شاركي في النقاش

سجلي الدخول لإضافة تعليق.

التعليقات

125

  3. @am_alrzak

    صاحبة الموضوع
    amiritaa
    الاخت massy-q ليه الاسلوب السخيف دة فى الكلام؟؟؟؟ربنا ما يحكم عليكى ب اللى هى شايفاة ...دى معاناة ما بعدها معناة والم لا يتخيله احد غير ام محروق قلبها على ولدها ...احترمى شعور الغير و لو مش عاجبك الموضوع ما تدخليش ...بس يا ريت ما تستخفيش ب…
    فديتك والله وفديت الديرة اللي انتي منها
    قولي امين .. الله يعطيك ما تمنينه ويبارك لك فيه اللهم امين :26::26::26::26:

  4. @am_alrzak

    صاحبة الموضوع
    ومرت ايام واشهر
    معنوياتي بين ارتفاع وبين يأس
    مرة ارقي نفسي علشان اشد من عزمي واعرف اقابلها في الرقية
    ومرة اهمل روحي وانتظر قضاء الله وقدره
    ومرات اصبر نفسي واقول :
    هذي فلانه عندها حالات بالوراثة وعايشة دنياها
    المهم رزقني الله بعدها باولاد وبنات اثنين منهم خديجين بس الحمدلله طيبين وبخير
    وبحالات وفاة داخل الرحم على الشهر الثامن والسابع
    وحالت اجهاض يعني تحسون الدعوة يبي لها رقية
    لا تقولون من بينظلني او يحسدني ؟؟؟ وعلي ايش يحسدوني ؟؟
    يمكن فيه اسباب اخرى
    انا كنت مدمنة اغاني يوم كنت بنت وكنت اقفل الغرفة علي وللفجر اغاني ورقص بروحي
    هذا بروحه سبب للمس والمضره
    بتقولون : وش علينا
    بقول لكم : من باب التنوير والافادة

  5. @am_alrzak

    صاحبة الموضوع
    المهم
    كنت اذا بزور الجيران اخذها معي في كل مرة بسبب حزني ورحمتي بها
    وبسبب دلعها الزايد ما تحمل اتركها مع احد حتى لو خالتها او الخدامة
    كبرت البنت وصارت ثقيلة قلت خلاص ماله داعي تروح معاي في كل مرة اروح زيارة
    خاصة انه صار عندي بنت اخرى اصغر منها بكثير و متعلقة فيني ويوم اجي ازور احد تحط راسها براس اختها الصغيره وشمعنى هي تروح وانا قاعدة وصيحة مع كل طلعة
    طبعا هي ما تكلم بس باسلوب الصياح والاشارة ادري وش تبي
    فخضعت لها اخيرا وصرت اخلي الصغيره في البيت حالها حال اختها
    قلت جاهل ما تميز
    ((( وهذا اكبر خطا اخطأته في حق بنتي الصغيرة ... لا تخطون خطاي ))
    ومرت السنين
    والصغيرة كبرت وصارت تقارن روحها بلي بعمرها من بنات عم وبنات جيران وخاله
    رايحين رادين بروحهم ومع امهاتهم
    وهي كل مرة تبي تغير جو
    تبي تروح بروحها او معاي تطلع لنا اختها المريضة بصياح واعصاب وحالة ما يعلم فيها الا الله
    اذا تروح اروح انا بعد
    او تقعد مثلي


    عجزت فديتكم :09:
    الله يفرج علي وعليكم
    يتبع

تابعي تجارب أخرى من هذا القسم.