شوشو ام انوسة العسولة وحشتيني وحتوحشيني بغبابك
بس ياريت متطوليش الغيبة لانك بتوحشينا
وبوسيلي انوسة بوسة كبيييرة اوي
طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 368
شاركي في النقاش
سجلي الدخول لإضافة تعليق.
التعليقات
2,230- ازيكم يا بنات عاملين ايه
ماما يا حبيبتى الله يعوضك خير ويرزقك طبيعى ومش هاقولك غير لا تقنطى من رحمة الله
والله حاسه بيكى حالتك دى كنت بحسها كل شهر مع كل دورة تخيلى كنت بعيشها شهريا
لكن على طول ارجع لربنا واستغفر واحتسب واقول فى نفسى خلاص قربت من حملى شهر كمان
كنت ببصلها بنظره تفائليه ده طبعا بعد اول يومين وان شاء الله ربنا يعوضك ويرزقك
اللهم ارزق اختى ماما ذرية طيبه صالحه اللهم اعطيها حتى ترضى وارزقها سعادة الدارين
بوبا الله يبارك فيكى يا جميل ويارب يارب يا بوبا عمليتك تنجح وترزقكى بتوأم معافين صالحين
مسلمه ياروحى ربنا يخليكى ويكرمك ويقومك بالسلامه انت وبنوتك
هدهود الله يبارك فيكى ويارب يرزقك طبيعى من غير ما تحتاجى عمليات ولا حاجه يارب
ام مريم الله يبارك فيكى ويكرم يا ام مريم ويعطيكى كل ما تتمنى
مها يا جميل لا متأخر ولا حاجه انا لسه عارفه امبارح بس
وعايزه اقولك انى انا كمان عندى تكيس والحمد لله اهو ربنا كرمنى بصى هو التكيس بيأخر الحمل لكن بأذن الله مبيمنعهوش
وربنا يكرمك قريب اوى ان شاء الله
ساره يا قمر يا ام بالالا الله يبارك فيكى ويكملك انت كمان على خير ونقوم كلنا بالسلامه
كوكر يا ام كريم يا عسل الله يبارك فيكى ويباركلك فى كيمو
ام اياد بجد واحشتينى كنتى غايبه بقالك كام يوم وربنا ياقمر يبارك فيكى ويرزقك ذريه طيبه صالحه امين
نيفوووووووو فين اسم بنوتى؟؟؟؟؟؟؟؟؟؟؟؟؟
شوشو ختامه مسك سبتك للأخر وبجد خدماتك مالهاش اخر ماتستهليش عليها صوره تستاهلى عليها دعوة من القلب
اللهم ارضى عن اختى اشتقت وارضيها وارزقها من حيث لا تحتسب
واكتب لها سعادة الدارين واجعلها من سكان جنة النعيم بمرافقة رسولك الحبيب
وبارك لها فى ابنها انس واجعله صالحا ومتعه بصحته واجعله زحرا للأسلام والمسلمين
وارزقها بأخوه واخوات له واقسم لهم من الخير كله هى وجميع اخوتى واصحابى يارب العالمين ماما1983 الناس الي بتتكلم عن الصبر وتتغنى بالصبر وتحث الناس على الصبر اصعب حاجه في الدنيا الصبر على البلاء وكل بلاء يهون الا بلاء الصحه الحمد لله الصبر مر مر قوي الحمد لله الواحد بيفتكر انه كويس مع ربنا وانه لا يمكن في يوم يجزع او ما يصبرش اويعترض …
يا قمر مش بنتغنى بالصبر بس بنحاول نخفف عنك و كل بلاء يهون الا بلاء الدين كما قال رسولنا صلى الله عليه وسلم يا قمر تخيلى واحد مبتلى بدينه اللهم اعف عنا يارب
يا بنتى انا مجربة الابتلاء بالدين لما يجيب لك الشيطان و يوسوس لك بدينك صعب قوى قوى و يخليكى تنقهرى اذا ظننتى انه هذه الافكار منك افكار و كمان واحدة صحبتى نفس الموضوع يارب اللهم ثبت قلبى على الايمان
و ده مش ضعف ايمان زى ما الناس بتفتكر بالعكس ده ابتلاء و بعض الشيوخ قالوا انه حديث لسيدنا و حيببنا المصطفى اذا جاء لك الشيطان بهذه الطريقة فهذه علامة الايمان الصريح لانه الشيطان مش هيروح يوسوس للى اصلا قاعد بملهى ليلى و الا لشارب الخمر لا ده بيدور على اللى بقلوبهم الايمان و يحاول يصيبهم اول شىء بالياس من رحمة الله- يا بنات أنا عايزه أفرحكم
الحمد لله أخيرا الفستان اللي بعتته حبيبتي المشتاقه لمكه لمنوصه وصل إمبارح
