شاركي في النقاش

سجلي الدخول لإضافة تعليق.

التعليقات

1,551
  1. مسلمة
    الف سلامة عليكي وعلي جوزك شفاه الله وعافاه يا رب
    وان شاء الله تطمني وتقوميلنا بألف سلامة يا رب

    أم اياد
    الحمد لله يا حبيبتي انك عرفت المشكلة في ايه بس اكسبي وقت وروحي لدكتور شاطر وخدي العلاج علطول وربنا يكرمك يا رب
    انا متفائلالك كتيير والله

    ريمو
    وحشاني اوي يا حبيبتي وازاي انوي ربنا يخليهولك يا رب

    شوشو
    اخبارك ايه طمنينى عليكي مفيش اخبار كدة ؟

    مشمشة
    يا رب تيجي مصر بالسلامة وتنوريها وترجعي منها مجبورة الخاطر يا رب
    وانا مقدرش ابعد عنكو ابدا والله غير الشديد القوي

    ماما
    عاملة ايه يا حبيبتي
    علي فكرة د حسام رجع يوم السبت حاولي تكلمية وشوفي ايه الخطوات اللي جاية وطمنينا
    وسلملنا علي سارة كتييير

    دودو
    عاملة ايه يا حبيبتي ناوية تبدأي امته ؟

    زوزو
    عاملة ايه يا قمراية ربنا يريح بالك يا رب ويقر عينك برؤية ابنك قادر يا كريم

    نيفو
    انا كمان بحب القرنفل اوي ومدمناه زيك كدة
    عاملة ايه يا حبيبتي ان شاء الله تكوني اتعافيتي من كل حاجة
    وتدخلي في دوامة الحمل قريب ان شاء الله

    اوشي
    اعملي يا حبيبتي الربط اضمن واسلم ولو شكه في الدتور ده
    استشيري دكتور تاني علشان تتأكدي وربنا يعملك الخير يا رب
    وتوصلي لجوزك بألف سلامة

    طمطم
    وحشاني اوي

    ميكو
    عاملة ايه يا قمراية واخبار شغلك ايه والطرق ؟؟

    شيمو
    سلامتك يا حبيبتي الف سلامة

    ام انس
    اللي بقت غايبة علطول ومتنشانه

    مها
    اخبارك ايه يا قمراية ؟

    باقي البنات يا رب ما كنش نسيت حد بحبكم في الله

  2. @mama1983_1

    شيموا سلامتك من البرد ياعسل
    مشمشه ربنا يستر ده الجزاير لو غلبت:30:انا اول وحده حزعل لاني بشجع مصر وربنا يعافيكي من البرد يا جميل والله انتي ونيفوا معاكم حق انا المفروض ابطل المقارنات الغبيه بتاعتي ده لان كل وحده حاله مختلفه وكله بأمر الكريم
  3. اوكسي
    انا خليت لك مشاركة لوحدك مخصوصة علشان تعرفي غلاوتك عندي
    بصي بقة وركزي معايا اوي علشان الكلام اللي هقوله ده مش هتلاقيه عند حد بالساهل ههههه
    دي خبرة سنتين فاتو والله

    انا اول مرة عملت فيها حقن مجهري كنت فاكرة اني سليمة ميه في المية والمشكلة من عند زوجي فقط ، وعملت زيك بالضبط اثناء التنشيط اكتشف الدكتور في متابعة التبويض ان عندي كيس شوكولاته وقالي نشفطو عن طريق المهبل لأنه ضاغط علي المبيض ومأثر علي انتاج البويضات
    وعملتها فعلا زيك بالضبط برده وكمات العملية عادي جدا وانتجت بويضات كتييير ساعتها تقريبا بتاع 16 بويضة وجمد جزء ورجعت 4 بويضات من الدرجة الأولي والدكتور كان متفائل جدا جدا جدا لدرجة اني كنت حاسة اني خلاص انا حامل ، ومكنش عندي اي خبرة عن مواضيع الحقن ولا الاندو ولا الكلام ده طبعا
    ومحصلش نصيب والحمد لله

    المهم اني لما قررت ارجع الأجنة المجمدة لقيت ان الكيس اللي كان صغير واتشفط حجمة كبر جدا علي مدار 4 شهور فقط
    وبعدها عملت العملية لازالة الكيس خالص بس ده اثر علي المبيض نفسة لأن الكيس كان لازق علي المبيض والدكتور غصب عنه وهوا بيستأصل ده من ده ممكن يأثر علي جدار المبيض والحمد لله علي كل حال

    والمهم علشان انا رغيت كتيير وبعدين علشان متوهيش مني
    لما رحت مؤخرا لدكتور حسام وعرف التاريح العظيم بتاعي قالي ان عمليات فتح البطن والكلام ده طريقة قديمة واكتشفو انها غير مجزية علشان بتأثر علي المبيض ( وده فعلا اللي حصل )
    وقالي الططريقة الجديدة اللي انا عملته مؤخرا انه يشفط الكيس وبعدها يوقف الهرمونات اللي ممكن تساعد علي تكون الكيس مرة تانية وده بيحصل بمنع التبويض نهائي ومنع نزول اي دورة ( زي ما قلت لبوبا )
    وبعدين ينشط ويبدأ طبعا انا لسة مش عارفة هل طريقة علاج د حسام هيا الصحيحة والأمثل ولا لأ بس علي الأقل هوا مش عمل ضرر لأي حاجة بالعكس هوا شال الاندو

    وبالمناسبة انا ساعة التنشيط كان فيه كيس صغير بدا يظهر علي المبيض الشمال ود هاني قالي علشان هرمونات التنشيط بتحفز الاندو انها تتكون تاني بس طبعا كان حاجة صغيرة وقالي انه مش مأثر معانا في حاجة

    ولسة ابقي تابعيني في الخطوات اللي جاية ربنا يسهل وتنجح العملية وتنبقي تعملي زيي وتحصليني يا رب

    يا ريت اكون افدك ووضحتلك الصورة كما ينبغي

تابعي تجارب أخرى من هذا القسم.