طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 394
شاركي في النقاش
سجلي الدخول لإضافة تعليق.
التعليقات
2,230اشتقت اليك
ايه ده هى بتانور عيانة ؟؟ يا خبر الوان طيب يا جماعة انتوا ليه مش بتطمنونا عليها اول بأول
طيب الف مليون سلامة عليكى يا بتوتة .. خلى بالك على نفسك يا حبيبتى وتابعى مع الدكتور على طول
ميكو ..
ازيك يا موكا .. بصى الافرازات دى عادية خاااااالص وما تقلقش .. وبرغم ان فى الحمل الافرازات قليلة لان مفيش تبويض بيحصل يسببها ولان مفيش بيريود كمان لكن ممكن يحصل لاى سبب وانا كان عندى نفس الموضوع فى اول الحمل وبمرور الوقت قلت جامد على الشهر الرابع والخامس ورجعت تانى بشدة فى الشهور الاخيرة وكانت الطبيبه بتاعتى بتقول لى عادى الا طبعا لو صاحبها اعراض التهابات مثلا ساعتها تبقى الافرازات بسبب الالتهابات وتبقى محتاجه لبوس بس يظبط الدنيا ..
بس انتى قولتى انك بتاخدى لبوس التثبيت .. ده ممكن يكون هو سبب الافرازات دى وانا كنت باخد لبوس بردة بس للألتهابات وكان بيعمل افرازات كتير لانه بيسيح جوة وبينزل منه كمية كبيرة
وبردة انا بحب اخلى الدكتور فى الصورة فى كل كبيرة وصغيرة قولى للدكتور بتاعك لما تشوفيه من باب الاحتياط ليس اكثر ولا اقل .. وربنا يتمم لك على خير
حبيبتى زوزة النوزة كونوزة ..
لحقتنى نفسك على اخر لحظة .. ركزى يانساية وماتخليش الحمل يعمل لك زهايمر ..
انتى كده بدأتية بدرى اوى .. وبرغم ان طبق المحشى اورديحى .. بس بجد نشنتى انا بحب ورق العنب موووت وياسلام لو بالفحم بقه يبقى تحفه .. وعموما تسلم الايادى ويارب ما اتحرم منك
وعلى فكرة انا رأيى من رأى سارة فى موضوع السونار .. مش عارفه انتى مستعجله ليه يا زوزة .. اصبرى وما تعمليش حاجه ممكن تكون مش فى مصلحتك .. كله هييجى فى وقته اصبرى شويه واديكى عرفتى انك حامل واتطمنتى يبقى ما تستعجليش المراحل واهى ايام وهتعدى هوا وهتسمعى قلب حبيبك وهو بيدق
ماما ..
احبك الذى احببتنى فيه يا جميل ويارب يارب يفرح قلبك ويبارك فى زوجك .. وعلى فكرة انا فرحت اوى من خبر سفر دكتور حسام وحسيت ان فى امل كبير جدا من التقنيات اللى هيشتريها من بره ويجيبها لنا فى مصر
وحسيت كمان انه مهتم بيكى وحريص انه يشوفك بعد ما يرجع وده معناه ان الحاجات اللى هيجيبها هتنفعك كتير
خليكى على اتصال بيه اول ما يرجع واحكى لنا عمل ايه بره ماشى يا قمر
سارة ام بلالا..
سوسو نفسك يا قلبى فى ورق العنب اوعى تكونى بتتوحمى :32:.. يا نهار ابيض ده انا ابعته لك دليفرى فورا لاحسن الواد تطلع فى وشه عنبايه ولا حاجه :o
اوشى ..
