شاركي في النقاش

سجلي الدخول لإضافة تعليق.

التعليقات

1,551
  1. @am_ayad_2009

    بنات انا جيبت نتيجة التحاليل النهاردة وحاسة انها ملخبطة شوية
    بصو انا حاقولكو النتيجة وانتو تقولو رايكو
    LH 11
    FSH 9
    والبرولاكتين 34.5
    عارفين انا فرحانه ان في لخبطة في الهرمونات عشان اقدر اعرف انا حتعالج ازاي بدل ما انا كنت حامشي في سكة غلط
    بس انا عايزة اعرف مش المفروض لما البرولاكتين بيكون عالى االمفروض يكون في اعراض لكدة
    انا معنديش اي الم في الصدر غير قبل الدورة ومش كل شهر وكمان صدري مابنزل اي افرازات
    انا خايفة النتيجة تكون مش مظبوطة اوي بس انا عملتها في معمل المتختبر
    ياريت اللي عندها اي خبرة تقولي
  2. يابنات انا رحت للدكتور النهاردة وكشف عليا بالسونار وقالى الحمد لله كل شئ تمام وخلصت وسالته على السفر وقالى سافرى وقبل ما اخرج بقولهه ربط عنق الرحم مهم لاقيته بيقول اه نعمله نعمله مش عارفة ليه حسيت ان الموضوع تجارى لو كان قالى وقت السونار كنت قلت انا محتاجاه لاكن ده بعد ما انا سالته لاقيته بيقولى نعمله وماكانش هيجيب سيرته خالص
    انا مش عارفة اعمل ايه ؟؟؟
    انا هصلى صلاة استخارة وربنا يقدم اللى فيه الخير

    ربنا يهون يابنات والف حمد والف شكر لله الحمد لله انا حاسة بدخل دوامة
    ربنا يعديها على خير ياااااااااااااااااااااارب

    وربنا يكرمكم ان شاء الله
  3. @hya_nnshr_alkhyr

    Neevooo
    اولا خليني اقولك اهلا وسهلا بيكي معانا اخت غالية علينا بنات مصر زادوا قمرة يا رجاااااالة تحيا جمهورية مصر العالمية ثانيا توقيعك تحفة بجد يجنن عاجبني جدا جدا جدا ثالثا يلا يا قمر قدميلنا اوراق اعتمادك و اكتبيلنا السي في بتاعك بس كدة كدة ع…
    أشكرك على ترحيبك بيا يا نيفو ... واتفضلى التوقيع والله مش يغلا عليكى
    أما بقى السى فى بتاعى بإختصار ...
    عندى 30 ( مش 30 عيل .. لأ 30 سنة )
    وعندى طفل واحد ربنا يحفظه ويبارك لى فيه (عملت منظار بطن قبل ما أحمل فيه لأنى كنت متأخرة فى الحمل برضه )
    مشكلتى دلوقتى كانت ضعف تبويض والحمد لله بقى كويس .. ولكن لم يحدث حمل حتى الأن
    ولذلك سأقوم بعمل أشعة الصبغة هذا الشهر بإذن الله ( خلينا نشوف ايه اللى بيحصل جوه بالظبط )
    وعلى ضوء النتيجة بتاعة الأشعة هعرف ايه الخطوة الجايه ان شاء الله
    وربنا يريح بالنا جميعا يااارب
  4. muslima627
    إزيكم يا بنانيت عاملين إيه معلش مش عارفه أطمنكم عليه أنا يوم الخميس الساعه إتنين بالليل جالي طلق جامد ونزل عليه سوائل غريبه رحت رايحه المستشفى جري ودخلت الطوارىء هناك عملولي اللازم كله وقالوليلي إن ده طلق كاذب والسوائل ده بسبب الربط مش …
    يا خبر يا حبيبتى الف سلامة عليكى .. معلش اتحملى شويه لحد بكرة وان شاء الله تحددى معاد العمليه وتخلصى بقه من الوجع ده انا مجربة قبلك يا قلبى .. بس انا برده هقوللك حاجه .. ان الطلق الكاذب ده مش ممكن يكون فى شدة الطلق الطبيعى .. لانه لو كان فى شدتو كان زمانك على اخرك دلوقتى ومكنتيش هتبقى ساكته وكان زمان البيبى لا قدر الله تعب منك لان البيبى بيتعب من الطلق اكيد ومن انقباض الرحم وانبساطة .. مش ممكن يكون طلق طبيعى ابدا هو اكيد وجع متعب بس مش طلق .. اطمئنى وما تقلقيش وريحى نفسك ارجوكى على الاخر واجرى بكرة على الدكتور يا قلبى
    ربنا يطمننا عليكى يا مسلمة يارب وتقومى بألف سلامة

تابعي تجارب أخرى من هذا القسم.