انواااااااااااع الفشيله

مره اخوي الصغير دش غرفة امي وطلع الفوط الصحية اللي فيها الاجنحة من كبتها ولزقها في خشبة السرير ( حذال بعض وبشكل ماااايل )
شوي نسمعه ينادي ( اماااااايه تعالي بنت بوظبي تعالي << اللي هي انا : ) تعااااالوا كلكم )
دشينا الغرفة ولا الحبيب يالس ع الارض ومستاااانس ويأشر ع الفوط
شوفوا الطيااااااارات

هاذي بنت اختي اللة يصلحها مرة مشاغبة, مرة ابوها كان عازم الشباب في بيتة وهم جالسيين الا تدخل عليهم بنت اختي مدرعمة وجت عند واحد من الشباب الجالسين وحطت شي حواليين رقبتة ايش تعتقدون حطت علي المسييكيين..................ستيانة امها

أهلين:
تذكرت لكن هالموقف مع أخوي ليلة زواجي ، و كان في ثالث ، بعد ما لبسني حلالي ، الكل طلع و خلونا لحالنا بس أخوي عي يطلع ، و أمي تسحب فيه و هو مهوب راضي و يصيح ،، قال حلالي مجاملا: خليه خالتي يجلس شوي ،، عاد انا انبسطت لان ما راح أجلس لحالي ، و فعلا أخوي ما ققصر كل ما بغى حلالي يلتفت و يسولف معي الا هو فتح له سالفة و أخرتها قام و جلس بيننا عاد حلالي أرتفع ضغطه و يقول له: فلان أرجع مكانك ، و أخوي معند و يقول: لالا هنا أحسن ، و انا مستانسة و لاحظ حلالي هالشيء فبغى يحرني و جلس يسولف مع أخوي بالالغاز كأن فيه شيء مخبينه ما يبغون أدري عنها ، و أخوي يقول له: لالالا تكفى لا تقول لها ترى بتضربني ،، عاد انا ولعت عيوني فيها ضرب اجل شيء كايد ، و أخوي هذا عليه ذبات تهبل و تبيض الوجه صدق ، و لما وصلت معي قلت: وش صاير؟؟ قال لالا لا تقول في صلاة أمك و أبوك... حلالي جلس يضحك ، عاد انا ما تحملت فقلت: فلان حبيبي ( أخوي طبعا ) قم أطلع برى ، قال مابي ، قلت: فلان بتطلع و الي أنادي لك فلانة ( أختي الي بعدي، يخاف منها ) قال: أووه خلاص بطلع ، بس و الله ما تستحين بتجلسين مع رجل غريب لحالك ،، حلالي كان يضحك و يوماسمع جملته الاخيرة أنكتم و قال: فلان انا زوجها مهوب رجل غريب ،، قال: ايه زوجها بس مهوب الحين بكرة ،، عاد زوجي أبتسم أبتسامة خبيثة و قال: و انت وش دراك بهالسوالف ؟؟ قال أخوي أدري تحسبني ما أدري؟؟؟ أخوي على نياته و حلالي حركاته نص كم ، انا عاد وصلت معي وقلت: خلاص فلان بنادي فلانة ،، هو على طول طلع ،، التفت على حلالي و قال: يا قوية ، كان من زمان... و انا ودي أضربه بهالمسكة الي معي على راسه ، يا كثر الي كان ودي أضربهم بهالمسكة ذيك الليلة ، تصدقون انها الى الان عندي لها أكثر من عشر سنين ،، بس تهبل ولها ذكريات...

المهم ما قلت لكم وش السالفة الي كانت بينهم ،، هذا عاد ما عرفتها الي بعد كم شهر و بالصدفة ، مرة كان حلالي معزوم الى العشاء برى ، فقال لي قبل مايطلع تبغين شيء لانه ما كان عندنا تلفون ،، قلت سلامتك ، قال وش بتأكلين؟؟ قلت بسوي لي حليب يكفي ، ضحك و قال: أدري تحبين الحليب ، أستغربت لت: وش دراك؟؟ ما أذكر اني قلت لك ،، قال: دريت ،، و أنشب في حلقه الى ان قال: أخوك فلان من يوم دخلت صالة الرجال وهو يوصيني عليك و يقول ترى زوجتك فلانة تحب الحليب موت ، و دايما تخلص حليبنا ،، ( شوفوا الكذب ، صحيح اني أحب الحليب و أشربه يوميا بس ما أخلصه) عاد انا طاح وجهي لا ، و يقول لي أن زوج أخته كان جنبه فضحك و قال: الله يعين ياسعد أجل بتخلصون الحليب عنا....

و لما رحت زيارة لاهلي بعد كذا ، على طول أمسكه و أضربه ( هاه ترى أختي فلانة تحب الحليب ،، وانت من طلب رأيك ) وما فكه مني الا بعد ما حلفت أمي علي...

و هو الحين في الثانوية و كل ما ذكرته ضحك و قال: ايه و الله ما كذبت ، انتي مهوب تحبين الحليب ليش معصبة ؟؟؟ و كأن يخش أخوي الكبير عرض و يقول: أصلا من كثر ما تمصين في هالحليب طلعتي بيضاء شافطه كل حليبنا ،، ( لا حول و لا قوة الا بالله ،، حاطين عيونهم على هالحليب الي أشربه بسم الله علي بغوا يكرهوني فيه ،، بس ما علي منهم حلالي ما يقصر حتى في نفاس كان شاري لي كرتون حليب نيدو و مرسله مع المقاضي حقت النفاس ،، يحليله بس تصدقون شكلهم عطوني عين صرت ما أشرب كثير ،،يويلهم مني )

و سلامتكم ،،،

ياحليلكم ياهاالبنات ماازين دلكن وسوالفكن اللي تفطس من الضحك

اما سالفة طخومه شي المره تبيها نصبه جت غصبه

وسالفة الحنين الى الوطن فششششششله لوها بنتي مصعت رقبتها

واخو عيون سعد ها الملقوف وياكثر ها الاشكال عندنا الله يهديهم