الله عليكى يا قمر .. ايوة كده روحى لجوزو حبيبك ومفيهاش قله ادب ولا حاجه .. انتى كلك ادب وزوق يا قلبى
بس زى ما بنطلع المشاعر الوحشه اكيد محتاجين نظلع مشاعرنا الحلوة لما نكون فرحانين كده
ربنا يخليكم لبعض وما يحرمكوش من وجودكم سوا ابدا ويبعد عنكم العين والحقد يارب والحسد
وحلو اوى انك هتسافرى علشان تفرحوا سوا بالحمل وعلشان لما تبدأى تحسى بحركة النونات يشوفها معاكى وتعيشوا الحمل سوا لحظة بلحظة .. تروحى بألف سلامة يا اوشى
sara_ali نيفوووووووووو حمدلله ع السلامة ربنا يتم لك الشفاء ويجعل صبرك في ميزان حساناتك والله التجمع كان مضلم من غيرك الحمدلله انك رجعت نورتيه تاني وميرسي على لاسم التحفة عقبال نسمي لك ولادك رغم ان اوكسي اخدت الحق الحصري لاولادك اوكسي ماما الم…
ربنا يكرمك يا سارة يا رب
يا رافعة معنوياتي
انا كمان والله فرحانة بتفاؤلهم ده جدا
وفرحانة اني كمان حاسة بنفس احساس التفاؤل ده
ونفسي كلنا نحسة لانه جميييييييييييييل قوي
ويا ستي لو اسمي حلو كدة
خديه
ميغلاش عليكي
ربنا يرزقك يا رب بكل اللي تتمنيه ويرزقك سعادة الدنيا والاخرة
ويرزق بنت خالتك بازوج الصالح والذرية الصالحة يا رب واختي وبنات المسلمين اجمعين
امينرمـــــال ايه ده هى بتانور عيانة ؟؟ يا خبر الوان طيب يا جماعة انتوا ليه مش بتطمنونا عليها اول بأول طيب الف مليون سلامة عليكى يا بتوتة .. خلى بالك على نفسك يا حبيبتى وتابعى مع الدكتور على طول ميكو .. ازيك يا موكا .. بصى الافرازات دى عادية خااااا…
اشتقت اليك ,,,
شوشووو... دمك زى العسل يابنت الايه
والله ضحكت على كلامك مع ام انس
عصايه وكورة سحرية
حسستينى ان ناقصها طرطور ومقشه وتبقى الساحرة الشريرة
:30:
ازيك يا حبيبتى عاملة ايه .. ربنا يبارك فى تعبك يارب يا شوشو ونفرح كلنا بحملك يارب ,, ساعتها هيكون عيد والله علينا كلنا
أم انس ,,,
ازيك يا بطة.. عاملة ايه يا كتكوتة .. انتى لسه ماشيه على الدايت ولا ايه النظام .. شكلك ماشيه عليه مظبوط وانا حاسه انك ماشيه منضبطة ومش بعيد تكونى خسيتى كمان كام كيلو .. بس انا فرحانة بيكى جدا يا ام انس فرحة لا تتخيليها علشان حاسه انى هسمع منك خير يا حبيبتى وهتحصلى الحوامل الجدد ..
مسلمة ..
انتى فينك يا حبيبتى .. اى يوم غياب بيقلقنى عليكى .. مش قولتى لى ابدأ العد التنازلى ولا لا .. خلاص كده فات اسبوع ودخلنا فى التانى .. الدكتور حدد معاكى معاد الولادة امتى .. ياريت تطمنينا عليكى وعلى منوصة
مشمشة .. عاملة ايه يادلوقتى .. كويس انك راجعه الشغل تانى كده انا اتطمن عليكى انك بقيتى احسن
توتى تووووت ..
ازيك يا حبيبتى ربنا ما يحرمنيش من كلامك اللى زى العسل .. بس انا عايزة اعرف اخبارك بردة مش المفروض دلوقتى انك خلصتى التنشيط .. ومش المفروض انك بتتابعى التبويض وتشوفى ايه الاخبار .. عملتى ايه لما رحتى المركز احكى لى يا بنتى عايزة اطمن عليكى
مها مهاميهو ..
برافو عليكى عايزاكى تكونى متفائلة على طول .. ووالله هو ده اول طريق النجاح وتحقيق الاحلام
التفاؤل .. وانا كمان متفائلة لانك ماشيه مع حد بيجيب التايهه زى ما قولتى .. وربنا يكرمك يا حبيبتى وكمان شهرين نشوفك حامل ويمكن كمان اقل من شهرين .. طول ما نتى ماشيه على الخط المستقيم وبتاخدى العلاج وبتخسى كده يبقى ما تقلقيش اطلاقا وكل ده فى مصلحتك فى الاخر
muslima627 مهاميهو إزيك يا جميله أنا مبسوطه قوي إنك رحتي للدكتور عادل وإنك أخيرا هتتظبطي في العلاج وتمشي على خطوات صحيحه ربنا يتمملك تعبك على خير يارب ويفرحك بإذن الله
ربنا يكرمك يا مسلمة يا رب
ربنا يفرحنا كلنا يا رب في القريب العاجل
وانتي اخبارك ايه في موضوع الحمل
عشان انا مش عارفة
عندك اولاد ولا لسة زي حالاتيرمـــــال اشتقت اليك ,,, شوشووو... دمك زى العسل يابنت الايه والله ضحكت على كلامك مع ام انس عصايه وكورة سحرية حسستينى ان ناقصها طرطور ومقشه وتبقى الساحرة الشريرة :30: ازيك يا حبيبتى عاملة ايه .. ربنا يبارك فى تعبك يارب يا شوشو ونفرح كلنا بحملك يارب …
اكتر ناس خايفة اني اخس حماتي:42:
اصل انا 56 كيلو
يعني بالنسبالها قربت اختفي:42:
ربنا يكرمك يا رمال وخليني في بالك كل شوية ومتنسينيش في دعائك
ربنا يرضى علينا ويكرمنا في الدنيا والاخرة يا رب جميعا
مواضيع مشابهة
تابعي تجارب أخرى من هذا القسم.