الملف الخاص بأسئلة و مواضيع أحلى بنات فى مصر ( الجزء الثالث )

السلام عليكم,

ازيكم يا بنات عاملين ايه يارب تكونوا كلكوا بخير يارب
مع انى كده حاسه انكم نسيتونى
يارب تكونوا فاكرنى وبتتدعولى

انا باعتذر عن الغيبه دى بس ده من تعب الحمل ..الحمل المرة دى أصعب ادعولى ربنا يهون على و يعدى الفترة دى على خير

كنت ساعات بافتح أشوف أخباركم ايه بس ماكنتش بقدر أرد من بنتى الصغيرة وغلاستها..الجيل ده فظيع عندى ابنى زياد هو 5 سنين بس لكنبيموت فى الكمبيوتر وما بيسيبنيش أقعد براحتى خالص أما الآنسه جنا فدى بقى تفتح الكى بورد وتقعد تدوس اللى يشوفها يقول انها بتكتب حقيقى

حبيبة قلبى أم باسل
والله انا كنت بدعيلك من قلبى ان ربنا يشفيلك ولادك بس من غير ما أكتب وان شاء الله يكونوا بخير دلوقتى
بحبك أوى فى الله

la rosa
جزاك الله كل خير على الملخص الاكتر من رائع انتى وجميع البنات اللى ساعدوا فى التلخيص
وواضح جدآ انه متعوب عليه
والله كان نفسى أشارك معاكم فى التلخيص ..بس انتم عارفين الظروف وخايفه أقول هلخص ومقدرش أكمل

ويا بنات اللى عايزنى أجرب ابعتله التلخيص ممكنأحاول يمكن يوصل ده طبعآ بعد اذن لاروزا

هدهوده
حبيبتى ربنا يفك كربك يارب ويبارك لك ويرزقك ويتمم لك على خير وبسرعة باذن الله
لا تنسى قراءة سورة الواقعه كل ليله

enna
حبيبتى ازيك وازى ولادك على وعمر عاملين ايه ...انا عارفه ان الصبيان فظاااع فى تربيتهم...ربنا يهديهملك يارب وانا بعتذر انى لسه مابعتلكيش اسم السايت بس ان شاء الله ابعته دلوقتى ..وياريت تعذرينى
ويارب يفك كربك ويرزقك الرزق الحلال ويبعد عنكم الحرام يارب
معلش يا اينا ممكن توضحيلى أكتر عن الphoto dearm max ألاقيه فين ووظايفه ايه بالضبط


don
حبيبتى عامله ايه
يارب تكونى بخير وجزاك الله كل خير على الاكلات الجميله وان شاء الله لما أولد هبقى أجربها وأقولك
وعلى فكرة انا بردو ماكانش عايز يفتح معايا عالم حواء بالذات وكان بيطلعلى رساله ان فى حاجه غلط فى الموقع
ربنا يبارك لك يا رب

حبيبة زوجها*
اكليل الجبل هو الروز مارى وانا بجيبه دايمآ من عند العطار بس انا بجيبه مجفف وعلى فكرة ده بيتحط على بعض الاكلات زى صينية البطاطس أو كباب الحله وبيبقى تحفففففففه وبيخلى الطعم جنان
وبالنسبه للتفاصيل أعتقد الاخت doodجزاها الله خيرآ وفت بيها
وممكن تبعتيلى روابط الوصفات لأنى أكيد هاحتاجها بعد الولاده ان شاء الله
وجزاك الله خيرآ

fruitymango
جزاك الله خيرآ يا حبيبة على المقع وأضم صوتى ليكى انه فعلآ موقع ممتاز من أول الحمل لتربية الاطفال وانا متابعاه بقالى حوالى سنتينوفيه كمان موقع حلو أوى للمرأة عامة وفيه كل ما يخطر على بالك للمرأة اسمه
ivillage.com


وبالمناسبه موقع تربية الاطفال اللى كنت باتكلم عنه هو فرع فى موقع اسلام اون لاين دوت نت
وكمان موقع يوم ورا يوم
ممكن تعملى بحث فى جوجل وهيدلك عليهم



