الملف الخاص بأسئلة و مواضيع أحلى بنات فى مصر ( الجزء الثالث )

السلام عليكم
ازيكم كلكم وحشتونى جدا الكمبيوتر عندى كان فيه مشكله وفضلت ازن على اخويا لحد ما صلحة امبارح بس اول ما اتصلح زوجى استولى علية ويادوب لسه عارفة اقعد دلوقت
ميرو الف سلامة على زوجك ربنا يشفية ويعافية
ام باسل وحشتينى جدا واخبار الاولاد اية وايه موضوع حسن ده ؟؟الف سلامة علية ربنا يشفية لو اعرف البيت اجى ازورة على طول
ام احمد ازيك معلش مش بعرف اكلمك لان يادوب الكمبيوتر لسة متصلح سلميلى على احمد كتير
هبه ازيك ياقمر
سندريلا حمد لله على السلامة عود احمد
سماح عاملة ايه دلوقت يارب تكونى بخير
دون اما انت خدتى شوية دعا يوم الخميس ربنا يجعلة من نصيبك عملت وصفة البسبوسة وزوجى اتجنن عليها وكمان زوج اختى وخلتينى ابوظ الرجيم ليليتها والله زوجى فضل يحلف بالبسبوسة وهجرب الباقى يا عسل

:7_5_131: :7_5_131: :7_5_131: سندريلا جت جت :10_8_11:
انتى كنتى فين يا هانم ده انا هقطعك :024:
وحشتينى يا مضروبة :love: انا قلت انتى خلاص نسيتينا ومش هشوفك تانى
وبعدين بتقولى بتمرى بظروف صعبة انتى وجوزك طب مش اللى زعلان بيكلم صحابه برضه ولا احنا لازمتنا ايه وانا بالذات
مستنياكى قريب

صباح االخير يا بنات

مبرووووووووووووووووك على الجزء الثالث

تماتيا
اخيرا ظهرتى انتى كنتى مختفية فييين؟
وكمان عايزة اسالك على الوان المية الى بتحطيها على الشمع انا حاولت اخطها قبل كدة لكن مدابتش ...
انتى بتحطيها زاى؟؟



شيرى 44

كنت عايزة اسالك عن كورس الديكوباج اللى انتى بتاخدية
هو لازم لاعضاء نادى الصيد ولا عادى؟؟ يا ريت تردى عليا..

يا بنات انا حاسه اني واخده الصفحه لحسابي وقرفاكو بمشاكلي لكن انا مبحبش المثل اللي بيقول (في حزنكوا مدعيه وفي فرحكوا منسية)
الحمد لله ربنا استجاب لدعائي ودعائكم ليا والامور اتحلت بيني وبين جوزي وصفينا معظم الامور وحلف ليا ان الصور دي واحد بعتهالو على النت عشان يغلس عليه وده تهريج معروف على الشات وانه نسيهم خالص وعاتبني طبعا اني كبرت الموضوع ودخلت الاهل وسبت البيت قبل ما اساله واتيقن من الحقيقه.
يعني بقيت انا اللي غلطانه...المهم اني طبعا بروح ليه عند اهله وبطمن عليه والحمد لله هو بتحسن...
ربنا يهديه ويبعد عنا الشيطان لان الامور بتطور تطور رهيب لما الشيطان يدخل فيها وميكونش الموضوع يستاهل كل ده
الحمد لله وشكرا جزيلا لكل اللي وقفوا جنبي ودعولي والله الامور دي فرقت معايا اوي
وطبعا اخص بالشكر ام باسل ونوودي ورهومه اللي كلمتني على المبيل مخصوص وبلوند دوف ودون ومووتي وام احمد حبيبتي واحلام عصفور وتنيل ومشمش ولفلي انجل وكل البنات واللي نسيت اسمهم ميزعلوش لان احنا كتيير اوي وربنا يعينا على الخير ونقف جنب بعض دايما
لان الدعاء بظهر الغيب ده رهيييييييييب وعن تجربة
اللهم اجعلنا عبيد احسان ولا تجعلنا عبيد امتحان

ام شادن

صباح الفل يا لاروز ايه اخبار التلخيص مع البنات دة الجزء التالت قرب على الانتهاء 72 صفحة اهة؟