ماهو الموقف النبيل الذي قام به زوجك وترك اثر بليغ في نفسك

الحمدلله مواقف كتيرة...ولما بزعل منو اتزكر طيبتو معايا اقوم ارجع وماازعل...
بس احسن موقف انو يوم ولادتي وقف معايا وقفة ماراح انساها للابد...
والله يخلي ليا ولايحرمني منو يارب..

للرفع

مواقف زوجي كثيرة جداً جداً
بالأمكان القول ان حياتي معاه كلها نبل و عطاء ماشاء الله لا قوة إلا بالله .
اخر مواقفه معاي كان في ولادتي بأبني كان واقف معاي على رجله 12 ساعه طول ما اننا بغرفه العمليات و انا اطلق كنت انام و اصحى من التعب و القاه واقف جنبي اقول له اجلس يقول بعد شوي و ارجع انام و اصحى هو على حاله بس جته اوقات تعب و نام بس من اناديه القاه جنبي كان يوديني الحمام و يرجعني الغرفه يمكن كل 10 دقايق اقول له وديني بس ماتعب و ما مل
أذكر كنت من التعب اقول له بمووووووووت و كان يتغير لونه و يتنهد و يضمني و يقول لي لا تتعبيني ولا تقولي كذا مره ثانيه
وطول فترة نفاسي و هو شايلني على كفوف الراحه , حتى الحين انا ما ارضع ابني إلا من صدري على شان كذا كل ساعتين اصحى بالليل ارضعه و ارجع انام و زوجي يلح علي يقول لي اشفطي على شان انا اعطيه الرضاعه و انتِ يا حرام نامي لك لو 6 ساعات متواصله
حتى الحفاظ ماشاء الله يغيره له مع انه قال لي قبل الولادة مستعد اسوي للولد كلللل شئ إلا الحفاظة هههههه

بذكر موقف قديم لزوجي ما انساه له طول عمري
في خطوبتنا دخل مع ابوي في الأسهم الفلوس فلوس ابوي و هو بس يبيع و يشتري و اتفقوا على نسبه معينه لزوجي
و كانت ايام طفرة الأسهم قبل 3 سنين تقريباً و وصل زوجي ربح ابوي الى اكثر من ضعف المبلغ الأساسي بس للأسف طاحت الأسهم اول طييحه كبيره لها و لكن ظل ابوي ربحان 300ألف ريال تقريباً و كان المفترض لزوجي منها ربح , بس ابوي تخيلوا ما عطاه حقه
هو حتى ما كلم ابوي عنها انتظرها تجي منه بس ما جت هو كلم اخوي بشكل غير مباشر و اخوي فهم وقال له حقك يوصلك و طبعاً الى اليوم ما وصله ريال واحد .. و ماشاء الله عليه ما عمره عايرني و لاجاب لي طاري بالعكس سكر على الموضوع و ما كلم احد فيه حتى ابوه كان يسأله فلان عطاك فلوسك و كان يلف الموضوع و ما كان يقول له ما عطاني طبعاً كل هذا على شان يحفظ ماء وجهي قدام ابوه .

الله لا يغير حال زوجي قولوا امين , و ان شاء الله من حسن إلى أحسن .