ماما....
أنا طبعا عارفة إن نصيحة نيفو كانت من واقع خوفها عليكى.....
لكن أنا متفقة معاها فى جزء و مختلفة فى جزء تانى.....
بصى يا قمر....مش وحش إنك تدخلى كل منتديات الدنيا...و إنك تدوري على حالات مماثلة و تشوفى خبراتهم....
إحنا ملناش دعوة بمعتقداتهم ...احنا يهمنا علمهم و تجاربهم.....و إحنا الحمد لله عقيدتنا تحمينا من أي شئ غريب أو شاذ هم بيلجئوا إليه...
أنا منكرش إن منتدياتهم و حواراتهم فعلا مفيدة جدا.....يبقى خدي منها المعلومة المفيدة....و كمان شوفى الخبرات علشان تاخدي دفعة أمل....(أنا مبحبش أقارن نفسى بحد...لكن منكرش إنى باخد دفعة أمل لما أشوف حكايات مماثلة ليا...أو لما أشوف ناس صبرت كتير وربنا عوض صبرهم خير)...يبقى رأيي ادخلى...لكن غيري نظرتك أنتى.....شوفى المعلومات المفيدة...و شوفى الخبرات اللى هتديكى أمل....و تعلمك الصبر....زي الناس اللى عملت العملية مرة و اتنين و ربنا اكرمهم بعدها....و متخافيش من النجارب السيئة و تحسى إن ممكن يحصلك زيهم.....لا استفيدي من أخطائهم...و اوعى تقارنى نفسك بيهم....(يعنى هاوضحلك...ممكن أشوف واحدة عمليتها نجحت من تانى مرة....ده ممكن يدينا أمل...لكن مينفعش ندخل على المحاولة التانية و احنا عندنا يقين إن لازم نصيبنا هيكون زي نصيب صاحبة التجربة....لا احنا ناخد الامل و نتفائل ..لكن نثق من جوانا إننا مش هنشوف غير نصيبنا اللى ربنا كاتبهولنا....و لازم لما نشوفه نثبت لنفسنا و لربنا اللى مطلع على كل شئ إننا راضيين بيه وواثقين إن اختياره لينا هو الأفضل....)
و انا طبعا مش باقول إن ده سهل...لا ده صعب و عايز ترويض لنفسنا و تحجيمها و تهذينها و تعويدها على الرضا و الصبر.....و لو مكانش الأمر ده صعب مكنش ربنا سبحانه و تعالى جعل كل هذا الجزاء للصبر......ربنا يقوينا عليه....و يفرح قلوبكم جميعا
أنا واثقة إنك عاقلة و عارفة الكلام ده.....لكن حبيت اتكلم معاكى شوية...لانى واثقة ان كلامنا مع بعض بيفيدنا كلنا.....كفاية إنه بيحسسنا بخوفنا على بعض
طريق الامل ( خبرات متبادلة حول مراكز العقم فى مصر ) الجزء السابع/يفتح جديد
متابعة النقاش، صفحة 88