بنات أحد منكم حياتها مثل حياتي؟؟؟؟لاااااأتوقع

بسم الله الرحمن الرحيم
ترددت كثيييييييير حتى أكتب هذا الموضوع بس والله ماني لاقية أحد أفضفضله أو أشكيله ويفهمني..



أبدأ لكم من البداية من وأنا صغيرة عشت طفولة محرومة فيها من الأب ما درج على لساني كلمة بابا أبدا ولا أعرفها لدرجة أني أحسب كل الأطفال مثلي..حتى أتذكر إني كنت أكذب على زميلاتي في المدرسة لمن صرت أفهم إني أنا الوحيدة بينهم اللي ماعندها أب كنت أقولهم بابا جاب لي كذا وسوى كذا وودانا للمكان الفلاني ==أقلدهم
طبعا لاتفهمون من كلامي إني معترضة على قضاء الله لأ أبدا والحمد لله كل وقت وكل حين كما ينبغي لجلال وجهه وعظيم سلطانه بس بأقولكم كيف أثر هالشئ على حياتي...
كانت مرحلة الابتدائي قاسية جدا لان فيه بنات كثير يعرفون إن أبوي متوفي والأطفال زي ماتعرفون ما يجاملون أما مديرة المدرسة فكانت من جنسية عربية ولا تقدر وتحترم إلا اللي وراها ظهر...وكثير من المدرسات على شاكلتها...كنت انطوائية بالرغم إن أختي وهي أكبر مني بسنتين معاي بس كانت تتفشل مني على قولتها..ماكان عندي صداقات كثير ...واستمر الحال كذا حتى في المتوسط ولكن بجرعة ألم زائدة... ونسيت أقولكم إن أخوي الكبير في منتهى القسوة ولربما فرضت عليه الظروف معاملته القاسية..
كانت مرحلة الثانوي أرحم شوي بس كانت عندي معاناة شديدة في تكوين صداقات لاني غير اجتماعية..وماتعودت أتكلم وأصوغ العبارات بشكل مناسب فقط مستمعة..
في الكلية قدرت أكون صداقات بس أضيع إذا ما لقيتهم مقتصرة عليهم وكانت أيامها أفضل الايام....
أكييييييد كل من قرأ موضوعي بيقول وش تبغى هاذي:angry2:
بقولكم وش أبغا أنا بعد ماتخرجت جلست سبع سنين درست في خلالها في مدارس مختلفة وماااااااااااااااااااازلت أعاني من نفس المعاناة غييييييييير اجتماعية وشكلي يوحي داااااااااااائما بالشفقة
صرت أحتقر نفسي وشكلي وزيدو على هاذا كله موووووووو متزوجة مايمديني أدخل مدرسة جديدة إلا ويسألوني كم عندك عيال أقولهم لسى ما تزوجت يقولون احلللللللللللللللللفي <<<<< غرفة تحقيق
فوق معاناتي مع الطالبات الله يعييييين عليهم
طبعا أنا في البيت ماأفضفض إلا لأختي اللي أكبر مني وكل ما أسولفلها تقول صجيتيني سوالفك سخيفة ..تخيلو مرة قعدت أحكيلها عن واحد مريض نفسي عنده انفصام في الشخصية وأقولها إنه يرحم قالتلي أكيد لامس شئ من شخصيتك حلفت بعدها ما أسولفلها عن شئ...أمي لايمكن أقولها عن حزني لتأخر زواجي وأخواتي نفس الشئ..
أتضاااااااااااايق أطقققققق ما أحد يدري عني..لدرجة إني طحت فترة في الشات عشان أفضفض ...


ودي أعتزل الناس وأذاهم بس ما أقدر ..وودي أصير زي الناس ما أقدر..نظرات الشفقة تلاحقني حتى من الناس اللي ما أعرفهم تتوقعون أنا السبب في هذي النظرة.كل من شافني قال يووووووووه هذي مسكينة وضعيفة وانطوائية وهاديةحتى الطالبات اللي أدرسهم...
أقول في نفسي حتى الزواج ما يصلحلي وش يبغى فيني لا جمال ولا عمر صغير ولا عزوة ولا تعرف تسولف زي الناس

ودي أصرررررررخ ودي أبكيييييييييييي بس ياترى بخف همي ولا بيتعدل حالي..

طولت عليكم كثير وأتمنى من كل وحدة تقرا موضوعي تدعيلي وتنصحني ........


أرجوووووووووكي لا تمري مرووووووووور الكرام دون دعوة في ظهر الغيب لأختك المحتاجة

95 تعليق 4,435 مشاهدة

شاركي في النقاش

سجلي الدخول لإضافة تعليق.

التعليقات

91
  1. @mhg

    ياعمري والله
    موضوعك خلاني ابكي من جد انتي تحزييين ...
    ياربي ياحبيبي فرج عن اختي في الله كل كربة تمر بها ..ووسع عليها حياتها ...وارزقها بالزووج الصاااالح اللي كل بنت تتمناه يارب العالمين ...
    ترى انا اعتبريني مثل اختك ....
    واتشرف بصداقتك ومعرفتك اكثر اذا ماعندك ماااااااانع ...
    اذا حسيتي ان ماحتاجة احد انا فيييه راسليلي على الخاااااص علشااااان تنواصل عبر الاميلات اذا طبعا ماعندك مااااااانع ....

    وتقبلي مرووووري
  2. @anyn_alytm_1

    صاحبة الموضوع
    أختي M.H.G أنا من يتشرف بصداقتك وماعندي أي مااانع ردك علي خلا العبرة تخنقني ...أشكرررررك من أعماق قلبي
    أختي فرشاة ومعجون تصدقين إنه يضيق صدري أكثر إن رحت أفراح ومناسبات لنفس السبب ..أشكرك على نصيحتك ووصيتك وبأعمل فيها إن شاء الله والله يوفقك
  3. @byadro

    راس الحكمه
    فرج الله همك اختي واسعدك الله في حياتك
    اختي العزيزه
    الله يفرج عليك ويرزقك بالزوج الي مايشوف مثلك ولا يستغني عنك قولي آمين
    وانتي ياقلبي اعملي بالاسباب يعني ماشاء الله موظفه يعني عندك راتب حاولي تخصصين حتى لو جزء بسيط منه للصدقه والله العظيم ان مفعولها عجيب واستغفري كثير خلي لسانك يتعود عليه والله ان تحسين براحه عظيمه وادعي ربي بالثلث الاخير من الليل ودائما كرري على لسانك ( اللهم اشرح لي صدري ويسر لي امري واحلل عقدة من لساني ليقفهوا قولي ) وان شاء الله بتنفرج عليك وتحسين بتحسن وتقدرين تخالطين الناس وبالتوفيق ياقلبي
    دعواتي لك :27:

تابعي تجارب أخرى من هذا القسم.