والله يا مشتاقه أنا فرحت جدا أول ما شفته وهو جميل قوي قوي قوي
تسلم إيدك يارب وعقبال ما أنا كمان أجيب هدايا لولادك بإذن الله
بس تعالي هنا إنت فين مختفيه ومبتجيش تطمنينيا عليكي ليه تعالي قوليلنا أخبارك
ياللا مستنينك يا مشتاقه - ماما حبيبتي
بصي يا قمر طبعا كل اللي إنت بتمري بيه ده طبيعي جدا وحلو قوي إنك تيجي تفضفضي معانا إحنا أخوات قبل كل شيء
وبعدين إوعي تقولي إني مش حاسه بيكي لأ والله حاسه أنا مريت باللي إنت مريتي بيه مرتين قبل كده ومره كمان لما جنيني توفى بعد ما شيلته خمس شهور وأنا لسه لحد دلوقتي شايلاه جوايا وبشوفوا كل مره أروح فيها للدكتور في السونار
بس عايزه أقولك على حاجه إنك تحزني ده طبيعي إحنا أولا وأخيرا بشر لكن اللي مش كويس إنك لاقدر الله تعترضي على قضاء ربنا والحمد لله إنت مش كده وربنا ميجعلناش ممن يعترض على قضائه
وبعدين ده حتى الرسول صلى الله عليه وسلم بكى لما إبنه إبراهيم توفى وقال ( إن العين لتدمع وإن القلب ليحزن وإنا لفراقك يا إبراهيم لمحزنون) فكل الحزن اللي جواكي ده طبيعي والله بس ياريت متسمحيش للشيطان يستغل حزنك ده ويفهمك إن ربنا مبيحبكيش وإنه مش هيكرمك ... أو يقولك إن ربنا مش كريم وخلاكي تتعلقي بأمل وأخده منك ... هو ده اللي إحنا مش عايزين نوصله ومش هنوصله بإذن الله
وعلشان تخرجي من الحاله اللي إنت فيها ده طبعا أول حاجه قولي قدر الله وماشاء فعل واللهم أجرني في مصيبتي وأخلفني خيرا منها
ثاني حاجه إلجئي لربنا سبحانه وتعالى بالذات في التلت الأخيير من الليل وأقعدي إتكلمي معاه وفضفضيله بكل اللي في قلبك وكل اللي إنت حاسه بيه وإشتكيله من نفسك كمان ... والله هتستريحي راحه ملهاش حدود
ثالثا قولي الحمد لله ده إنت والله كل اللي عماله تقولي إنه عندك ده ميجيش حاجه جنب ناس تانيه كتير قوييييييييي ونعمه من عند ربنا إن العمليه منجحتش قبل ما تعملي عملية النقل وتقعدي الأسبوعين كمان وبعد كده تفشل كنت هتتعلقي زياده والله فالحمد لله على كل شيء
رابعا إعرفي كويس قوي إن ربنا لما بيبتلي عبد ده معناه إنه بيحبه وإن الإبتلاء ده بيكون لرفع درجة العبد عند ربنا وده حاجه تسعدك يا حبيبتي وإشكري ربنا إنك من عباده اللي إصطفاهم بحبه
خامسا إنت عارفه إن البلاء ده مع شدته لكنه هيغر فيكي حاجات كتير قوي بكره هتحسي بيها لما تعدي من مرحلة الزعل ده إن شاء الله وهيقوي إيمانك قوي قوي وهتحسي كأن ربنا كان بيربيكي
سادسا إوعي ثقتك في كرم ربنا تتهز بالعكس خليها تزيد ده ربنا كريم قوي ومفيش أكرم منه والله وقريب مننا قوي وبيسمع دعائنا بس لو إحنا نتعب نفسنا شويه ونعد نحكيله ونفضفضله
أنا والله يا ماما عندي كلام كتير قوي نفسي أقولهولك بس خايفه أكون تقلت عليكي
بس والله والله والله ربنا كريم وهيكرمك آخر كرم بإذن الله
وبعدين يا ست ماما إنت لسه صغنونه قوي وحتى مده زواجك صغنونه يعني الحمد لله العمر لسه قدامك متقعديش تقوليلي بقى سن يأس مبكر والكلام ده أمال اللي بيتجوزوا عندهم 45 سنه يعملوا إيه
وبعدين كتير قوي بنات مكنش عندهم مشاكل ومكانوش بيحملوا برده وعدى عليهم بدل السنه عشرين وعملوا بدل العمليه عشره ومكنش عندهم سن يأس ولا حاجه
هي كلها أولا وأخيرا قدرة ربنا سبحانه وتعالى (وإنما أمره إذا أراد شيئا أن يقول له كن فيكون ) وإن شاء الله ربنا هيؤمر بحملك قريب قوي
وربنا عند حسن ظن عبده بيه فظني بربنا خير إن شاء الله وربنا عمره ما هيخيب ظنك صدقيني
مواضيع مشابهة
تابعي تجارب أخرى من هذا القسم.