أم زياد

حبيبتى شكلمه
يارب يعينك على مذاكرة ولادك وينجحهم يارب ويجعلهم قرة عين لكى
انا يا ستى أصلآ من لوران لكن اتجوزت وسكنت فى ميامى ش جمال عبد الناصر
وانتى نازله اسكندريه امتى؟..ممكن اديكى رقم تليفونى لما تيجى نتكلم
وبالنسبه للكوافيرات انا هقولك على اللى جربتهم فى كوافير وليد فى الوطنيه مول اللى فى ش شعراوى فيه هناك بنت كويسه قوى فى القص هحاول أفتكرلك اسمها...أممممم اسمها ايه؟؟..بصى انا هسالك وأقولك بكرة
وكمان فى كوافير تانى فى شارع متفرع من شارع الاقبال اسمه طارق ومنى انا عملت شعرى عندها ميش وهايالايتس كانت أحلى مرة وكمان بيشكروا فيه أوى فى القص
بس نصيحه منى ليكى كأخت انك لااااااااااااااااااااازم توضحى القصه اللى انت عايزاها بالضبط وياريت تكونى منقياها من كتالوج أو تكون معاكى صورة مثلآ عشان تكون واضحه قدامك وقدامها ..انا لما قصيت شعري آخر مرة كنت فاتحة الكاتالوج على القصه قدامى ولما خلصت بصيت فى الصورة حسيت انها مرايه من كتر ماكانت مضبوطه
وربنا يوفقك يارب


semsema_miro
جزاك الله خيرآ على الوصفات الحلوة


هييييييييييييييييييييييييييييييا
شكلى كده طولتها أوى :) ..هى كام ي يا هييييييا :39:
بصى يا ستى كنت عايزة أقول على فكرة للستاير بتاعة الشبابيك الصغيرة أو الاود النوم مثلا
ممكن تعملى نفس شكل البرقع اللى هو بالقمش العادى بس بالشيفون ..فهمانى يعنى يكون فستونات بس بالقماشه الخفيفه بيكون شكلها حلو أوى وكمان رقيقه فى الاود
وغير كده ما بتكونش مكلفه لأن سعر الشيفون أرخص من الالقماش التقيل
انتو لو كنتوا فى اسكندريه كنت اديتكو واحده بتفصل براقع بس ايه ما شاء الله على ايديها وكمان هى كانت بتشتغل فى محل كبير ومشهور للستاير هنا فى اسكندريه بس سابته واسعارها كمان حلوة قوى
وربنا يتمم لكل بنت يتجهز على خير وتتجوزوا كلكوا بسرعه بقى


miro
انتى كمان بدعيلك من قلبى ان ربنا يفك كربك يارب ويهون عليكى ويشفيلك زوجك
ونصيحتى ليكى يا حبيبتى انك تروحى تشوفى زوجك وتكونى جنبه فى بيتك وتقفى معاه فى مرضه أكيد وقتها ان شاء الله يشعر بغلطته وان ماتستهليش الا كل خير
يارب يا كريم اصلح بين أختى ميرو وزوجهها واهديها له واهديه لها وقرب بينهم على طاعتك يارب
كلمة أخيرة ماتنسيش تخلى نيتك صااااافيه لوحه الله لأنه أمرنا بأولى الناس بطاعته هو زوجك,وانك كده ان شاء الله بتكونى أحسن من الحور العين فى الجنه
ويارب يديم المحبه


باقى البنات
ام ام ام,ام حبيبه,ام يوسف,ام أحمد,نوودى,بلوند دوف,سكرة هانم,رهوما,شيرى يارب ماكونش نسيت حد
بحبكوووووووووووووووووووووووووو كلكوووووووووووووو فى الله




أم زياد

ايوة كدة يا ام باسل الله ينور عليكى مش كلة مكياج مكياج انا عايزة العنوان lovely angel يا مساء الخيرات ربنا يئومك بالسلامة يارب و يجعلها لك ساعة سهلة :)

:hahaha: سندريلا:ماشاءالله كلكو كدة هليتو مرة واحدة انتى و ام زياد والله ليكم وحشة وعلى فكرة ولا مناقرة ولا حاجة انا اعتبرتك انسحبتى ؟؟؟؟؟؟؟؟؟؟؟