شاركي في النقاش

سجلي الدخول لإضافة تعليق.

التعليقات

110
  1. @taatyr_alanam

    انا ابي اقول راي في الموضوع وادري انكم بتقولون اني علمانية او اني ابي اسوق لهدف سيء مو مشكلة ربي ادرى بنيتي وباللي اقصده
    حنا ليش دايم كل ما جا موضوع ناخذه في رؤية يا ابيض يا اسود ما يصير يا جماعة الخير كل شي في هالحياة له سلبيات وايجابيات

    خلونا ننتناقش في الوضع الحالي للحرمة في السعودية هي صدق ما تسوق بس مو معناها انها انها ما تسوي كل اللي تبغاه يعني الحرمة اللي تبي تسوق علشان تقضي امورها وتدير حاجاتها بروحها من غير ما تستعين بسواق هادا حقها
    والحرمة الصايعة اللي تروح تسهر ما ترد الا مع الصبح وتلف من سوق لسوق السواق مو مانعها وما كثر الله السواقين وراعيين الليموزينات وهم يعلمونكم عن المصايب اللي يشوفونها بعينهم يعني السواقة ما هي بمغيرة شي اللي يبي تسوي الزين او الشين مسويته ومو رادها لا سواق ولا سيارتها
    كل الدول المتقدمة لمن تبي تنزل قرار يخص الشعب تسوي استبيان وتشوف ايش راي الناس في القضية المطروحة وطبعا يحترمون الراي سواء كان مع او ضد
    ويسوون دراسات على شريحة كبيرة من الناس المختلفة والمتفاوتة بالطبقات والمعتقدات
    قبل لا حد يقول رايه لازم يسمع ويستوعب راي غيره واختلاف الراي لا يفسد للود قضية
    يسوون دراسات مع اللي سبقوهم بالفكرة ويقارنون الايجابيات والسلبيات
    انا مو ضد سياقة الحرمة للسيارة بس لازم تتسوى دراسة شاملة
    اول الدراسات هي حصر المشاكل اللي كان سببها السواقين
    عمل بحث كامل مع سواقين الليموزينات وخصوصا العرب والسعودين (يا انتم بتسمعون اخبار وعلوم تفك الراس)
    عمل احصائية للأزواج اللي يشتغلون نظام الشفتات او اللي يرابطون
    انا طبعا الافكار كلها ما تحضرني بس اني اعطي فكرة عن اللي المفروض انه يصير
    بعدين في شي ضرووووري ولازم ناخذه بعين الاعتبار وهو احترام راي كل شخص يعني مو علشان اللي ما يبون الحرمة تسوق يمشون كلمتهم على خلق الله
    انا زوجي دايم يقول متى يسمحون للحرمة تسوق ونفتك
    مو علشان زوجي علماني ولا علشانه كسول واتكالي بس عنده ظروف صحية تمنعه من انه يقوم بمطالبة الاولاد والمدارس والبيت ولا عندنا امكانية نجيب سواق علشان حنا ساكنين بشقة والسواق ما له مكان واللي يقولون ان الحرمة تبي تكشخ وتسوق السيارات الكشخة فهي بالحالتين متكشخة لان اكثر الحريم السعوديات والمقتدرات لهن سيارات باسمهن وافتحوا ملفات المرور وشوفو ومسوية توكيل حق سواقها ومسوية السندباد الطائر بين دول الخليج ويا سواقها الاجنبي بالنسبة لي ابتشارك مع زوجي في سيارتنا المتواضعة وانا لابسةعباتيونقابي ولا علي من احد
    لو انتم تخافون من ان الشباب يعاكسون البنات علشان لوحدهم في السيارة ترى الموضوع ما تغير علشان السايق الهندي عبد المأمور وكل شي يصير قدامه وما حد سوا له حساب وهو لا من شاف ولا من دري
    ولو تفكرون شوية ترى انا بنظري ان الجوالات هي اخطر من السواقة وبلاويها اكبر غريبة ما حرمتوها ولا استشهدتم باية او بحديث
    يا ناس ودنا نحس اننا بشر ولنا حريتنا في اختيار اللي نبيه طالعوا الدول العربية اللي حولكم تراهم مسلمين زينا ومنهم من ماسك دينه اكثر من عندنا
    انا لو بقلكم طالعوا لبنان كمثال اكيد بتقولون ووووووووع ما جابت غبر لبنان كمثال بزعمكم ان كل اللبنانيين واللبنايات مثل اللي تطالعونهم على الشاشة
    انا بعيني شفت لبنانيات حجاب شرعي ومنهن منقبات ويسوقون بكل احترام مصر برضه كدة سوريا ودول الخليج كلها الا حنا نقبل بكل شي بالدس ونرفض اقل شي بالعلن
    انا ودي اعرف شي واحد ليش كل حاجة عندنا تستخدم اسوأ استخدام دايم رافضون لكل شي ودايم ما نشوف الصح الا عندنا ودايم نعدد عيوب غيرنا ونغض النظر عن عيوبنا دايم حنا المنتقدون ولا ننتقد ( ويا ويله اللي ينتقدنا)
    المشكلة مع الوقت قاعدين اللي ننتقدهم يصلحون من انفسهم وحنا للاسف بلاوينا تكثر

