للمخطوبات والمتزوجات وممكن خبرة للبنوتات

يا حبي لكم من جد الموضوع فله انا ما عندي اي مشاركه بس حبيت اشارك بالضحك
انا متزوجه وقعدت 7 شهور متزوجه بس ما صار مواقف مره محرجه ما يخلى الامر من بوسات على السريع بس مو شي مره....................
بنات تكلموا مصري احلى والله انه اعطى الموضوع تميز واللي ما يفهم انا اتولى الترجمه مو مشكله بس الموضوع بقى لزيز اوي

يااااااااااااااااااااااااااااه
رجعتونا لأيام الكسوف والمواقف اللى تخللى الواحة تموت فى جلدها

أنا أتخطبت أسبوع وبعد كده عقد القران على طول وأنا خجولة جداجدا جدا جدا ودلوقت خجولة جدا بس
وزوجى جرىء ومتكلم وكان مستنى عقد القران ده من زمان
أول مرة جه يزورنى بعد كتب الكتاب قعدنا فى الصالون وأول مرة يتقفل علينا باب

ومابقتش عارفة أعمل أيه لزق جنبى أحوش أيديه ولا أبعد وجهه ولا أعمل أيه
وأختكم فتحت فى العياط:icon33: وهو بقى مذهول ومش عارف يسكتنى أزاى

وأنا أبدا من الخضة باترعش وباعيط وهو يقولى خلاص حقك عليا أسف مش هاعمل كده عمرى أبدا (طلع كداااااااااااااااب:06:) وقعد يشربنى الليمون لحد ما هديت

وبعدين أخدت عليه و....................كله تمام

يارب عقبال كل البنات ما يفرحوا ويتهنوا

لأ يا la rosa
أنا فعلا ماكنتش فاهمه حاجه في الأول وده عشان كنت وخداه كأنه أخ و بس،،فكان الموضوع ده بعيد عن ذهني تماما :confused:
princesscarina :laughing: حكايتك مضحكه أوي،،كويس إن جوزك صبر معاكي،،
la rosa ما تحكلنا بقى حكايتك إنتي،، :wink:

احم احم ليه يا جماعة الاحراج ده
طيب يا مخلصة انا بصراحه اللى كنت سايقة الهبل قوى وعاملة نفسى مش فاهمة حاجه لغاية ما حضرته قال البنت دى مفيش فايده فيها عاملة غبية طب انا هزنقها واقولها على بلاطة ولما نشوف هتهرب ازاى
وقال يختى وقال وانا بلمت والحمد لله كان فى التليفون اصله مسافر مش هنا ورفضت وقلتله مينفعش وحاول كذا مرة وانا على نغمة وحده مخدوش يابابا مخدوش يابابا قال خلاص مبدهاش راح نازل مصر مخصوص عشان يشوف ايه حكايتى بس يا بنتى وهى النزلة دماغى اتزبطت بعدها ودلوقتى هو دنيتى كلها ومقدرش اتخيل يوم من غير ما اكلمه

على فكرة يا مخلصة البنات المصريات متجمعين على صفحة فى قسم ساعدونى ادخلى واتفرجى على مشاركاتنا
وادى اللينك
http://forum.hawaaworld.com/showthread.php?t=316968

لاروز اقتراحك حلو اوي

تسلمي عليه



بصي بقا

هو كان زميل زمايلي بس ما عرفتوش غير في سنة رابعة في الكلية
عرفته بعدها بكام يوم لاحظت اهتمامه لمح لي من بعيد اوي اوي عملت عبيطة

اصله خجول اوي اوي اوي ومؤدب اوي

قلت يا انا يا هو هخليه ينطقها يعني هو اللي هينطقها
بقيت اخليه يغير واكلم اصحابي الشباب التانين واهزر معاهم وهو مش اوي واركنه

زهق قال ما فيش فايدة بقا لازم اقول لها عشان تخف من اللي بتعمله وعشان مش تيجي وتقعد جنبي ولا كانها تعرفني وكل كلامها مع الباقيين

وهو كان بيبقا نار وانا بكلمهم ويفضل يتخانق معايا علي اي سبب تاني تافه ومش لاقي حاجة يقولها


اخر ما زهق قالها وركبي خبطت في بعضها
بس احلي كلمة بحبك في الدنيا هي اول كلمة تسمعيها

بتكون كلها رقة وبراءة واحاسيس جميلة اوي اوي
عمري ما هنسا اول مرة قالها لي

بس وارتبطنا سنة وواتخطبنا ويارب ربنا يسهلها لنا ونتجوز قريب يارب

بس يمووووووووت فيه