طريق الامل ( خبرات متبادلة حول مراكز العقم فى مصر ) الجزء السادس

ايه ياست اوكسى ده انتى كل حاجه صور صور خليكى واقعية مرة وهاتيلنا حاجه عالطبيعه ندوق ياستى ان شاء الله يا اوكسى باذن الله ربنا يفرحك قريب بالحمل وليكى عندى هدية خاتم الماس ( صورة بردو ماتقلقيش)

يارب ياشيمو يارب ... ويكرمك ربنا من وسع ويجازيكى خير على مشاعرك الطيبة مع اخواتك .....وتجيبى تلاته فى بطن يارب من غير ماالدكتور يشفط واحد يارب ويكونوا مشكلين على حسب ماتتمنى يارب يا عاطى ياوهاب يامن خزائنه ملئى وعطاءه بغير حساب من علينا يا كريم بالذرية الصالحة النافعة للاسلام والمسلمين

ياستى موافقة ... بس يحصل ... ان شاء الله وانا راضية كمان من غير صور

شيمو...
الحمد لله يا قلبى إن أمورك فى تقدم....
أنا شايفة إن أهم حاجة السيدوفاج دلوقتى...لكن الفوليك أسيد كنت مرة سالت الدكتور عليا بعد الإجهاض إن كنت آخده قبل الحمل و لا لا...
فقالى إن نمط غذائنا بيخلى جسمنا فيه كمية كافية منه....و بالتالى مش ضروري أوي إننا نلزم نفسنا بيه قبل الحمل....و برده لو أخدناه مفيش منه ضرر....

و بالنوسبة لحماتك....فكبري من كلامها...طالما جوزك طيب و كويس...يبقى كبري....متهيألى إن ده جين فى الستات....بيكبر و يتبلور لما يبقوا حموات....ساعات و الله باخاف لاحنا كمان يحصلنا كده لما نبقى حموات (ربنا يستر)....بس و لا يهمك هنبقى الحموات الفاتناااااااااات.....

بجد كبري...و حاولى متطوليش معاها فى الكلام ...و تقصري...و مترديش على النقطة اللى متعجبكيش...و هى مع الوقت ربنا يهديها و متلاقيش حد يجاريها و بالتالى تبطل تكتر فى الكلام...