طريق الامل ( خبرات متبادلة حول مراكز العقم فى مصر ) الجزء السادس

حبيبتى ماما ..
انتى شلتى من على قلبى عبء كبير جدا بردك ده .. انتى اثلجتى صدرى حقيقى
متتخيليش سعادتى بيكى النهاردة قد ايه لانك عرفتى تخرجى من الحالة دى وبسرعة انا ملاحظة انك النهاردة افضل بكتير ماشاء الله .. وكمان مبسوطة جدا علشان مش زعلتى من كلامى برغم انى حاسه انى ضغطت عليكى فى وقت انتى مش مستحملة فيه .. بس من باب اطرق الحديد وهو ساخن يا قلبى

الهدى والنور ..
انا باينه اهه وتحت النظر .. ظلمتينى يا حبيبتى .. بقه بعد مداخلاتى الكتير دى وابقى مش باينه
عموما هبقى اقلب لك نور وانا جاية فى السكة علشان تشوفينى كويس .. المهم انتى بخير يا هدهود ... يارب نطمن دايما عليكى

اوكسى ..
انا بخير يا حبيبتى طول مانتوا بخير .. المهم انتى يارب نطمن عليكى زى النهاردة كده ونبقى بنبارك لك يا قلبى .. وبرافو عليكى جدا فى حته انك مبتفكريش فى قصه الاعراض اللى قبل الحمل لان الموضوع ده واكل نفوخ ناس كتير جدا .. برغم انهم لو فكروا بالعقل هيلاقوا ان كل الحيرة بتاعتهم دى بيكون فاضل لها وقت بسيط وتتحسم ..
بالاضافه الى ان قصه الاعراض دى بتربك لان كل واحده بتقول اللى حاسه بيه وياسلام بقه لو انتى مكنتيش حاسه بأى حاجه من اللى البنات بيحكوا عنها .. بتزيدى توتر اكتر وتحسى بيأس اكتر
فا فى الغالب قصه الاعراض دى ياريتها حتى بتدى امل لا دى محبطة جدااااااا فى فتره اساسا انتى مش ناقصه فيها احباط .. وربنا يارب يتمم لك على خير يا اوكسى واشوفك حامل يارب وفرحانه زوجك واهلك

على فكرة الظاهر انى مش فاهمه حاجه ومعاكم فى نفس الزفه اللى بتحكوا عنها دى .. بس حد يقول لى بقه مين العروسه
:p:p
مسلمة ..
انا هنا بوستلك انوس طبعا يا قلبى وبعدين يا شباب انا هنا والله مش غايبه عنكم ومقدرش اساسا اغيب بس المشكله انى كتبت مشاركه وكالعادة الموقع الغلس ده طيرهالى برغم انى كنت عامله كوبى بيست بس الحمدلله ادينى بعوضها اهه

زوزة ... النوزة كونوزة
حبيبتى ما تستعجليش على النبض انتى لو عايزة تتطمنى اكتر كمان كام يوم عيدى تحليل الحمل علشان تشوفى النسبه وان شاء الله هتزيد لان نسبه الهرمون كويسه جدا .. بلاش هسهس وان شاء الله الحمل هيكمل ما تقلقيش يا قلبى
بس بالنسبه للنبض انا فاكرة انى استنيت لاول الشهر التالت وسمعته يا قلبى .. ولما رحت للدكتورة اول الشهر التانى مش كنت سمعته لسه فا اصبرى حبه

شيمو ..
برافو عليكى كملى على الجلوكوفاج مهم اوى وضرورى جدا بلاش توقفيه اطلاقا يا حبيبتى
وربنا يهدى حماتك عليكى يارب .. انسيها علشان تنساكى يا قلبى .. وركزى انتى مع نفسك وتابعى علاجك وان شاء الله المعاناه دى هتنتهى قريب وترتاحى بس صبرا .. همه للأسف بيبقوا مستعجلين .. انا حماتى قبل ما اتم شهر فى زواجى سألتنى البيريود جتلك ولا لا .. يعنى مش لوحدك اللى بيعانى من التدخل بالصورة الغريبه دى
ربنا يكرمك ويرزقك الذرية الصالحة يا شيمو

ام اياد ..
يارب تحاليلك تكون سليمة وانا واثقه انها هتكون كده بأمر الله ما تقلقيش بس استغفرى كتير الايام دى يا قلبى
وطمنينا عليكى دايما واول ما تجيبى التحاليل طمنينا

سارة حبيبتى ازيك عاملة ايه دلوقتى يارب تكونى بخير واحسن
وطمنينى عليكى هتعملى اول سونار امتى يا قلبى

المشتاقة لمكة .. ازيك يا قمراية عاملة ايه يارب تكونى بخير يا حبيبتى والله انتى وحشتينى اكتر .. ومستنيه بردة نتكلم وكويس ان مشكلة السفر هتتحل ربنا يسهلها لك من عنده وحده يا مشمشة
وفى دعاء كنت على طول بحب اقولة
اللهم سخر لى قلب من احوجتنى الية .. اللهم يسر لى امور دنياى حتى لا تشغلنى عنك
الدعاء ده جميل ولما بدعى بيه ربنا بيكفينى وهو اللى بيقدرنى ويساعدنى من غير ما احتاج لاى حد

انتى لسه موجودة ؟؟ انا هنا يا ماما يا حبيبتى اتكلمى براحتك البنات النهاردة خارج البيوت الكل عند اهله ..
انتى لسه فى مصر ولا ايه يا سوسو

ماما ياربيثبت قليك و يقر عينك بالذرية الصالحة
فاطمة اخيررررررررررررررررا دخلتى حمد الله على سلامتك و مبروك مرة اخرى
رمال لا يا قمر فى يوم كده ما كانش فى مشاركات فقت اسال عن القمر اللى منور الملف
سارة و كوكر الف شكر لتعبكم معايا و ركم على اسئلتى ارسلت لكم رسالة على الخاص تانى
ام انس ازيك يا قمر اخبارك ايه
المشتاقة لمكة ان شاءالله تنورى مصر
ام اياد ربنا يوفقك ياقمر و تجيبى احلى نونو
اشى و اوكسى و كل اللى مش موجودين سلامى لكم