قصة ولادتي...دخلوا علشان تستفيدوا

بسم الله الرحمن الرحيم
أول شي يابنات أحب أقولكم اني ولدت من اسبوع ولله الحمد

وأنا في الشهر السابع يوم الاربعاء الساعة 2 بالليل جاني ألم ببطني يروح ويجي وكان الم غير منتظم مره يجي بعد 5 دقايق ومره 9 ومره ربع ساعة بس ماكان يطول أكثر من ربع ساعةز
وزوجي كان نايم طبعا فما صحيته
قلت يمكن يكون ألم عادي أو طلق كاذب فجلست للصبح ومعي الألم ماوقف وأول ماصحى زوجي قلتله ان معاي ألم وخايفة يكون ولادة مبكرة.
بس زوجي قال لي: لا ماأتوقع انه ولادة انتي توك بالسابع وبعدين هذا شكله طلق كاذب لأنه بالبطن مو بالظهر وغير منتظم وأنا اقتنعت وقعدت.
بعدين جت الساعة 3 ونزل مني دم
فرحت قلت لزوجي خلاص خلنا نروح المستشفى رحنا المستشفى اللي اتابع فيه وفحصت الدكتوره ولقت الرحم مسكر مو مفتوح وقالت نسوي سونار بعد أحسن
وسوت السونار وشافت ان كل شي طبيعي الرحم مسكر والبيبي كان لسى ماتقلب يعني ماعدل وضعيته
وبصراحة لما قالت لي ارتحت مره وحمدت ربي ان مافي شي
وقالت لي الدكتورة ممكن تكون الام عادية ووصفت لي حبوب مسكنهز
رجعت البيت وزاد الالم معي
صليت المغرب وبعد الصلاة قلت بروح مستشفى ثاني علشان اتأكد لأن الالم زاد ومو راضي يوقف حتى بعد ماشربت الحبة.
رحت المستشفى ودخلت على الدكتورة وأول ماشافت الالم اللي يجي قالت انتي لازم تتنومي ممكن تكون هذي ولادة مبكرة
وفحصت علي وشافت ان الرحم مفتوح ومفتوح 6
يعني خلاص ولادة
وقالت بتولدي الليلة وجابت السونار بسرعة وشافت ان البيبي لسى ماعدل نفسه فقالت لازم قيصيرية ووقتها ماتحملت وقعدت أبكي
وبسرعة بسرعة ودوني غرفة العمليات وأنا خايفة وقالوا لي لازم بنج نصفي لأنك مو صايمة.
وتوكلت على الله وعملوا لي العملية وطلعت بنتي وسمعت صوتها وهي تبكي لكن ماشفتها لأنهم عطوني مهدء ونمت.


وبعد الولادة بيوم قالو لي ان بنتي توفت.
والحمد لله على كل حال.
ربي عوضني خيرا واجعلها لي شفيعة ان شاء الله.