شاركي في النقاش

سجلي الدخول لإضافة تعليق.

التعليقات

33
  1. صاحبة الموضوع
    همسات الغسق
    اختي .. البنات كفوا ووفوا وانا رأي من رأي الأخوات اللي نصحوكي بعدم الاتصال به لحين هو يتصل ولما يتصل لا تردين انت يعني خليه يتصل كم مرة قبل لا يسمع صوتك ولما تتكلمين معاه كوني باردة في حديثك يعني جاوبي على قد السؤال ولا تفتحي معه أي موضوع…
    يعطيج العافيه قلبي على النصايح الحلوه و الافكار الاحلى ..
    ز مثل ماقلتي الطيبه احيانا ماتنفع بهالزمن يعني الانسان لازم يكون شوي حازم في بعض الامور و مايترك طيبته تخرب عليه .. بس الحمدالله الله يعطي الانسان دايما على قد نيته .. و لا تحاتين صار كل خير .. و راح اقولكم النتايج اللي طلعت معاي بعد ما طبقت كلامكم اللي كان عسل على قلبي .. بس ارد على البنات و راح اقول اللي صار .. شاكره اهتمامج حبيبتي و الله لا يوريج نفس هالموقف يارب انتي و الجميع و شااااااااكره دعائج اللي يريح البال :)
  2. صاحبة الموضوع
    شيبس ليز
    اختي cherry84 ترا والله ان قلبي معاك وقعدت نص ساعه ادور الموضوع (ناسيه اسمه)لين لقيته عشان اشوف وش اخبارك تراني حاسه فيك وصار لي نفس اللي صار لك انا ما اقولك سوي حرب والا كان بديتها مع ابو الشباب قبلك بس انا اقولك انتي توك على البر يعني م…
    يا بعد عمري والله صج صج ماقصرتي حياتي يكفيني اهتمامك والله و نصايحك اللي جد اعتبرها من اخت عزيزه و غاليه و تحب لي الخير ..

    اسفه اني طولت بالرد عليج بس والله ظروف منعتني و انشالله بقولكم اللي صار بعد ما اخلص من الرد على خواتي اللي عطوني نصايحهم الثمينه ..

    و الله يوفقج مع زوجج و يسخره لج دايما و مايغيره عليج ..
  3. صاحبة الموضوع
    أفراح
    ماشاء الله الاخوات ما قصروا لكن احب اذكرك بنقطة مهمة وهي انه اعترف لك بعلاقته القديمة انتبهي اختي الرجل اذا ذكر لك اسراره وبعدين بدأتي تنكدي عليه بيندم وبيقول خلااااص توبه اقول لها اي اسرار او حتى شئ تافه يعني ارجوا ان تفهمي انه مادام انه…
    صاجه حبيبتي مثل ماقلتي دام هو اعترفلي معنى هالشي انه مافي نيه لهالبنت .. لكن تدرين بما انها قريبته يعني راح تشوفه و يشوفها في اوقات و مناسبات معينه و هالشي اللي يخلي الغيره تشتعل بقلبي .. لكن الله يصبرني انشالله و بحاول اني اذكر نفسي بكلامكم الحلو و ابعد الغيره عني لانه حرام اخرب كل شي بسبب الغيره و الشك لانه الصراحه احس انه صار مرض فيني :( و صرت اغار على الفاضي و المليان ..

    بس الله كريم .. مشكوره يا قلبي الله يوفقج انتي يعد:)
  4. صاحبة الموضوع
    فيني نوم
    صدقيني الرجال ماينعطووووووون وجه طنشيه شوووي خليه يحس انك مو ميته عليه لانهم عندهم ثقه بنفسهم خياليه ومتأكدين انك بترجعين من نفسك هم عندهم كلمه دايم يددونها اللي تزعل من نفسها تراضي نفسها لانهم مايشووفون نفسهم غلطانين ابد بس لو مااتصل…
    كل اللي قلتيه صح .. الشاب دايما مايشوف نفسه غلطان لو مهما كان غلطه كبير و هالشي متعب جداااااااااا ..
    و مثل ما قلتي و نصحتيني اني ما اغلط عليه .. انا فعلا الحمدالله عمري ما غلطت عليه حتى لما يفقد اعصابه و يجرح بالكلام انا ما اغلط عليه و هالشي مخليني كبيره بعينه .. لكن المره الاخيره الصراحه وصلت قمت صبري في التحمل و بعدها انفجرت عشان جذي سكرت الخط معاه و قلتله شوف منو اللي راح يسمعك صوته بعد اليوم .. يمكن اكون غلطت انه سكرت بدون لا القى منه جواب او بدون لا اودعه و اسمع رده لكن ما تعتبر غلطه قويه بحقه و انما ردت فعل عاديه و طبيعيه بالنسبه لوحده تحملت وايد واهي ساكته ..
    وبالنسبه للبجي .. اهو مايحبني ابجي و دايما لو بجيت من شي يضايقني او اي سبب كان يقولي روحي شربي ماي و غسلي ويهج يعني يهتم .. بس لمه يكون غلطان و مايبي يحسسني انه دموعي اثرت عليه يفهمني انه مو مهتم و يسوي الغلط علي و يكون قاسي لكن لمه يحس بالغلط اكيد يرجع يراضيني .. و راح اقول شنو صار معاي لا تحاتين :) و مشكوره حياتي على اهتمامج
  5. صاحبة الموضوع
    لكل اللي كانو يحاتوني .. بقولكم اللي صار معاي ..

