طريق الامل ( خبرات متبادلة حول مراكز العقم فى مصر ) الجزء السادس

الله يفرجهااااااااا عليكم
ويرزقكم الذريه الصااااااالحه ..

مسلمة: انا كمان مش حابة انزل اروح الشغل بس اللي منزلني اني اتخنقت من قعدة البيت اوي فحنزل اجرب من الاسبوع الجاي بس مش حنزله كله و حشوف مع مديري اني انزل 4 ايام مش ال5 ايام. اللي انا مستغرباله ان حماتي بعد ماحملت حاسة انها اتغيرت من ناحيتي, كانها اطمنت فخلاص بقت ضمناني. قبل الحمل كنا لما نروح نتغدي عندها تصمم و تخلينا لازم نبات عندها لكن بعد ما حملت الوضوع اتغير و مابقتش تعرض خالص. يعني في رمضان انا كنت واخدة اول اسبوعين اجازة و المفروض ني كنت انزل بعدهم فكنت بتكلم معاها و قالتلي خلاص الاسبوعين التانيين ابقوا تعالوا باتوا معايا و نزلت الشغل يوم و هيا ماجابتش سيرة و مرة كنا عندها في رمضان و فطرنا عندها و انا دبتها و تعبت جدا و قولت لجوزي يالا نروح علشان مش قادرة و هيا شافتني قد ايه تعبانة و لا حاولت تقول طب باتوا و ساعة لما جوزي سافر في شهر يناير صممت اني اروح ابات عندها و فعلا بت عندها يومين او تلاتة, المرة ديه لما سافر تاني يوم العيد ما اتصلتش غير مرة علشان تطمن مني ان كان وصل و لا و لا مرة اتصلت بي و انا اللي كلمتها و قولتلها اني اروح اسلم عليها فقالتلي طب خلاص باتي و من شوية كنت بكلمها و بتسالني حترجعي الشغل امتي فقولتها الاسبوع الجاي فبتقولي حتعملي ايه فقولتلها ممكن ابقي اخلي يوم ماما ترجعني و باقي الايام اخد تاكسي العاصمة و اشوف اني اخد يوم زيادة اجازة في الاسبوع فراحت قيالالي طب ما تباتي يومين عند ماما و اليومين التانيين ابقي خدي تاكسي العاصمة فقولتلها ان شاء الله فراحت قايلة و لا ممكن ابقي تعالي باتي يومين عندنا, بس حسيتها عزومة مركبية زي بتاعة رمضان. بجد زعلت من انها اتغيرت بعد حملي. ده انا من كتر ما نفسي اساعدها, هيا عايزة تطلع الساحل علشان تقفل الشقة هناك: اتفقتلها مع سواق تبع مامتي و بالرغم من ان عربية بنتها كانت بايظة و اتصلحت قولت لجوزي لا طنط تاخد عربيتي و كانت عندي عجلة شبه نايمة من الاسبوع اللي فات و كل يوم جوزي بيرجع تعبان مش بيلحق يصلحها, نزلت امبارح علشان اصلحها علشان تاخدها. يالا اهوه كله علشان جوزي.
بس فعلا نفسيتي وشة بسببها و بسبب كذا حاجة اليومين دول. الحمد لله.

لا يا قمر بلاش نفسيتك تتاثر بعدين هى ما قالتش لك حاجى تضتايقك و خلى اى حاجة تعمليها مش علشان زوجك و بس لا علشان رب العالمين ساعتها ختاخذى ثواب و ده مهم جدا و عاملى ربنا و ما تزعليش من انها معزمتش عليكى يا ستى كبرى دماغك

الهدى والنور انا رجعت الاجنة اليوم التالت وبيكون على حسب حالتك انت وحسب الاجنة يعنى طمطم رجعت على ما اظن اليوم التانى
هطلع دلوقتى وارجعلكم تانى اصل بتخانق مع اخويا علشان النت