فضفضة كنت متأخره بالحمل والحين مطلقه لا تنسوني من دعواتكم

الله يصبرك ويعوضك
بزوج افضل منه
ويرزقك ويرزق
كل محرومه من الذريه الصالحه

الله يصبرك

و يعوضك زوجاً أفضلاً منه

الله يصبرك و يعوضك زوجاً أفضلاً منه

ياعمري الله يبدلك بأخير منه ان شاالله

يسعدك ويحنن قلبه عليك

ويمتلي بيتك اطفال اطفال

انت بس ادعي ومالك الا رب يرضيك

ياحبيبات قلبي انتوا

والله ردودكم تشرح الصدر والله اني اقرا والحين وقت اذان المغرب دعيتلكم من كل قلبي

ان ربي يعوض كل وحده فيكم بالتوام الصالح السليم المعافى يااااااااااااااااااااااااااااااااارب

والله كلامكم صحيح ان طليقي مو كفئ ان يصير اب ولا حتى زوج مو بس موقفي معاه بالمستشفى

كله على بعض من ابتعاده عن رب العالمين وطول هالسنين وانا معاه لا صلاة ولا شي وبس خيانات وشرب وشرك بالله

طبعا لو اقعد اشكر رب العالمين ان خلصني منه والله الف الحمدلله

بس ماادري هالغريزة غريزة الامومه قويه عندي على الاقل قبل كنت عايشه على الامل

املي كل شهر ان ممكن احمل ممكن احلل واطلع حامل

بس الحين حتى هالحلم الحلو راااح مني مافي عندي امل عايشه عليه

حتى الحين لمن يتقدملي احد للزواج احسب مليون حساب شلون نفاتحهم بموضوع التكيس

وانا اقعد ارجع شريط حياتي ال 3 سنين من الانتظار وتعب العلاج اختنق

كل عيد وكل مناسبه اقول ان شاء الله العيد الجاي اعيد مع اطفالي مثلي مثل اخواني وصديقاتي

اشتريلهم وافرح فيهم وكل عيد انا اكون خسرااانه فيه اكثر من اللي قبله

قبل كنت اعيد مع زوج الحين صار عيدي بروحي مع وحدتي ومع احلامي وبس !!!

استغفر الله ياربي واتوب اليه والحمدلله والشكر ياربي على كل نعمة وكل حال

اشكركم خواتي من كل قلبي على دعواتكم الصادقه ياربي اسالك ان تتقبلها منهم يارب العالمين