مشكلتي مع البسبوسة .. تصير ناشفة!!

علميني طريقتك وانا اقولك وين الغلط

أستخدمي طريقتي ومراح تندمين

ضعي في الزبدية كاس ونص سميد أي نوع خشن أو ناعم علبه زبادي أربع ملاعق حليب كاس سكر نص كاس زيت نصف كاس ماء

ملعقة بكنج بودر بيضة أو بيضتين أعجنيها بيدك مايحتاج خلاط تطلع لك سائلة ضعيها في صينية ورشيها بشعيريه باكستانية مدهونة وخليها

في فرن حار لمدة ساعة إلاربع طلعيها سقيها شيرة وحليب نسلة تطلع خياليه وبالف عافية

المكون الي ناقصك ياعسل علشان تكون لينه البن او الزبادي

البسبوسة عشان ما تصير يابسة لاااازم تكثرين الدهن اللي فيها..يعني يمكن انتي ما تحطين كفاية زيت او قشطة..زيدي الدهن و شوفي وش يصير..

والله ياختني انا كنت زيك تعقدت من شي اسمه بسبوسه

لين ربي رزقني بوحده من المنتدى جعل ربي يفتحها معاها وين ماراحت ويرزقها الجنه

اقلك صارو كلهم يتجننون على بسبوستي <<<في نفسي اقول سبحان الله كنت اسوي بسبوسه ثلاث اربعها يرمي واللحين يتضربون عليها حتى اخر شي

وسهله سريعه ماتخذ وقت

ابنزل لك طريقتها بالبسبوسه مثل ماهي كاتبتها لاني نسختها




صبااااااااااااااااااااااااح الخير
بسبوستي الي تذوب على طول ولا تشبعي منها وتتمني دايم انها تكون موجوده
المقادير ///
2بيض
2ملعقه كبيره جبنه سايله
علبه قشطه
2فنجان شاهي سكر
نص كاسه زيت
ملعقة صغيره فانيليا
تخلط مع بعضها

وبعدين بعد خلطها تاخذي كاااااسه سميد او كاسه ونص على كيفك
وملعقه كبيره ممسوحه بكنج بودر وضييفها مع الخليط السابق
وادهني الصينيه وصبي الخليط ورشي فوقها سمسم وبعد ماتتحمر
طلعيها من الفرن وغطي عليها وخليها لما تبرد شوي
وانتي قد جهزتي الشيره او 2فناجين سكر شاي وعلبه حليب بوني وخليه لما يغلي شوي
وبعدين صبيه فوق البسبوسه
وعليكم بالف عافيه ..................