طريق الامل ( خبرات متبادلة حول مراكز العقم فى مصر ) الجزء السابع/يفتح جديد

ام انس
ربنا يقوم مرات اخوكى بالسلامة يارب

مسلمة

انتى عملتى المنظار فين فى مصر ولا فى الكويت ولو فى الكويت عملتيها فين؟
انا هعملها فى السلام الدولى ان شاء الله عند دكتور محمد صلاح الاشنيهى

اشتقت
الله يجازيكى كل خير والله موتينى من الضحك بالرغم من القلق اللى انا فيه

اوكسى
جميل انك فتحتى الجزء الجديد وان شاء الله وشه يكون حلو علينا جميعا
ونفرح بالاخبار الحلوة متتالية ان شاء الله

ادعولى بس ربنا يقومنى بالسلامة مش عارفة ليه قلبى مقبوض كده

نيفو انتى فين انتى ورمال
كنت عاوزة اسلم عليكو
واقول لكم ادعولى

توتا انا من رايى انك تستمرى على تفاؤلك زى ما انتى وده يبقى توكل منك على ربنا
وفى نفس الوقت لو الموضوع كله على الالف جنيه الزيادة احتسبيها لله وده برضه يبقى اخذ بالاسباب
وتحسبا لاى موقف لاقدر الله وان شاء الله يارب ربنا هيجعلك الخير والفرحة من اول مرة انتى يابنتى تعبتى فى العلاج وربنا اكيد مش هيضيع تعبك ان شاء الله


زوزو

روحى اعملى السونار عشان تطمنى لان قلقك ده مش فى صالحك هتتعبى اعصابك على الفاضى وتوتري هلاهوطا كمان ... يعنى مش كفاية اسمه هلاهوطا لا وكمان يبقى متوتر ..يعنى هلاهوطا المتوتر
احنا عاوزين واد رقيق كده واعصابه هادية ....
وان شاء الله تسمعى النبض بامر ربنا

اوشى فرفش ومرمش اخبارهم ايه لو جادعة بوسيهم لى بس بوسة مباشرة لو سمحتى يعنى مش على الهوا ولا تبوسى ايديكى وتحطيها على بطنك لا انا عاوزة بوسة بجد.....

ربنا يكرمك يا توتا من اول مرة ان شاء الله

بس انا لو مكانك هدفع الزيادة دي اولا بجملة المصاريف
ثانيا عشان لا قدر الله لو حصل اي حاجة في العملية ابقى وفرت كتير في المحاولة التانية

ثالثا لو ربنا اكرمني بالحمل مش هزعل على الفلوس دي خالص وهعتبرها صدقة او حاجة عشان ربنا يتم حملي ويقومني بالسلامة

مبروك على الملف الجديد يا بنانيت يا حلوين
وإن شاء الله نسمع أحلى خبر من أوكسي يوم الخميس بإذن الله

توتا بصي يا بنتي أنا شخصيا لما كنت رايحه أعمل العمليه سبحان الله كنت مجهزه نفسي إني هعمل عمليتين ورا بعض مباشرة بدون راحه ... ولما عرضوا عليه العرض ده فرحت قوي وكنت هدفع ثمن المحاولتين علطول ... لكن سبحان الله قلت أروح البيت وأصلي إستخاره الأول وبعد ما صليتها قلت لأ أنا لازم أسأل شيخ في الموضوع ده إذا كان حلال ولا لأ لأني هدفع ثمن حاجه ممكن منتفعش بيها
وفعلا سألت كذا شيخ هما كلهم إجتمعوا على التالي( إن ده حاجه إسمها البيع بالغرر يعني إن هو بيخليكي تدفعي ثمن حاجه في علم الغيب يا عالم هتنتفعي بيها ولالأ ولو منتفعتيش بيها بتروح عليكي فلوسك ومبتسترديهاش وده حرام شرعا ) وبعضهم قالي لكن مع ذلك في حالتك ده بتعتبر إستثناء لأنها لضروره وفيها منفعه كبيره ليكي في أمر هام من أمور الحياه .... والبعض الثاني قالي الأفضل إنك متدفعيش الزياده ده إتقاءا للشبهات وربنا هو الرزاق .
أنا بصراحه سمعت الكلام ده وأعدت أصلي إستخاره لحد ما رحتلهم المره اللي بعدها وبصراحه قلبي هداني إني أخذ بالرأي التاني إني مدفعش الزياده وأتوكل على الله وأنا ونصيبي وبصراحه قلت سبحان الله من ترك شيء لله أبدله الله خيرا منه ... وفعلا دفعت ثمن محاوله واحده وربنا الحمد لله أرادلي إنها نجحت
بس يا ستي لو تحبي تسألي إنت كمان إحتياطي ياريت وشوفي الشيوخ هيقولولك إيه وصلي إستخاره وتوكلي على الله باللي يريحك
وربنا يهديكي ويوفقك للخير إن شاء الله

بوبا أنا يا ستي عملت المنظار في مصر مش في الكويت
لكن مستشفى السلام ماشاء الله نضيفه قوي وسمعتها كويسه أنا بصراحه معرفش الدكتور اللي قلتي عليه
بس هيه المستشفى ناس كتير قوي شكرت فيها وأنا من تعاملي معاهم هما بصراحه كويسين
ربنا يوفقك يارب بطلي قلق بقى وقومي كده إعمليلك كباية عصير وروقي الدماغ ده

السلام عليكم
وحشتونيييييييي جدا جدا جدا
انا كتبت مشاركة طويله بس للاسف طارت وماقدرتش اكتب واحدة تانية :icon33::icon33::icon33:
بحبكم كلكم في الله