السلام عليكم
ازيكم يا بنات
انا الحمد لله كويسه
لسه ماروحتش للدكتوره تانى
لسه ناقصلى اسبوع على الاقل
ان شاء الله خير
مها يا حبيبتى انا كويسه الحمد لله
بس كل الحكايه انى اول ما عرفت انى حامل كنت قلقانه اوى
لأنى مريت من كام شهر بتجربة حمل بس ماكملش والحمد لله
الجنين ماكنش فيه نبض وعملت اجهاض عملية تنضيف يعنى
بس الحمد لله بعد الاجهاض بشهرين اهو الحمد لله ربنا اكرمنى بالحمل تانى
بس كان عندى شوية قلق بسبب خوفى من تكرار التجربه الاولى
ورحت للدكتوره بعد 12 يوم من تأخر الدوره عشان نشوف النبض
طبعا ماشوفناش حاجه يادوبك بس شفنا كيس الحمل
وقالتلى اروحلها بعد اسبوعين وان شاء الله اطمن فى المره الجايه
وعلى فكره انا كمان عندى تكيس والتبويض عندى كان تقريبا معدوم
بس مع الكلوجوفاج وخسيت شويه والمنشطات الحمد لله اهو حصل حمل
فانتى شيدى حيلك كده وخدى الكلوجوفاج او السيدوفاج
وحاولى انك تخسى شويه
انا على فكره عارفه انك مش تخينه خالص ووزنك كويس
بس الدكتور عادل قال حتى لو كنتى رفيعه فوزنك ده مش متناسب مع هرموناتك
يعنى حاولى تنقصى كيلو ولا اتنين
ونشطى وتابعى التبويض وان شاء الله اباركلك قريب اوى
ادى كل حدودتى يا قمرايه
طريق الامل ( خبرات متبادلة حول مراكز العقم فى مصر ) الجزء السابع/يفتح جديد
متابعة النقاش، صفحة 130