شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    نوفى.....
    ازيك يا حبيبى....
    سكسكة مطلع عينى وودانى و كل حاجة تتخيليها بسبب المذاكرة..
    المدرسة بتاعته اتقفلت....و لسه بادورله على مدرسة تيجى تذاكرله فى البيت...
    و لحد ما ألاقيها طبعا انا اللى باقوم بالدور ده.....
    و البيه عايز يقضيها دلع و غناء و ألوان....ووقت الجد يغلوش و يقعد يتنطط زي الفرقعلوز....
    و البوسة وصلت....المهم انتى اخبارك إيه.؟
  2. @ashtkt_alyk

    أوكسى...
    عاملة إيه يا حبيبة قلبى....
    واحشانى ....و طبعا مش هاتكلم كتير فى اللى فات ...
    و أنتى كمان ما شاء الله عليكى...ربنا يقوي إيمانك و يعوض صبرك كل خير....
    بس أنا كمان هاقولك على الحاجة اللى كانت واقفة فى زورنا بس مقدرناش نقولها لان كان مش وقتها و انتى كمان كنتى خلاص خلصتى خطوات العملية.....
    لما قلتى على كيس الشيكولاتة....انا كمان قلقت كتير لانه من أعراض الإندو....و بالرغم من انى مش قريت خالص عن المرض ده...
    لكن معلوماتى عنه بس سمعتها من برنامج بشرة خير.....
    و اللى عرفته عنه...إنه ممكن يتسبب فى التأثير على جودة البويضات...و ممكن يهاجم الحيوانات المنوية ...و ممكن يعيق تخصيب البويضات..و لو اتخصبت ممكن يهاجمها و يتسبب فى عدم ثباتها و يتسبب فى إجهاض لو حصل حمل...
    و علشان يحصل معاه حمل آمن...لازم له بروتوكول علاج صحيح...و مش عارفة إن كان كمان لازم يتعمل منظار و لا لا.....
    فأنتى يا حبيبتى لازم دلوقتى تمسكى الخيط ده و تمشى وراه...و تشوفى حد كويس تتابعى معاه....
    و إن شاء الله نقضى على المشكلة ديه وربنا يكرمك من واسع فضله...
  3. @neevooo

    oxygenatom
    الحمد لله ... بحاول ارتب اوراقى علشان احدد الخطوة الجاية
    ان شاء الله يا قلبي
    ربنا يسدد خطاكي و يرزقك من حيث لا تحتسبي
    على فكرة نقطة الاكياس دي كانت بتهرش في نافوخنا بس مش حبينا نسبب لك اي قلق او توتر
    و قلنا ربنا يكرمك و يسترها معاكي
    انما لو عاوزة رأيي
    الدكتور دة مش امين
    دة رأيي و استخيري يا حبيبتي قبل اي حاجة
    و انت ما شاء عليكي فاهمة و عارفة حالتك
    يبقى الخطوة الجاية انك تشوفي موضوع الاكياس دة ايه و نعالجها و بعد كدة نشوف هنعمل ايه على مية بيضا زي ما بيقولوا
    و انا متأكدة ان ربنا هيكرمك قريب جدا جدا جدا
  4. @neevooo

    اشتقت اليك
    نوفى..... ازيك يا حبيبى.... سكسكة مطلع عينى وودانى و كل حاجة تتخيليها بسبب المذاكرة.. المدرسة بتاعته اتقفلت....و لسه بادورله على مدرسة تيجى تذاكرله فى البيت... و لحد ما ألاقيها طبعا انا اللى باقوم بالدور ده..... و البيه عايز يقضيها دلع و غ…

    ااااااااااه
    جيتي على الجرح
    انا خليت ولادي في البيت من امبارح و هقعدهم اسبوع كمان
    لان في حالة ايجابية ظهرت عندهم الاسبوع اللي فات
    و اديني مقعداهم كانه يوم دراسي عادي جدا بس في البيت
    و ربنا يستر يا يااااااااااااااارب

تابعي تجارب أخرى من هذا القسم.