار والحوقله والتسبيح وراح تجنون ثمار هالأشياء بإذن الله

امممممممممم ودي اجلس معكم واهذر بس اني رايحه وطي لي يومين مانمت وحالتي صعبه بجلس معكم لمدة كم دقيقه علشان لو حبيتوا تسألون عن اشياء ثانيه واللي ماارد عليها تعذرني لأني اكيد بكون فخيت نووووم خخخخخخخخخخخ

ماراح انسى وقفتكم معاي ابداااااااااا وأشكر كل من بارك لي والعاقبه للجميع ياااااااارب

مهما رديت عليكم وشكرتكم ماراح اوفيكم لأني فعلا حسيت بأخوتكم الصادقه الله لايحرمني منك يااااااااااارب

وجعل الفرح يطق بابه أقصد يكسره بكبره عليكم جميعا في هالليلة المباركة

مااقدر اصبر اكثر من كذا رقبتي قامت تتوطح وتتخنطل <<<<<اتحداك تعرفين معناها ياحنوا

أحن .. وش المسج اللي تقصدينه ماوصلني شي!!!

اذا على جوالي ترى من الساعه 8 الصبح وهو مقفل لحد الآن وكنت مخليته بسيارة اخوي ومابعد رجع

يلا اشوفكم على خير

فمااااااااااان الله

نونو


أخييييييييرا شفتك

كل اليوم وأنا أفكر فيك إنتي وجوجو

وأرسلت لك رسالة بس توقعتك مسكرة الجوال لأنهم مايدخلونه

الحمدلله الذي بنعمته تتم الصالحات

وجعله مايطول فيها ويطلع ويلتم شملكم وشملنا وشمل كل بنات الملف

والله فله هالاستراحة ماشالله ههههههههههههه

طيب وشلون ؟؟ رحتي أنتي أول بعدين جو أهله ؟؟

وأخذتي معك حلا وملابس وكلش ؟؟

طيب ينفع نجيب معنا كميرا ؟؟

وهالاستراحة بكبرها لكم ولامعكم أحد ثاني ولا كيف ؟؟

يعني باقي الناس وشلون يزورون ؟؟؟ كل واحد له يوم بلحاله ؟؟

ونظام الاتصال ؟؟ فيه يوم ووقت معين مثل الحاير ؟؟


كثرت عليك خخخخخخخ بس ينفع تجاوبين بالتقسيط بكرة ..

أهم شي شفت خشتك وتطمنت عليك الحمدلله ..

ويابنات لاتنسون مااااااااشاء الله تبارك الله ..

ماشاء الله تبارك الله الله يجعل ايامكم كلها افراح يارب ويخلي لك زوجك وعيالك

سؤال..وش شعورك يوم شفتية <<<<<<<<<<احس الموقف صعب مرة ..

الله يفرحكم قريب بخروجة يارب وتفرحون ببيتكم..