انا عندي اقتراح كبيييييييييييييييييييييير
وعايزة رايكم عشان لو وافقتو هكون اول المنفذين
الهدف
فائدة لكل من يدخل الى هذا التجمع
الاقتراح
نكتب في الصفحة الاولى للتجمع عن قصة كل واحدة في التجمعات كلها
نبدأ باللي حملوا الحمد لله
ونكتب خبراتهم كخطوط عريضة
بحيث لو حد مش عارف عنا حاجة مش يتوه في البحث عن قصتنا
عشان يقدروا يتعلموا من اخطائنا ويوصلوا للحلول السريعة لحل مشاكلهم
مثلا انا كان مشكلتي التحليل اللي مش صح
ولما حللت صح بانت المشكلة
وكمان الدكتور اللي اتعاملت معاه كان لازم اختار صح من الاول ومش الف على دكاترة كتير
وانا اقصد من الاقتراح ده ان الناس زي ما بيدخلوا على اول صفحة يشوفو اسماء المراكز والدكاترة وعناوينهم
يشوفو كمان خبراتنا والقصص الناجحة اللي معانا
وازاي مشيو في طريق صح لحد ما نجحو وربنا يسرلهم الحمل
وكمان دافع لينا للي مش ربنا رزقها انها تامل خير لما تقرا القصص دي
ونخلي اوكس تكتب القصص دي تحت اسماء الدكاترة والمراكز
كل واحدة فينا تبعتلها ملخص اللي عملته وخبرتها وايه الاخطاء اللي صلحتها
وكمان نشوف الناس اللي كانو في التجمعات الاولى اللي انا نفسي مش عارفاها
ونحكي قصتهم
وتكون فاتحة خير لينا جميعا
وبيها كمان مننساش بعض
وندعي لبعض دايما اننا نكون في احسن صحة ويكون ربنا راضي عننا جميعا يا رب بحبنا لبعض في الله ورغبتنا في التجمع على حبه ورضاه ان شاء الله
طريق الامل ( خبرات متبادلة حول مراكز العقم فى مصر ) الجزء السابع/يفتح جديد
متابعة النقاش، صفحة 19