شاركي في النقاش

سجلي الدخول لإضافة تعليق.

التعليقات

1,551
  1. شيمولاتا
    انا دخلت اصبح عليكو بس سامحونى انى مش هقدر اكتبلكم كتير لانى شايفه الكلام بالعافية لانى عندى برد شديد وعينى بتدمع كتير بحبكم جدا

    شيمو شفاكى الله وعافاكى يا حبيبتى ... لابأس عليكى طهور ان شاء الله .. خدى يابنتى اى حاجه للبرد
    وخدى عسل ابيض كتير علشان يديكى طاقة شويه انتى يا حبيبتى بتشتغلى صبح وليل ربنا يقويكى

    مشمشة ..
    مش دايما احساسنا بالخوف او القلق من شئ بيكون صح ومش دايما بيكون معناه ان ربنا بيبعدنا عنها علشان مفيهاش خير ومش معنى ان العملية عماله تتاجل يبقى ربنا مش رايد فيها خير .. لا يا حبيبتى .. وارد جدا ان ده يكون اجتهاد شيطان عليكى عايز يمنع عنك الخير بإنه يخليكى تشوفيه شر وانه يخليكى تحسى انك مش عايزاة ويخليكى تقتنعى انها رساله من ربنا وانه هو اللى بيبعدك عنها ..
    علشان ده انا نفسى تعملى العمليه وتكرريها طول مانتى لسه شباب وتقدرى تصرفى عليها .. علشان احنا بنعمل ده واحنا كلنا ثقه فى ربنا قبل اى حاجه تانيه .. وبما اننا مقتنعين انه رزق ربنا وحده هو اللى بيبعته يبقى نبقى مع ربنا ونفضل نعملها وربنا لما يشوف اننا واثقين فيه وظانين بيه خير هيكرمنا ويرزقك يا مشمشة
    ما تحسبيش الموضوع بالعكس بس وتوكلى على الله وزى ما قولت لك المسألة اختبار من ربنا لو نجحتى فيه هتشوفى الخير كله يا حبيبتى .. وبعدين مين ده اللى يديكى علقه .. طيب يبقى حد يقوللك بم بس وانا اكله بسنانى .. تعالى بس وكلنا هنا اخواتك ولو احتاجتى اى شئ انتى ليكى فى مصر اخوات كتير يا حبيبتى ..

    شوشو .. ونيفو .. منورين وصباحكم ... احم احم .. مساكم زى الورد يارب يسعدكم انتم متعرفوش غلاوتكم عندى ازاى

    بوبا ..
    حبيبتى انا مخضوضة عليكى جدااا .. مش عارفه اقوللك ايه بعد كلامك .. بس انا رأيى زى رأى شوشو .. لازم تمشى ورا كلام دكتور عادل وتطلبى منه انه يشرح لك اكتر ايه المفروض يتعمل دلوقتى .. بس عارفه بردة برغم انى اتخضيت لكن كلام حد مجرب زى توتا هدانى كتير وخلانى افكر فعلا ان دى حاجات بتحصل مع اكتر من حاله
    وكمان انا لو مكانك كنت هستنى قبل ما ابتدى تنشيط ... خصوصا انه رأى دكتور عادل بردة وكمان لازم تاخدى الحقن اللى بتوقف نشاط المبايض زى ما توتا قالت لك اسألى دكتورك عليها برده
    ربنا يارب يكرمك يا بوبا .. ابعتى لدكتور عادل تانى واعرفى منه ايه اللى مفروض تمشى عليه واسألى دكتورك وشوفى رده هيكون ايه وقارنيه بكلام دكتور عادل علشان من هنا هنعرف ان كان دكتورك ده بيفهم ولا لا
  2. الهدى والنور
    انا بروح المركز ياحبيبتى وفعلا مش بقعد اكتر من نص ساعة بالكتير قوى ساعة لاكن العيادة مش عارفة مش عندى فكرة عنها والله
    عموما طمنينا قالك ايه؟
  3. @ashtkt_alyk

    ماما...
    أحييكى على ردك لأم إياد.....لكنى هاصلح معلومة واحدة بس....
    لو فعلا فيه تكيس و LH عالى....يبقى لازم يتظبط الأول قبل الجوء للحقن المجهري...لسبب مهم..و هو ان البويضات لازم تكبر فى بيئة فيها توازن هرمونى ...و إلا ممكن متبقاش صالحة للإخضاب أو تبقى ضعيفة و يحصل منها حمل ضعيف.....و بالرغم من ان البويضات بتخرج كل شهر...الا انها بتحتاج يكون حواليها بيئة هرمونية سليمة لعدة شهور سابقة.....

