شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    حزن....
    أنتى شكلك طيبة أوي يا حبيبتى....
    انتى بمجرد دخولك معانا بقيتى واحدة مننا...
    ليه يا قلبى متحاوليش تتفاعلى معانا اكتر و تدخلى تحكى معانا ...
    و لو فيه أي حاجة حابة تعلقى عليها فى كلامنا.....احنا اخوات....
  2. @hya_nnshr_alkhyr

    ماما1983
    الهدى ربنا يكرمك وا ن شاء الله السكر ينزل نصيحه لازم تبدي رجيم يا هدى خلاص يا حبيبتي اسمحيلي حكون قاسيه معاكي شوية جسمك تعب بجد من الاساءه ليه لازم تبدي رجيم لان الاول انزلاق غضروفي ودلوقتي سكر لا ده كثير شوشو ماشاء الله خبيره رجيمات ممكن …
    ازيكم يا بنات ..يا أحلى بنات

    ألف سلامة على نيفين وياريت توصلولها سلامى

    أم زياد ... أنا قريت حكايتك ... وان شاء الله تفرحى بفرج ربنا قريب جدا جدااا
    بس عايزه أقولك أن الدكتور لما قالك ان الهرمونات مش بتتغير بين يوم وليلة كان للأسف غلطان لأن الهرمونات أكتر حاجة بتتغير بسرعة لأنها مرتبطة
    بالحالة النفسية ونوعية الغذاء فممكن تتغير فى خلال شهرين أو تلاتة و أولهم البرولاكتين
    أنا بجد بتعجب من أى طبيب يأخد أى خطوة قبل ما يطلب تحاليل
    ...أنا شخصيا والحمد لله بعيد تحاليلى كلها مرة كل 4 شهور من غير ماحد مايطلب منى ...لأن للأسف الدكاترة بيكبروا دماغهم و أتعلمت انى لازم أبقى مصحصحة لنفسى علشان مش أبقى ضحية لأهمالهم و استهتارهم

    عزيزتى رمال .. أنا مش بشتغل بس للأسف مش معاكم كل يوم لأنى بطيئة جدا على الكى بورد يعنى علشان أكتب رد ممكن أقعد ساعة وكمان ليا موضوع تانى هنا ويدوب برد عليه بحس ان عنيا وظهرى وجعونى من قعدة الكمبيوتر ... لكن بدخل أطمن عليكم بإستمرار حتى لو مشاركتش بالكلام

    وأشكر كل اللى رحبوا بيا من كل قلبى :26:
  3. @ashtkt_alyk

    دودو أم جوجو
    انا جيت يا باشا و تحت النظر (او فوقه مش عارفه) ايه رايك فى كلام ياى اللى انا بقوله , انا كنت داخلة اسلم بس علشان عارفة اليومين الجايين بيبقو نوم . وربنا يوفقك يا اوكسى و متهيالى فعلا النتايج بتاعت التحاليل مش واضحة و روحى للدكتور و شوفى ع…
    ازيك يا دودو....و ماشى يا عم اتريقى براحتك.....انا يا ستى عمري 27 سنه و 7 أشهر .....علشن تكملى ضحك...و اتخرجت و عمري 20 سنه و 3 شهور (طبعا ده كان مثار تريقة فى كل حته أشتغل فيها اصلا)

    المهم معلش...و اوعى تستنى حد يشجعك...او حد يكون مر بتجربة زي تجربتك....علشان كده هتتعطلى كتير...طالما مقتنعة بالخطوة توكلى على الله فيها.....و ربنا يا حبيبتى يهديلك جوزك و يسخرهولك و يهديكم للى فيه الخير
  4. @ashtkt_alyk

    هيا ننشر الخير...
    منورة....و أنا بأمر الله هأوصل سلامك لنيفو....و فعلا ادعيلها كتير لانها تعبانة أوي...و الابنتلاءات عمالة تزيد كل شوية....ربنا يزيح عنها و يشفيها .....

    طبعا برافو عليكى انك مصحصحة....لكن هاقولك على معلومة نتيجة تجربة لسه حاصلة معايا من كام يوم بس....بصى مش كل الهرمونات سريعة التغير زي ماحنا فاكرين.....فعلا البرولاكتين بتغير بسرعة حسب الحالة النفسية....لكن و عن تجربة لما بيتعالج صح....و لو اخدنا ادوية لتثبيت مستواه...فعلا بيثبت و مش بنحتاج نعيد التحليل كل شوية....

    أما باقى الهرمونات ...زي اللى بتتعمل تانى يوم الدورة....ففعلا مش بتتغير بين يوم و ليله.....و هاقولك...انى كل شوية كنت باسال الدكتور...فيه تحاليل المفروض اعملها....و يقولى لا..خلينا فى العلاج....و فى الآخر مقدرتش اقاوم الفضول و القلق وعملتها...و لقيت انها بعد سنه متغيرتش تقريبا الا حاجات طفيفة....و قالى برده ان ده الطبيعى و المتوقع...و علشان كده هو مطلبهاش....

    فنصيحتى ليكى....حاولى تختاري طبيب كويس و اهل للثقة...تتابعى معاه و تريحى دماغك....و متتعبيش نفسك و لا تكلفيها كل شوية....و تمشى على خطة علاج مظبوطة.....و ان شاء الله ربنا يكتبلك كل اللى فيه الخير....

    و قوليلى صحيح....ابنك الجميل عمره كام سنه....
  5. @hya_nnshr_alkhyr

    عزيزتى اشتقت اليك .. ده نورك انتى وبجد ربنا يشفى نفين يااارب ويصبرها على كل ابتلائتها
    وأشكرك على النصيحة كتير و فعلا الحمد لله بعد لفه طويلة بالطفطف :09: رسيت على دكتورة أنا حبيتها قوى وارتحت لها نفسيا ( مشكلتها الوحيدة مواعيدها )
    وابنى حبيبى عنده 4 سنين ربنا يحفظه يااارب وعلى فكره أنا اتأخرت فيه برضه وعملت منظار بطن وبعده ب 3 شهور حملت
    فيه و الحمد لله

تابعي تجارب أخرى من هذا القسم.