    نفس اليوم اللي كتبت الموضوع بالليل دزلي مسج و انا مارديت عليه و من هالشي استنتجت انه خجلان من تصرفه معاي و يبي يرد العلاقه و يقيس نبضي و يشوف انا فعلا ما ابيه او مجرد كلام نتج مني من العصبيه ..
    المهم ما رديت عليه و تم يطرش مسج ورا مسج و كل واحد يعور القلب اكثر من الثاني كانو مسجات ترجي و بعضهم فيهم وعود و بعضهم انه يشرح حالته بدوني و بعضهم فيهم ندم يعني مسجات متنوعه و حسسني انه عارف غلطه بس بشكل غير مباشر ..
    انا مارديت على كل هالمسجات بس عن جد بجيت وايد و تأثرت من الكلام اللي في المسجات لكن تذكرت كلامكم و صمدت .. لمه مل و ماشاف رد مني بدى الخطوه الثانيه و قام يتصل فيني و انا حاسبه حساب لهالشي و كنت مضبطه جهازي انه يتحول على البريد الصوتي لو ما رديت على المكالمه لمدة 10 ثواني .. و حطيت البريد الصوتي مقطع من اغنية راشد الماجد نسيناكم .. بقولكم المقطع عشان تعيشون الوضع صح "عانيت ياما لجل ارضي خواطرهم و داريت همي و كنت اشقى واريحهم .. صبرت وصرت انا وقلبي ندور من يصبرنا حسافه ما تفاهمنا خلاص اليوم نسيناكم." بعد ما سمع المسج كامل شكل على الاتصال و انا ما ارد و لا احسسه انه لي وجود و هو يتصل و انا طناااااااش بعدها دزلي مسج شعر كأنه يرد على الاغنيه و يفهمني انه ندمان على كل اللي سواه و انه يبي فرصه مني عشان يثبت انه تعدل .. دزيتله مسج واحد معنى الشعر اللي فيه انه انا خايفه اسامحك و ترجع مثل ما كنت و تزيد جروحي .. و سكرت جهازي يمكن نص ساعه .. و هالشي اول مره اسويه انه اسكر جهازي لانه انا شغال عندي على طووووول و ما اسكره بالمره ..

    بعد نص ساعه فتحته و الاقي مسجات الدنيه و اتصالات منه حتى وانا مسكره الجهاز يبين عندي منو اتصل فكان في اتصالات وايد منه .. و شوي ولا يرجع يتصل .. اهني انا بس ماقدرت اصمد اكثر و عور قلبي الصراحه و شلته و طبعا الدموع اربع اربع بس ما حسسته بهالشي و كنت سااااااككككككككككته .. سلم علي و قعد يشرحلي انه مايقدر يعيش بدوني و انه نفسيته شوي تعبانه و هالشي مخليه مايتحكم في اعصابه هاليومين و انه يبي يتعدل و انه انا مالي ذنب و ماغلطت و من هالكلام اللي يريح القلب ..

    انا ماعاتبته ولا فتحت موضوع اللي صار بينه عشان لا يتحسف على المبادره اللي سواها وعشان لا احطه في موقف المجرم و انا القاضي اللي يحاكمه لانها مو حلوه بحقه دام انه حس في غلطته و اعترف و قالي كل شي بدون لا اطلب منه يعني الحمدالله بادره طيبه منه ..
    و ابشركم الحمدالله هالجم يوم كل شي اوكي بينه واتمنى انه الله مايغيره ..
    بس تبون الصراحه انا خايفه من سالفة السفر والافكار تدور في بالي وايد والشك والغيره عليه موقادره اتحكم فيهم بس ليلحين ماحسسته بهالشي واتمنى انه مايسيطرون علي هالافكار عشان امتحاناتي قربت وموعارفه ادرس والسبه هالافكار اللي مادري شلون اتخلص منها .. و مو عارفه افاتحه بالموضوع لانه اخاف اجرحه ويفكر اني شايفته موزين وهالشي يجرح وايد لكن شنسوي احنا البنات لو حبينا ودنا نمتلك هالشخص ومانخلي له اي صله في اي احد من خوفنا عليه .. اللي عندها حل او طريقه افاتحه بهالموضوع عشان يطمني وريح قلبي بليز بنات تقولي .. و عارفه اني وايد اذيتكم بالكلام بس فيكم الخير والبركه و انا واثقه منكم حبيباتي ..

    و بعد ما طمنتكم عني وعن اللي صارلي احب اشكر كل حبيباتي اللي اهتمو لموضوعي و تحملو القصه الطويييييييييييييييله و ردو علي بكل رحابة و سعة صدر .. و اقولهم ماقصرتو و كفيتو و وفيتو و نصايحكم و وقفتكم معاي كانت مشرفه و بيض الله ويهكم و الله لا يحطكم في مواقف صعبه و يرزقكم بزوج طيب و يسخره لكم يارب ..

تابعي تجارب أخرى من هذا القسم.