    و ده لأن الهرمون ده طلع تأثيره أسوأ مما نتوقع....أنا هاكتبلكم المعلومات اللى قريتها من منتدي تانى ...لكنه للاسف لا يسمح بالنقل....و كمان قوانين المنتدي هنا لا تسمح بوضع لينكات لمنتديات أخري....

    بصى يا ستى...الهرمون ده بيؤثر على نضج البويضات....و حتى لو كبرت فساعات كتير مش بتبقى صالحة للإخصاب.....و كمان بيؤثر على التصاق الاجنه فى جدار الرحم...و احيان كتير لو حصل حمل يتسبب فى إجهاض...

    يبقى مفيش مشكلة اننا نضيع شهرين تلاتة فى تظبيط هذا الهرمون قبل التنشيط أو قبل الحقن....لان ساعتها عامل الوقت اهون الف مرة من خوض تجربة فاشلة....

    و بالنسبة لمده العلاج....فانا مش متاكدة تماما...لكن اعتقد انها تتراوح بين شهرين لسته أشهر من الاستمرار على الميتفورمين....مع فقد الوزن....و كمان فيه دكاترة تانية بتدي حبوب منع الحمل....

    وو أخيرا يا أم إياد....أنا مقلتش الكلام ده علشان تخافى...لا..فيه ناس كتير بتحمل بعد العلاج الصح من التككيس...و حملهم بيكمل و يبقى زي الفل.....بس انا باقولك كده علشان تاخدي وقتك فى العلاج الصح....و غن شاء الله ربنا يكرمك عن قريب....و كمان فكري فعلا فى كلام ماما..انه لو مكنش فيه اي مشاكل تانية متعلقة بالانابيب و غيرها...يبقى الحكاية كانت بس لخبطة هرمونات....و ديه حلها تظبيط و بعدها تنشيط جيد...و ان شاء الله ربنا يكرمك عن قريب
  4. @ashtkt_alyk

    رمال....
    أنتى كمان و الله يا حبيبتى غالية عندي أوي.....يا بنتى و أنا باكلمك باحس كأنى بابص فى المراية....ربنا ميحرمنيش منك أبدا يا قمر
  5. @mama1983_1

    شوفو يا بنات مفيش حاجه توقف الاندو متريوسس الا ان الدوره توقف وتقريبا الدكاتره مختلفين في علاج الاندو في حالات اتعالجوا بعمليه فتح البطن زي بوبا كده بيعملوا العمليه وبيشيلوا كل الاندوامتريوسس الي في البطن ولو عامل التصاقات بيفكوها العمليه ممكن تنعمل بمنظار بس لو الحاله متقدمه لازم فتح بطن وبعد كده ممكن الوحده تحمل طبيعي وممكن بالتنشيط بس من غير اي اطفال انابيب بس في دكاتره كثير خوجات انا شفت كلامهم في مواقعهم على النت زي دكتور حسام كده شايفين ان العمليه ده ممكن تسبب ضرر اكثر من النفع لاننا في العمليه ممكن نسبب جروح ونأذي المبيض وده تمام الي حصل مع توتا شوفي اول عمليه طلعت بويضات كثيره بس بعد العمليه اثر الدكتور على المبيض ولبويضات الي بتطلع قليله انا عن نفسي مستحيل اقبل اني اعمل العمليه ده والحمد لله انا بتعالج عند دكتور حسام الي سياسته ان نعمل منظار نشفط الكيس بعد كده شويه حقن تمنع الدوره وبالتالي نقلص من الاندوامتريوسس دون ان نؤثر على مخزون البويضات الي اصلا عندى قرب يخلص صحيح الاندوامتريوسس بيتشخص بالمنظار لكن ممكن لو الدكتور شاطر يشخصه بس بالسونار زي ما حصل معايا وعلى فكره الاندو بيفرز مواد وبيسبب حاله زي الالتهاب بتاثر على جوده البويضات وممكن تمنع التخصيب او التصاق الاجنه عشان كده علاجه مهم قبل الحقن المجهري

تابعي تجارب أخرى من هذا القسم.