حملة "رتبي حياتك المادية" ومشروع رائع للجميع

قصة توفييييييييييييييييييييير لكن من نوع اخر

نرجع لقصة زوجة الملياردير مرة قالت لي عندي علب قزاز وبلاستيك كثييرة مرة مجمعتها علب مربيات واجبان وغيرها

وقالت اذا محتاجة شيء من هالعلب علميني ؟؟
قلت ليش تجمعينهم قالت والله ماطاب خاطري اكبهم اخاف احد يحتاجهن
عااد انا ضحكت في نفسي وقلت سبحان الله نفس الهواية يعني فيه امل اني اطلع مليونيرة
وقلت لا والله ماني محتاجتها .. بعد كم يوم شفتها وقالت تدرين وش سويت بالعلب ؟؟ قلت لا ؟؟

قالت : اني طلعت للسوق وشفت حرمة قاعدة تبسط بحنا وحلاة وما ادري ايش . تقول شريت منها وقلت لها ياخالة عندي علب فاضية تحتاجينهم قالت اي والله انا اوصي جيرانا العلب الزايدة يرسلونها لي ؟؟
تقول لما رجعت للبيت شلت كل العلب اللي مضيقة علي ووديتها لها وقعدت الحرمة تدعي لي وتشكرني .

وقالت لي المليونيرة : اي شيء زايد عندك ماتحتاجينه نظيفه ورتبيه واعرضيه على اقاربك واذا مااحد قبله فيه الاف الناس يبونه ؟؟

قمراا

انا متابعتك كلمة كلمة من اوووووول يوم فتحت فيه ديوانية العمار .. ما شاء الله عليك

مشكلتك كبيرة الله يعينك ... يعني زوجك بده وقفة حازمة ولازم يفهم انه الناس ما رح تفيده .. ما حدا بيسدد لك ديونك ولا بيحاول يساعدك..

انت خبريه انك دخلتي بجمعية عشان تساعديه في الديون وشوفي ردة فعله .. حاولي تكون جمعية كبيرة ومحرزة تغطي جزء كبير من الديون والله يساعدكم

غريبه ماشفت لك مشاركات هناك ؟؟
اذا على النصح نصحته بس يزعل ومايبيني اتدخل
والجمعيات هو كل سنه يدخل جمعيات جامده بس تروح في تسديد ديون بس المشكله انه يسدد الدين بالدين والي محيرني دخله ممتاز بس هالديون عيت تخلص
طيب بسألكم سؤال وياليت تجاوبون بكل صراحه :
ماقد فكرتوا ان ازواجكم ممكن ينسون او يتناسون بحكم ان طبيعة الرجل اناني هل ممكن انه في يوم لا سمح الله يتزوج او يلعب بذيله ؟؟؟




:32: ماشاء الله عليكم الله يهنيكم انا بصراحه من عشاق البر وشبة الضو حمستيني اطلع للبر
احنا غالبا نطبخ مانشوي بس هالمره بشوي باذن الله

من اروع قصص التوفيييييييييييير

سمعتها من وحدة داعية
تقول كان عندي احدى صديقاتي وهذي الصديقة مسكينة على قد حالها لدرجة اذا جاني مقاضي ارفع لها منها وارسل لها لانها محتاجة ..

تقول اضطرينا ننتقل لبلد اخر وبعد سنوات رجعت لبلدنا واتصلت على صديقتي وكنت اسمع ان حالهم تغيرت وان ربي فتح عليهم ..

اتصلت عليها وقلت لها ابسير عليك واعطتني وصف بيتها الجدييد .. وتقول ورحت على نفس الوصف وتفااجئت ان بيتها فلة كبيرة وجديدة وعلى احدث طراز .. تقول دخلت عليها وسلمت عليها وقامت بما يلزم وبعدين دارت علي بكل البيت توريني اياه وبعدين دخلتني المخزن وكان فيه ثلاجات وفريزرات فيها من كل الخيرات ولاحظت انه فيه فريزر قديم وحالته حالة متقشر ومعفط مع كل جهة فاستنكرت وجود هالقديم مع الاشياء الجديدة .. تقول وبحكم الميانة قلت لها وش سالفة هالفريزر ليش ماتطلعينه وتتصدقين فيه ؟؟
قالت لا حبيبتي هذا الفريزر هو سبب بحبوحة العيش اللي انا فيها ؟؟

قالت كيييف ؟؟؟ قالت : انا كنت مريت بحالة صعبة من الفقر لما انفرجت شوي بس مازالت حالتنا صعبة .. تقول كنت اتحسف ببقايا الاكل وبقايا الشاي والقهوة لانه جاني فترة كنت اتمناهم وماني لاقيتهم .... فايش سويت تقول حطيت داخل الفريزر كرتونين وغلفت كل كرتون بكيس نايلون وكل مابقى شي من رز حقنا ولو ملئ ملعقة حطيته بهالكرتون والكرتون الثاني للخبز وحطيت جيكات لبقايا القهوة والشاي كل مابقى شيء بسيط من القهوة والشاي صبيت بهالجيكات تقول لما تمتلي الجيكات والكراتين تقول اعرف ناس معدمييييييييين اشيل هالاشياء هذي واوديها لهم ويفرحون بها مرة

تقول استمريت سنين وسبحان الله كل مازاد حرصي على بقايا النعمة زادني ربي من نعمه لما تحسنت حالتي وفتحها ربي بوجيهنا وصرنا بالحال اللي تشوفينه هالحين

يلا ياحلى حوائيات ابشوف تعليقاتكم على القصص اللي قلتها لكم

ودي اجاوبك بس كذا بنخرج من موضوعنا ....

انا فاقدة ريانة وينها .. يارب تكون بخييير