طريق الامل ( خبرات متبادلة حول مراكز العقم فى مصر ) الجزء السادس

انا هستأذن دلوةقت يدوبك البس واروح شغل المسائى سلام

شيمو يا قمر ازيك

عامله ايه
على فكره انا فعلا مع اول يوم عرفت فيه انى حامل
قلت لجارتى وهى كانت فرحانالى جدا وطبعا مبعتتليش النونو تانى
ادعولى مش عارفه فى هسهس فى دماغى لدرجة انة طول الليل بحلم بالنبض

الحمد لله احسن و انا اهوه في الشغل و حطلع منه علي حماتي و ابات عندها.

إزيكم يا بنات عاملين إيه
معلش غبت عنكم اليومين دول أجازة أخر الأسبوع بقى ربنا يسهلها يارب
أوكسي عامله إيه وإيه أخبارك دلوقتي يارب تكوني واخده بالك من نفسك كويس ومبتعمليش مجهود أحسن لو سمعت إنك بتعملي مجهود هجيبلك الفنكه وآجي فاهماني

ماما حمدالله على سلامتك ورجوعك بلدك بس ياريت يا حبيبتي تهتمي فعلا بمقابلة الدكتور حسام تاني هو مادام قالك كده يبقى أكيد هيفيدك وإحنا مش عايزين نضيع وقت وعلى فكره أنا أعرف إن تتابع عمليات الحقن بتعلى نسب النجاح قوي كان دكتور هو اللي قالي كده وطلع كلامه صح فعلا فعلشان كده مش عايزاكي تكسلس وتاخدي الأمور بجد وياريت لو تبتدي معاه في خطوات العمليه اللي بعده وربنا يكرمك يارب ويعملك كل خير

رمال إزيك يا حبيبتي أنا لسه هروح للدكتور يوم السبت إن شاء الله وهنحدد المعاد وأقولكم عليه وأطمنكم

إشتقت إزيك وإزي أنس حبيبي قوليلوا يوضب نفسه عروسته جايه وبكره نعرف إذا كانت حمره ولا قرعه شكلها هتطلع قرعه وأنس ألاكا هيطلع يجري مني

أم أنس ربنا معاكي يارب وطمنينا لما الدكتور عادل يرد عليكي وإمشي على الرجييم أنا متفائله ليكي قوي ربنا يكرمك بإذن الله

مها عامله إيه يا صغنونه يارب تكوني بخير يارب

ميكو خالي بالك من زئزئه ومش عايزين شقاوه وياريت تسألي الدكتور على كل حاجه تقلقك

أوشي كويس إنك حددتي معاد سفرك بس يارب تكوني إستخرتي قبلها وأخدتي رأي الدكتور مش عايزين نجري ورا عواطفنا ومنعملش إحطياتنا في كل حاجه ربنا معاكي يا أم فرفش ومرمش يارب

سارا هيه فين صحيح أم بالالا مختفيه النهارده ليه

شيمو ربنا يكرمك يارب ويوفقك في شغلك كمان ومبروك لصحبتك وعقبالك بإذن الله

أم إياد ياللا يا عم زينب شافتلك حلم أهه إن شاء الله يكون خير ليكي يارب قريب بإذن الله ونفرح بيكي مع أوكسي

زينب إنت طيبه قوي يا زبيبه بس خلي بالك من نفسك وبلاش مجهود الله يكرمك وإن شاء الله تروحي للدكتور المره الجايه وتلاقي النونو زي القمر ويديكي ظهره كمان وتسمعي قبله وتفرحي بيه يارب

الهدى إنت فين بقالك مده محدش شايفك تعالي هنا وإعترفي وطمنينا عليكي

نيفو رجعتي إختفيتي تاني ليه يارب المره ده ميكنش تعب ويكون حاجه حلوه هيه اللي بعداكي عننا يارب

المشتاقه ها مقلتيش عملتي إيه في التأشيره وطلعتيها ولا لسه تعالى قوليلنا ومتغبيش عننا كتير

فاطمه حمدالله على سلامتك وخليكي كمان يومين عند ماما يا ستي المهم إنك ترتاحي تماما لحد ما الأمور تتظبط وترجعيلنا تاني إن شاء الله

توتا عامله إيه في الحقن أخدتي عليها ولا لسه ورحتي للدكتور تاني ولا لأ طمنيني عليكي

يارب مكنش نسيت حد يارب أحسن أنا عماله أحول منساش حد بس شكل الزهايمر هو اللي هيغلبني
وعلى رأي إشتقت لو نسيت حد يبقى يطلبني على 0900 بس يبقى يقابلني لو رديت هههههههههه
بهزر طبعا

انا اول يوم ليا في الشغل و قولت لمديري اني عايزة اجي 3 ايام بس الاسبوع ده و من الاسبوع الجاي اجي 4 ايام من 5 فقالي طيب نظبطها مع بعض.