طريق الامل ( خبرات متبادلة حول مراكز العقم فى مصر ) الجزء السادس

شكرا يا سارة انا بعت لك رسالة خاصة و مستنية ردك

سبحان الله فين دى ي اوشى ما سمعتش عنها؟

ايه دا؟!!!!!!!!!!!!!!!
دا ظلم بعد ما قعدت اكتب اااااااااااااااااد كدة كله ضاع

بصو اللى فاكراه بقى من اللى كتبته

طبعا زوزة الموزة الف مبروك يا حبيبتى و ربنا يتملك على خير يا رب
بالنسبة للهرمون عيدى التحليل تانى بعد 48 ساعة من النحليل الاول و اذا تضاعفت يبقى كله تمام و الكيس فيه جنين كمان
دى معلومة عرفتها فى اثناء حملى
و ربنا يطمنا عليكى

اوكسى يا قمرة
نيفو قالتلى امبارح و يا فندم من امبارح بدعيلك فى كل صلاة و ربنا يكرمك و يفرحك
و بالنسبة للاعراض طنشيها خااااااااااالص
لانها بجد بجد هجص فى هجص
انا قعدت ادور على اعراض و مكانش فى خالص ولا اى حاجة بمعنى ولا اى حاجة كنت فلة و طبعا احبطت جامد عشان كل البنات بتتكلم على اعراض و انا ولا الهوا
و بعدين طلع حملى من غير اعراض
كل حامل حالة لوحدها و ليها اعراضها
ربنا يكرمك و يفرحك يا رب

الهدى و النور انا عملت الحقن بتاعى فى مركز الدكتور ثروت الاهوانى و المركز اسمه مركز النيل لاطفال الانابيب و العملية اتكلفت 8000 جنيه تقريبا بالادوية
و اى سؤال انا تحت امرك بس ابعتيلى على الخاص عشان تضمنى انى ارد لانى ذى ما انتى شايفة مش بدخل كتير و الصفحات بسم الله ما شاء الله

بنات معلش مش حقدر اكمل بقى انا وصلت لحد صفحة 173 و عاوزة اروح اشوف الاستاذ الصغير لانى طعمته النهاردة تطعيم الشهرين
فمش عاوزة اسيبه كتير

بحبكم فى الله كلكم و ربنا يفرحنا بالباقى فى تجمع "وش الخير"
ممكن تسوهولى المرة اللى جاية " تجمع وش الخير"

نيفوووووووووو حمدلله ع السلامة
ربنا يتم لك الشفاء ويجعل صبرك في ميزان حساناتك
والله التجمع كان مضلم من غيرك
الحمدلله انك رجعت نورتيه تاني
وميرسي على لاسم التحفة عقبال نسمي لك ولادك رغم ان اوكسي اخدت الحق الحصري لاولادك


اوكسي ماما المرتقبة ان شاء الله
يارب نسمع الخبر الجميل ونعمل لك احلى احتفال


مها اسم جميييل وناعم واسم ادهم انا بموت فيه
بس بنت خالتي تصوري لسة ماتجوزتش وهددتني بالاش تسمي ادهم احسن ادعي ربنا كل خلفتك تكون بنات لانها حاجزة الاسم من دلوقتي
ربنا يفرحنا بيكي انا فرحانة اوي بتفاؤل البنات ليكي دي بشرة خير ان اء الله


رماال حبيبة قلبي من جوة
دة انت القلب الكبير ازيك وازي انوس يارب يكون بالف خير
انا زهقي بس من حبسة البيت يعني تصوري زمان كل وقتي في المستشفى ومشغولة وحتى في البيت بيجولي عيانين
دلوقتي مافيش غير التلفزيون والنت وكمان حالة الخمول والنوم اللي انا فيها
بس دايما احمد ربنا لاني لما كنت بسمع واحدة تتضايق من الوحم كنت بقول لنفسي احمدي ربنا ياريتني مكانك
عشان كدة كل مرة بشكر ربنا وبحمده لان حتى التعب دة نعمة


بوبا الجميلة وحشتيني وليك حق يا ستي ماما معاك لازم تنسي الدنيا كلها
ربنا يخلص لك باقي ايامك في الشغل على خير وتبداي بامر الله ويوفقك