    بس ما اقول الا

    ااااااااااااااااااااااااه يا امة ضحكت من جهلها الأمم

    ومنكم السموحة
  2. @trath_aaryk

    *ضاويه*
    ....................
    بصراحه في مشاركتي الاولى لم استعرض كل الردود وعند تصفح البعض فيما بعد اقول فقط البعض ,
    قرات مشاركة الاخت الكريمة افكار من الكويت التي تقول بما معناه دوقي طعم السيارة وحلاوتها وبعدين اعترضي
    للاسف اختي افكار, المجتمع السعودي ليس كاي مجتمع آخر , هو مجتمع جدا محافظ حتى وان كان فيه الكثيرمن المتمردين على دلك , سيظل دائما وبادنه تعالى مجتمع محافظ ومرجعا لكل المسلمين
    لا تقولي لي هده انانية من قبلك ,لا والله هده غيرة على بلد احبه واحترمه , بلد فيه الكثير الكثيرمن الشرفاء الدين لن يرضوا بالانسلاخ عن عقائدهم تحت مفهوم الحرية
    مجتمع بافراده ومند الازل اتخد مواقف معينة وجدا مشرفة تجاه الكثير من الامور بتطبيق اسلامي مثلا الغطاء الاسلامي - اغلاق المحلات التجارية اثناء اوقات الصلاة - القيادة النسائية عدم الختلاط - وما الى دلك
    اعلم لا تقولي ان هناك الكثير من المجبورين - هدا دين يطبق على مستوي الدولة التي وللاسف الشديد تمر هي والمنطقة باكملها تحت ضغوط اجنية تحت عنوان مكافحة الارهاب
    انت وانا وكل من قال انا مسلم بوعي وليس بمجرد قول والسلام , ايضا نجبر المسئولين منا بالمحافظة على الصلاة وعلى اللبس المحتشم والمعاملة والكلمة الحسنة و و و

    عزيزتي افكار, لا مجال للمقارنة
    في الكويت المبدا قديم ومعتاد عليه وسؤال غير مطروح
    لانهم بداوا بحرق العباءة في مجتمع غير صارم اصلا , اي معتدل ان صح التعبير
    وكان من السهل تقبل الكثير من هده الامور
    ومع دلك لا يخلوا من المشاكل
    انظري الى شبابنا في شارع الخليج قرب المجمعات التجارية
    انت لم تتعرضي لشئ يدكر لكن غيرك تعرض
    فما بالك عن ردود الفعل في بلد له هيبته الدينية وتمسكه
    لا تتهاونوا في الامر الى هدة الدرجة

    لا تقولى جربي وبعدين اتفلسفي
    حالي من حالك
    لكن القيادة ليست كل شئ وليست اهم شئ
    خصوصا في مجتمع تعود على هده الفكرة بوجود بدائل اخرى, حتى وان كانت غير مثمرة في احيان كثيرة كرفض الابناء وما الى دلك لكن الحياة لا تتوقف هنا
    ولا تدعي اختي الكريمة ان التنقل دائما سهل في البيوت الكويتية
    فلدينا الكثير ايضا من البنات و الاولاد الدين يتحججون بعدم استطاعتهم اصطحاب اهلهم لاسباب عدة

    واعيدها للمرة ال ....القضية اكبر من كدا بكثير

    للاسف نحن شعب لا نرى ابعد من انوفنا
  3. @shhd_2_1

    بسم الله الرحمن الرحيم ...

    والله ما أظن بعد كلام الشيخ صالح الفوزان كلااام ..
    بارك الله فيه ..
    ردّ عليه بألسنتنا جميعا ..

    \\\\/////\\\\\////\\\\\////

    و والله الشرّ موجود .. بسواقة المرأه أو عدمها ..
    لكنها مع سواقة المرأه .. أكثر .. وأسهل ..
    وأيسر ..
    واللي سمحوا للمرأه بالسواقه في بلادهم .. ذاقوا تبعات هالأمر ..
    ولم تنثني الفتن تفت في عضد دولتهم .. ..
    وجيراننا ..
    مثال .. ما زال يذوق الويلات .. وإن كان بعضهم لا يعتبرها مصائب وويلات .. .. وهذا بحدّ ذاته بلاء ..
    لماذا نوقع أنفسنا في أمر .. نعلم عواقبهم ..

    واللبيب من أعتــــــــــــبر بغيره .. والشقي من لا يعتبر إلا بنفسه ..ولا يفهم حتى يدقّ رأسه بالأرض .. ويقع على عاتقه .. نواتج ما اقترف !!


    \\\\/////\\\\\////\\\\\////


    تنويه :

    (( أحسّ إثارة موضوع يكثر فيه الجدل مثل هذا الموضوع - أقصد سواقة المرأه للسياره - .. وبهذا الوقت .. وفي مجتمع مثل مجتمعنا السعودي
    مقــــــــــــــــــــــصود .. لا محاله .. ومخطط له .. من قبل أطراف لا يخفى على عاقل فرحها بانشغال الرأي العام بمثل هذا ... وإلا أيش رأيكم ..
    ))




    وقفوا شوي ...

    إبداع متواصل ..
    ومواضيع متميزه ..
    وفكر راجح ..
    وتحليل منطقي ..
    كثّر المنان في شباب المسلمين أمثالك ...


    أخيتكم
    شهد

تابعي تجارب أخرى من هذا القسم.