في احد منحوس كثري....مااتوقع!

قولن اميييييين الله لايحرمني منكن وربي انكن تريحن الواحد ..........بنات عقب ماارتحت ابيكن تنصحني انا قبل

رمضان كان متقدملي واحد وكتبت ان اذا بغي يخطب يصير شي واخر شي قالوا بعد رمضان المهم هم يوم كلمونا قالوا انه مطلق وعنده بنت وانا قلت عادي اليوم كلمت امة تقول نبي نجي بس بقولك شي ترى اهم شي بنتة قلت على

عيني وراسي بس تفجأت انه مو مطلقها ويقول لامة مااقدر افرط ببنتي انا ماراح ارجعها بس ماابي اطلقها علشان بنتي ماتنحرم منها وتتزوج وتتركها انا انصدت ليه من البداية قالوا مطلق والحين احس ان الدنيا تدور وربي تعبت وربي

وين مااطقها عوجا احس اني وجه نحس كل ماجيت افرح اتنكد وربي تعبت وامي تقول ابي اجيب شيخ قلت مابي شيخ مابي جني ولاغيرة حظي زفت عارفه حظي وهذا رابع واحد يصير فيه كذا انا من حرة قلبي قلت لامة هذا ولدك


والله يستر عليه وانا الوجة من الوجة ابيض قعدت تتصل وتقول ولدي قال يفكر يومين ويردلي بس انتي قد تربية البنت قلت مابي اسمع شي اول مرة ارد كذا من حرة قلبي كلمت امي وقالت بنتي عندي وولدكم عندكم قالت وربي هو

مايبيها المهم سكروا الخط على ان الولد عقب مارفضت ادش على ثانية قال يفكر ويستخير يطلقها او لا هو عمرة 36سنة وانا 25....بنات تعبانة وربي لي ثلاث شهور ماجتني الدورة من التفكير واخرتها هذا اللي يصير قسم بالله تعبت نفسيا وربي حاولت اطنش عجزت ..وربي احس ان المشاكل والحظ النحس ملازمني طول عمري ...انطر يومين والا

ارفضه تكفن تفكيري انشل ...انا تعلقت بهذا لانه مطلق وانا ارغب بالمطلق على العازب وادري اذا ماتمت هالسالفه عمتي تبي تتشمت بي اني رفضت ولدها لانها دايم تقول حوبة ولدي انك مااتزوجتي ...يشهد على ربي قالت وحدة

من جيرانا ياوضحي ترى الناس ماراح تدورك اذا كل ماتقدم احد ترفضينة وربي ماهمني شي بس انجرح يعني كنت متفائله بالاخير وطلعت سالفته سالفه.......

ترى اطق اذا وحدة مافهمتني وربي اتكلم عربي سعودي شمري فصيح..>>احترم كل وحدة ترد علي الله يسعدكن ويبعد عنكن كل شر


اللي تقولهن راح اسويه وامري على الله خلاص بعت هالدنيا

37 تعليق 4,454 مشاهدة

شاركي في النقاش

سجلي الدخول لإضافة تعليق.

التعليقات

36
  1. مرحبا ختيه يمكن الريال صادق ومايريد حرمته بس علشان بنته واذا كنتي زينه معاها يمكن يطلقها المهم انتي كيف بتتعاملين مع ريلج اذا كان مايريدها ما عليج منها اكيد الريال خايف لو طلق حرمته انها تتزوج مع انه ماله حق اذا مايريدها ليش يعلقها؟؟ صلي صلاه الاستخاره وان شاء الله ربي بيوفقج
  2. @odh_bnt_aaglan_1

    صاحبة الموضوع
    الله يسعدك شنو يضمن لي انه مايرجعها ماابي اظلمها واظلم نفسي ..وحرام يعلقها علشان بنته اناني اهم شي نفسه استخرت ماحسيت بشي ...انطر يومين وااشوف
  3. حبيبتي خذي في بالك انك اذا تزوجتي واحد متزوج راح تجيك مشاكل وعوار راس .......الخ
    وخذي في بالك على كلامك انه ماطلق وان معه بنت يعني الله يعينك وبقول لك شي انت وش دخلك في عمتك خليها تتشمت
    اهم شي سعادتك وقناعة نفسك اذا كنت راضيه وحاسه انك مرتاحه مع اي شخص في العالم فوافق عليه بس انصحك نصيحه اخت لاتسمعين للناس لانك في النهايه انت الي بتختارين وتعيشين مع اي رجل بختيارك
    على العموم انا انصحك انك تستخيرين وتقومين الليل وتدعين ربك يكنب لك مافيه الخير
    والله يرزقك بالزوج الصالح وانت صغيره باقي ليش تحسين انك مستعجله على الزواج يمكن يجيك احسن منه
    والله يوفقك ويكتب لك مافيه الخير.
  4. @ro11n

    صباحك رضا وتفاؤل
    يااحلى وضحى
    بالبدايه ودي اعرف الحين انتي انهيتي الموضوع وجايه تفضفضين ؟
    ولا محتاره وتبين مشورتنا ؟

    بعدين تعالي ياعسل
    والله ماحبيت منك انك تقولين هالكلام
    ( حظك زفت وانك منحوسه وووالخ )
    وينك عن كلام الرسول اللهم اصلي واسلم عليه
    عظم الجزاء مع عظم البلاء وان الله إذا أحب قوما ابتلاهم فمن رضي فله الرضى ومن سخط فله السخط
    ياقلبو ارضي بقضاء ربي لك علشان يرضيك
    بعدين وين حسن الظن بالله والتفائل !!
    وخري هالنظاره السودااا عن وجهك وابتسمي للحياه
    وطلعي خزعبلات الحظ عن راسك
    وادعي ربي وشوووووفي وش راح يصير لك
    الله يريح بالك ويرزقك الرجل الصالح اللي ينسيك همك
  5. @odh_bnt_aaglan_1

    صاحبة الموضوع
    الله يرفع قدركن دنيا واخرة ...روان لا ماانتهيت بس بعد يومين بيردون وانا والله ماهمني كلام الناس بس لاجيت على الصدق يجرح واطنش بس الى متى

تابعي تجارب أخرى من هذا القسم.