شاركي في النقاش

سجلي الدخول لإضافة تعليق.

التعليقات

1,551
  1. ماما1983
    صح يا نيفو معاكي كل الحق لازم اركز على ماما بس وكفايه مقارنات بين مين طلعت بويضه ومين ما طلعتش ومين حملت ومين لا صح بس حكايه انهم مش زينا ايوه هما مش زينا بصراحه هما احسن واسمحيلي اقول كده هما نساء عاديات زينا مش دكتورات لكن علمهم بحالتهم …
    ماما ربنا يكرمك يارب و يرزقك من حيث لا تحتسبين

    فعلا كلامك صحيح انا شفت برنامج مصطفى محمود قديم صحيح بس كل السيدات اللى فيه بيتكلموا عن اللى عاوزة ربنا يكون كان الكلام عن الهندسة الوراثية و سالوا السيدات هل اذا قالوا لك ممكن نجيب لك طفل عيونه بلون معين و شعره توافقى و عاوزاه مثلا موهوب بالموسيقى الكل قالوا لالالالالالالالا سبحان الله رغم انهم مش مسلمين قالوا لا و انه التلاعب بما فوق البشر يودى لكوراث

    انا بختلف معاكى بالراى بخصوص الخلطات لو قراتى المواضيع هتلاقى خصوصوا للسيدات بعض الخلطات زى عيون وليد دى خلطة مشهورة بالمنتدى فيها كمون و مش عارفه ايه للتكيسات تقريبا

    جابت نتايج رهيبة و ما شاءلله عالجت البعض منهم و حملوا و منهم اللى لفت و اخذت ادوية الدنيا فالاعشاب علم و لازم لما ناخذ حاجة نكون متاكدين بس بجد العالم كله بيحاول يرجع للطبيعة دلوقتى و مش العرب و بس الاجانب كمان بيدوروا على وصفات طبيعية مثلا للتخسيس و لكل حاجة بحياتهم اصلى يعنى مش العرب و بس


    و يمكن لانى بادخل مواقع اجنبيه كثير بحكم انى مترجمة انجليزى و دارسة للادب الانجليزى ( ليسانس السن انجليزى )فشايفه انهم مهتمين بالطبيعه جدا و من اكثر الكلمات بحثا بجوجل هتلاقى بيدوروا على وصفات طبيعيه للتخسيس لتزويد الوزن للحمل و كل شىء

    حلوة اكثر الكلمات بحثا بجوجل هههههههههههه
  2. صاحبة الموضوع
    الهدى والنور
    ماما ربنا يكرمك يارب و يرزقك من حيث لا تحتسبين فعلا كلامك صحيح انا شفت برنامج مصطفى محمود قديم صحيح بس كل السيدات اللى فيه بيتكلموا عن اللى عاوزة ربنا يكون كان الكلام عن الهندسة الوراثية و سالوا السيدات هل اذا قالوا لك ممكن نجيب لك طفل …
    توتا يا حبيبتى شكرا على النصيحة ... بس دلينى الخطوة الجاية اعمل ايه بالضبط ... اغير الدكتور ... اروح لمين طيب ... ولو فضلت معاه المفروض اعمل ايه
    اعيد هرمونات fsh , LH وخصوصا انهم كانوا معمولين من سنتين والدكتور لما مطلبهومش تانى وانا نبهته .. قالى بيطلبوا للتكيس وانتى معندكيش تكيس ... دلينى الخطوة الجاية ايه ... انا النهارده اول يوم فى الدورة ومش عاوزة اضيع الشهر ....
  3. @ashtkt_alyk

    oxygenatom
    طيب يا اشتقت انت رأيك اغير الدكتور من دلوقت ولا اروحله واسمع حيقولى ايه ... علشان اشوف حعمل ايه انا كنت بحسب المشكلة اتحلت لما شفط كيس الشيكولاته معنى كده ايه ... ممكن يكون عندى اندرو فى الرحم ياريت تنورينى انا معنديش فكرة بالموضوع ده
    أوكسى,,,,
    أنا لو كانت عندي معلومات أكتر عن الموضوع ده...مكنتش اتأخرت عنك أبدا....
    لكنى فعلا كتبت كل اللى أعرفه....
    بس لو عايزة رأيي....متكمليش مع الدكتور بتاعك ده...لانه أولا مطلبش تحاليل جديدة قبل العملية....و خصوصا ان تحاليلك كانت من مده طويلة....
    و ثانيا لم يهتم بالكيس....لأنه كان شايفه فى السونار و لم يهتم بتحديد نوعه (انا برده مش عايزة أظلمه لانى معرفش ...هل الدكاترة يقدروا يعرفوا ان كان كيس دموي و لا كيس ماء و لا غيره من السونار و لا لا)....
    بس برده ده ميعفيهوش من المسئولية....لانه طالما كان فيه حاجة زي ديه ...متهيألى كان المفروض يمشى وراها شوية ويشوف يتأكد منه ازاي قبل البدء فى اجراءات العملية...حتى لو هيعطلك شوية...بدل ما يكلفك و يدخلك على العملية و فى الآخر يكتشف ده يوم السحب....

    المطلوب منك دلوقتى إنك تروحى لحد كويس و موثوق فيه و يجيد التعامل مع الحالة ديه....و الحمد لله إن توتا أفادتك و قالتلك تجربتها...

    ربنا يقويكى يا حبيبتى و يهديكى للى فيه الخير....و متقلقيش لأن ربنا زي ما خلق الداء ...خلق له الدواء....كل اللى علينا إننا نسعى...و نسالأ الله إنه يوقعنا فى حد أمين يمشى معانا خطوات صح ......و حسبى الله و نعم الوكيل فى اي طبيب يتعامل باستهانة فى أمور مرضاه و يتسبب فى حيرتهم و تعبهم بالشكل ده....

تابعي تجارب أخرى من هذا القسم.