طريق الامل ( خبرات متبادلة حول مراكز العقم فى مصر ) الجزء السادس

ام فرفش و مرمش
عاملة ايه و خبار صحتك ايه ؟
سلميلي على بطوطة ( ام كباكا )
و قوليلها تخلي بالها منها و من كباكا
و احنا في انتظارها تيجي تنورنا
ربنا يتمم حملك و حملها على خير ياااااااارب

بصي يا زينب انتي اخر دورة ليكي كانت 10 سبتمبر, صح؟ يبقي قولي علي اخر اكتوبر او اول نوفمبر. و فيه ناس بيبان عندهم في الاسبوع السابع. انا تقريبا سمعته و كنت حامل في 6 اسابيع و كام يوم لو مش غلطانة.

يا جماعة: اوشي و فاطمة و سارة و زينب, ماتنسوش تبقوا تفكروا دكاترتكم بتحاليل الدم و خصوصا ال RH. احسن ده مهم جدا. انا ملي مع تحاليل الدم , تحاليل بول و كان فيه سكر صايم ست ساعات و لما رحت المعمل فؤجت اني لازم اكون صايمة 6 ساعات و طلعت النتيجة تاني يوم بليل, فماتنسوش تسالوا حتعملوها امتي و لازم صايم و لا فاطر و روحوا قبل ميعاد الدكتور علشان لو اتاخرت او حاجة.

بسم الله ماشاء الله
زوزو حبيبة قلبى الف مليون مبروك ياعمرى
ايه الاخبار الحلوة دى اللى تفتح النفس معلش هى جاية متاخرة
بس انا عاوزة اقولكو ان الاخبار الحلوة دى ماشاء الله رفعت معنوياتى جدا خصوصا وانا رايحة اعمل العملية يوم الاربعاء القادم ان شاء الله ادعولى بقى ان ربنا يسهل العملية بقى ويكرمنى بعدها بمشيئته وقدرته

ويارب عقبال ما اسمع خبر حمل بقيت الناس كلها وانا معاهم

يابنات طمنونى على نيفو ربنا يعلم انا قلقانة عليها جدا

بس مش عارفة اتابع اللى فات خالص والله مضغوطة جدا لدرجة ساعات بنشغل عن انى اكلم ماما اطمن عليها وانا سايباها لوحدها فى البيت عندى بسبب زحمة الشغل فى الفترة دى عشان عاوزة اسلم كل حاجة قبل العملية عشان لو خدت اجازة للعملية يوم ولا اتنين يبقى مش هقدر ارتب نفسى فى الشغل تانى

انا عاوزة اطمن على اخباركو واحدة واحدة والله وكلكو واحشنى ان شاء الله هحاول اليومين الاجازة دول اصلح الكمبيوتر عندى فى البيت عشان اعرف ادخل واتابع معاكم